المساعد الشخصي الرقمي

مشاهدة النسخة كاملة في الموقع الأساسي مع الصور : رد من ال زعيتر على مقالة للمستقبل



العقاب الحيدري
23-03-2008, 01:11 PM
أصدرت عشيرة آل زعيتر في لبنان بياناً حول ما نشرته صحيفة المستقبل في عددها الصادر اليوم
جاء فيه: طالعتنا المستقبل ببيان منسوب الى آل زعيتر دون أن تحدد من هم وراء هذا البيان الأكذوبة. وتابع البيان نقول للغرف السوداء وللصحف التي تنقل عنها هذه الأكاذيب إن عشيرة زعيتر تملك من الشجاعة ما يدفعها لتعلن مواقفها بشكل واضح وصريح وهي كانت وستبقى مع المقاومة البطلة وستبقى تقدم الشهداء إلى جانب المقاومة. واعلنت العشيرة الاحتفاظ بحقها في مقاضاة كل من تثبت مسؤوليته عن هذا العمل الجبان.
http://www.wa3ad.org/index.php?show=news&action=article&id=18505



==

يا ريت حدا يحطلنا البيان الكاذب

Manolia
23-03-2008, 01:18 PM
ال زعيتر حزب جديد؟ :ي:

العقاب الحيدري
23-03-2008, 01:22 PM
ال زعيتر حزب جديد؟ :ي:
عشيرة اصيلة لبنانية الها شهداءها والها كبارها والها مثقفينها
عريقة بالمقاومة من ايام ايامها وتعد اكبر عائلة في دوائر النفوس اللبنانية
وتمتلك حوالي الـ 25000 صوت ناخب ..

Manolia
23-03-2008, 01:28 PM
عشيرة اصيلة لبنانية الها شهداءها والها كبارها والها مثقفينها
عريقة بالمقاومة من ايام ايامها وتعد اكبر عائلة في دوائر النفوس اللبنانية
وتمتلك حوالي الـ 25000 صوت ناخب ..
يا قباري والله بعرف
قصدي يعني انو بيانات وبيانات مضادة ..اعلام تيار سياسي vsعشيرة لبنانية
لبنان بلد المعجزات

العقاب الحيدري
23-03-2008, 01:31 PM
يا قباري والله بعرف
قصدي يعني انو بيانات وبيانات مضادة ..اعلام تيار سياسي vsعشيرة لبنانية
لبنان بلد المعجزات
عشيرة بيت المقداد هي عشيرة والعشيرة الها رئيسها او شيخها والها وجهاء يعني فيكي تحسبي بتشبه التيارات من الناحية هيدي يعني في بيانات مواجهة اي ادعاء بيترمى عليهم

العقاب الحيدري
23-03-2008, 01:34 PM
" البيان الكاذب "

آل زعيتر: الشيعة وبيروت ولبنان
أكبر من أن يسيطر عليهم "حزب الله"

المستقبل - السبت 22 آذار 2008 - العدد 2911 - شؤون لبنانية - صفحة 7


اتهم آل زعيتر في بيان "حزب الله" بمحاولة السيطرة على الشيعة في لبنان وانه لا يتردد في ضرب كل من يقف في طريقه الى هذا الهدف.
واكد البيان ان الشيعة وبيروت ولبنان اكبر من ان تسيطر عليهم اي فئة مهما امتلكت من اموال ومن اسلحة وعتاد.
وقال آل زعيتر في بيانهم امس:
"تكررت امس الاشتباكات بين عدد من مجرمي "حزب الله" وبعض الشباب من آل زعيتر، حيث قام عناصر "حزب الله" ومن دون اي سبب بالتحرش بعدد من الشبان من عائلتنا قرب كلية العلوم، واتبع هؤلاء المجرمون ذلك باطلاق النار على شباب عائلتنا ما تسبب باصابة عدد منهم بجروح".
اضاف البيان: "لقد بينت هذه الاشتباكات ان "حزب الله" يحاول بكل ما يملك ان يسيطر على الشيعة في لبنان وانه لا يتردد في ضرب كل من يقف في طريقه الى هذا الهدف، لكن ما على قيادة الحزب ان تعرفه ان الشيعة وبيروت ولبنان اكبر من ان تسيطر عليه اي فئة مهما كانت ومهما اشتد عودها ومهما امتلكت من اموال ومن اسلحة وعتاد.
ان آل زعيتر ينظرون ببالغ الخطورة لهذا الاشتباك، الذي اظهر الوجه الحقيقي لهذه الزمرة المجرمة، التي تدعي ليل نهار، انها تمارس المقاومة، لكن سلاحها بات يتوجه في حقيقة الامر وعلى ارض الواقع الى صدور السكان العزل".
وختم البيان بالقول: "ان آل زعيتر يناشدون المؤسسات الامنية والقضائية التعامل مع هذا الموضوع بمنتهى