المساعد الشخصي الرقمي

مشاهدة النسخة كاملة في الموقع الأساسي مع الصور : نديم محسن *



HashtNasht
08-09-2006, 06:48 AM
ألبوم نديم محسن ( شبه )

ولا تنسو ..أنو هيدا وقت ...الشبه محتل الكل :thumbsuppp: :

الأغاني :

1 رندوحة البحاره
2 عتاق
3 وتمايلي
4 واحة نصر
5 لا تفلي
6 جنون
7 شبه
8 رقصة الحبال
9 يا غزيله(تنويع فولكلوري)
10 إنت حبيبي
11 فاصله
12 يلا فاصله

Safir
08-09-2006, 08:06 AM
شكرا عمجهودك, بس بحب الفت نظرك لقانون قسم الموسيقى بمنتدى صوتك. ممكن تخبرنا تاريخ اصدار الالبوم؟ حسب القانون ممنوع نشر الاعمال الجديدة للفنانين.

HashtNasht
08-09-2006, 08:29 AM
ما بعرف سنة النشر بالضبط لهاد الألبوم ..بس صرلو 3 أو 4 سنين ...تقريبا يعني ...:confused:

Nassim
08-09-2006, 09:08 AM
شكرا عمجهودك, بس بحب الفت نظرك لقانون قسم الموسيقى بمنتدى صوتك. ممكن تخبرنا تاريخ اصدار الالبوم؟ حسب القانون ممنوع نشر الاعمال الجديدة للفنانين.

العمل قديم كنت اسمعو لما كنت بلبنان يعني فيك تقول شي 6 سنين

Safir
08-09-2006, 09:20 AM
براءة.
هلق بنزلوا انا كمان. شكرا مرة تانية.

Memo
23-12-2006, 02:27 PM
وتمايلي

ليلي جلي
ليلك ملي
بليلك وبي
رقص النخل
خلف السهل
هل الحلا
لابس عبي

ع ضحكتو -
توعى الدني
نيرانيها
هامات لو
شوق و ألم
لما انتقل
قلبي ذوي
وين الحلو

وتغنجي -
جيلك صبى
باح الخجل
جلل هوى
حبي طري
ريقو نشف
شفتك ندى
داقو ارتوى

تحت المطر -
طرنا سوى
واحد نوي
ويلي لمح
نادى الجند
ندهوا: حلم
لما لقوا
قوس القدح

RAFFA_LB
23-12-2006, 02:38 PM
اكثر من شكر

Hanibaael
23-12-2006, 03:08 PM
هيدا وقت الشبه..محتل الكل..

Hanibaael
08-01-2007, 09:59 PM
مير الزمان



تَ يضلّ الزعتر اخضر
بحقول الشام
وما يْضلّ القمح الاسمر
جوعان ينام
غنّت بابل:
عالميْمر
علّى الحمام
يِهْدل...
ويلوّن احمر
ريش الأيام...

سبْع مواج وتتْعلاّ
فوقن عمّان
يومي الأرز ويرْسِملا
بتَلجو اغصان.
وحلوه...
بعيونا "دجله"
مير الزمان
ع خدود القمر كحلا
نَقَّط مرجان. فيِّ عربش ع حالي
لمّا اشتاق!
جِبْلا نجوم الليالي
خوخ...
ودرّاق...
طافوا النهرين قْبالا
ضاعوا الحْلاق
لْقيت بيافا مرسالا
نَخْل العراق...

Hanibaael
08-01-2007, 10:33 PM
احلى من هلال



شايفَكْ
متل البدر
ضاوي فوق تلال
متل الموج لْ بالبحر
بعْلوّ الجبال
ومتل الصبايا بالفجر
ع كتافن سْلال
وليْش ع مرّ العمر
مَحْبوس بْسؤال...

انتَ فكّة السحر
والقوّة بْدَفق النهر
وسَحبة الموّال

وانتَ طلّة النسر
لْ علّى ع جناحو الدهر
وشَيَّد العرزال
شايفك
متل النصر
وأحلى مِنِ هْلال
متل الركوه عالجمر
مْخَمَّمره بالهال

شْمالي الهوا منْ شهر
وراس الشجر مال
ورحلتنا بْدونك صفر
ومايل عالشمال.

Hanibaael
08-01-2007, 10:41 PM
رندوحة البحارة



1-
من صوب البحر حْقول
زرقا بتْنادينا
فْتَحْنا بْواب المجهول
ورَنْدحنا غنانينا.

2-
شفْنا حْبوب اللولو
غطَّسنا أْيَادينا
تاري
ليل بْطولو
نجوم بتَلْعب فينا.

3-
ضعنا
وَبْتالت يوم
جيتَ تَ تْدِلّينا
طْلَعتِ مع صبحك تَوْم
عدتِ ضَيَّعْتينا.

4-
احْتَرنا يا حلوه كيف
نْقِلِّك: جَنَّنيتا
نْ متْنا متل الخرف
ربيعك يِحْيينا.

5-
بدِّكْ فضّه؟ منْجِيب.
ولَو بدر يْعادينا
بدِّك لون المغيب؟
جبنا الحِنَّه...وْجينا!

6-
مْراكبنا بْبَحرك خيل
سرج الموج عْلِينا
بكرا ع شط جْبيل
آدون يْلاقينا...

7-
صوتِك ضحكه وجراس
برحلتنا تْناجينا
لْتَمّوا حواليك الناس
انتِ الدنيِ...وْدينا.

8-
قَدَّي لَوَّنّا الميّ
ما جرح يْبَكينا
قلْنا يا ملح خْطَيّ
بْنيرانَك داوينا!

9-
لَفْح البْرد مْناديل
لِبْسَتها ليالينا
دَهَّبْناها قْناديل
تْشَنْشِلْها...وْتِهْدينا.

10-
مْنزْكر...حبّةْ لَيمون
قْطَفْناك..حْرَقتينا
نْسينا بيافا بتْكون
الشمس ببساتينا...

11-
مِحْني فوقن سَيْفين
وخضْرتْهن تحْكينا
دخِلك...هَوْدي عَيْنين
أَو طَلّوا رْوابينا؟

12-
أمّ...
وسِهْرِت عَ سْراج
بْلَهْفَتْها تحمينا
بْرَدَنا...
رَقَّتْ ع الصّاج
شمس زغيره...
دْفينا...

13-
لاحت للعين جبال
ما نْطَرنا للْمينا
ركَضْنا عالميّ قْبال
غّمْرةْ أَهَالينا.

maherdj
18-01-2007, 06:13 PM
هذه الملفات مش شغالة مع انها قبل كانت شغالة ، يمكن بعد المشكلة الاخيرة مش عم بتشتغل
ارجوا تنزيلوا مرة اخرى
شكرا رفاق

موال
16-02-2007, 03:42 AM
نديم محسن من القلة الرائعين الذين احب ان استمع لاغانيهم وألحانهم

http://www.adabwafan.com/content/products/2/3194.jpg

أغنيات:
1- You can't
2- The oath
3- sufi
4- Nawruz
5- In your face
6- Seduction
7- Bleeding dates
8- Cherry falls
9- Dewy night
10- Koufiyyeh
11- I find me in you
12- Black abayas
13- Heigalo Heigala
14- Kisses
15- Prince of time


اليكم 3 مسارات من الألبوم .. و سوف أرفع ما تبقى في حال كان الانترنت افضل حالا :ي:


:)

تفضلو
:)

موال
19-02-2007, 01:57 AM
العفو مرتين دادا :ي:

بس معليش .. لسة مشكلة الابلودنج ما حليتها
بس بوعدك لما احلها ارجع احمل باقي الملفات :)

daadaa_3
20-02-2007, 12:35 AM
ma tnatirni kteeeeeeeeeeeeeeeeeeeeeeeeeeeeeer

galeel
20-02-2007, 07:38 AM
موال

يمكن مزيد من المعلومات عن نديم محسن

موال
21-02-2007, 02:52 AM
http://www.ssnp.info/images/Nadim%20Mohsen%201.jpg

نديم محسن شاعر لبناني , يكتب و يلحن أشعاره , له عملين فنيين هما ( رقص النار ) و( شبه ) ..وله كتابين او ثلاثة .. لست ادري بالضبط حجم انتاجه الأدبي .. منها كتابي شامات - سهران نهار
تعاون مع عدة أصوات مثل : سامي حواط, غادة شبير( كأغنية انت حبيبي ) , كورس نينار ( كأعنية تمايلي ) , شربل روحانا , سمير سبليني, جاد الرحباني .

يقول في احد اللقاءات معه :



(نحن أسرى محدودية الحواس وكم من البواطن الإنسانية تفوتنا ليس لغيابها بل لغيابنا عنها).

( لقد شعرت من خلال اهتمامهم بأعمالي أنهم أكثر قرباً مني، فكيف بوسعي نقل أفكار كثيرة لهؤلاء في وقت قصير؟ كيف أنقل ما أحس أنهم يحسونه مثلي؟ لقد شعرت أنني ألقنهم أشياءً هم يعرفونها أكثر مني...)

وعن الأفكار والرؤى التي يحملها منجزه الفني يقول:

( الأمور التي أطرحها قد لا تكون مهمة، ولا أدعي أهميتها، هي ربما بسيطة ولكنها معي أشعر أنها أساسية...، وآمل أن أنجح بالتعبير عنها وتقديمها للناس بعيداً عن الخطاب السياسي الذي يفرض الشكل الذي يجب أن يروه فيه. ولذلك تراني أترك أعمالي مشرعة على الاحتمال، اللقطة الواحدة فيها، الشخصيات،...تحمل جميعها تفسيرات متعددة، وأنا أثق بالجمهور وقدرته على التخيل...).

وكيف تولد الفكرة عند نديم محسن وتصير كلمة ولحناً وصورة؟

( تبدأ معي الموسيقا والأغنية بالشعر ـ يجيب ـ فأنا أكتب الشعر أولاً دون أن أنوي تلحينه، أكتب لأجل الشعر نفسه، وبعد سنوات أعود لقراءة القصيدة، لتعطيني إحساساً جديداً، وكأنها تقول لقد صار في داخلها معنى آخر عليّ أخذه إلى مكان آخر، فتراني وقتئذ ألجأ إلى الموسيقا فهي الوحيدة التي تسافر بلا حدود.

الكلمة والحرف محدودان، أما السمع فلا، أشعر أن الموسيقا هي الوحيدة المطلقة، لذلك أعود لأعمل على الكلمة من جديد... وعند التصوير أعود لأسمع الأغاني، وأبدأ بتخيل أفكارٍ معينة لها، فتأتي الصورة لتكمل النقص الذي أشعر به فيها، وعندئذٍ أطرح عبر الفيديو كليب خياراً للأغنية، وأقول خياراً لأن الأغنية تحتمل عدة خيارات، وما أنجزه أنا هو واحد من هذه الخيارات وحسب. )

m.a.y.05
21-02-2007, 11:47 AM
حلوين كتير, شكراً...

ناطر البقية....

موال
08-03-2007, 03:23 PM
ميادة اهلا بيكي ..
كلمة رائع ما بتوفي حق نديم ..
عندي الألبومين اللي اصدرهم .. هيني عمالي برفع بواحد .. والثاني موجود بالمنتدى .. لو مش شغال برفع التاني كمان

دادا صبرك علينا .. ان الله جميل يحب الصابرين :ي:

daadaa_3
22-04-2007, 06:03 AM
hey
mawwal
can yu coomplete the whole cd?

dead actor
14-05-2007, 09:39 PM
بقية التراكات .

ياسمة
27-05-2007, 01:21 AM
ألبوم نديم محسن ( شبه )

ولا تنسو ..أنو هيدا وقت ...الشبه محتل الكل :thumbsuppp: :

الأغاني :

1 رندوحة البحاره
2 عتاق
3 وتمايلي
4 واحة نصر
5 لا تفلي
6 جنون
7 شبه
8 رقصة الحبال
9 يا غزيله(تنويع فولكلوري)
10 إنت حبيبي
11 فاصله
12 يلا فاصله



انا بتسغرب انه في هالكم الهائل من المبدعين العرب ومع هيك مش كتير معروووفين في بلاد كتيرة
يعني هالنديم مثلا موهبة كتير مميزة و بتمنى انه يلاقي الصدى اللي بتسحقه
حابة اسال اذا اله البوم تاني غير شبه

اممي
11-06-2007, 04:40 PM
هاي 3 اغاني من السيدي بس المشكلة اني ماعم بعرف كيف ارفق السيدي كل ؟
بكل الاحوال صوت غادة بكلمات والحان نديم مزيج الاهي صعب ان ماتسكر الاذن بهالترانيم

اممي
14-06-2007, 11:02 PM
بعتبار مافي ردود قررت انا ارسل ردود لحالي
يحرق ديبكن شو تنابل:mad:

free-iron
15-06-2007, 12:32 AM
تريد ردا فوريا
استنى امل اذن :ي:
طول بالك اممي شوي :p

madmax
18-06-2007, 02:02 AM
بعتبار مافي ردود قررت انا ارسل ردود لحالي
يحرق ديبكن شو تنابل:mad:
كلو من دوا السعلة ...بدك تطول بالك :ي:

angel_amal
04-08-2007, 09:43 PM
هاي 3 اغاني من السيدي بس المشكلة اني ماعم بعرف كيف ارفق السيدي كل ؟
بكل الاحوال صوت غادة بكلمات والحان نديم مزيج الاهي صعب ان ماتسكر الاذن بهالترانيم

اعتذر على الرد المتأخر
بترفق السي كتراكات متفرقة متل ما رفعت اول 3 اغاني
او بتحط كل الاغاني تعول السي دي ب ملف مضغوط وبترفعه على الموقع

wassaccio
21-10-2007, 11:36 AM
يا ريت حكان يساعدني كيف بدي أعمل دونلود لان كل ما أكبس على الدونلود بيفتح صفحة تانية وبيطلب التزم بقوانين الموقع

wassaccio
25-10-2007, 01:05 PM
فنان جميل جدا نديم محسن وأعماله رائعة . أتمنى أن أستطيع تحيل الأغاني قريبا :thumbsuppp:

بيلسان
25-02-2008, 08:36 PM
من ألبوم "شبه"
الأغنية التانية




"عتاق"



للأرض هنّي رفاق
سمرا تجاعيدُن
بْعمر الصخور عتاق
ومْعتّق نبيدُن

* * *

كان الطقس بردان
تخبّى بحضنُن الدافي
احْمرّ الشجر سمّاق

شافوا البدر نعسان
غنّوا صبْحُن الغافي
عا بحّة صوتُن فاق

* * *

ما تسألوا الأمطار
شو سرُّن ومينُن
هنّي عا جْبين النار
ومْشقّق جبينُن

* * *

بيتلفلفوا بْضحكات
فوق خدودُن تعبانة
بيتعكّزوا عا خْبار

عيونُن صدى وهيهات
تمحي سنين هربانة
يعودوا بلمحة صغار

* * *

ودّى حدا مرسال
يسأل عنُن كيفُن
قولوا دمع الأطفال
بلّلُن رغيفُن

* * * * *

حرية
20-03-2008, 08:12 PM
:thumbsuppp:روعة ميرسي كتير ... وطبعا نديم محسن فنان بكل معنى الكلمي ...

بيلسان
26-02-2009, 05:54 PM
ممكن تراكات 2، 12، 13، 14، 15 من ألبوم رقص النار ، كملفات mp3 :please: :o

sdk
27-06-2009, 05:20 PM
جاري التنزيل

abuziad81
27-06-2009, 08:39 PM
ممكن تراكات 2، 12، 13، 14، 15 من ألبوم رقص النار ، كملفات mp3 :please: :o
12 سود العبي (عتابا)
13 قبل , زلغوطة
15 مير الزمان

abuziad81
27-06-2009, 09:34 PM
2 واو القسم
14 هيغالو هيغالو

angel_amal
12-07-2009, 04:07 PM
نديم محسن original cd's

وين ممكن لاقيهم لان مش موجودين بال virgin mega store
اذا حدا عندوا فكرة :please: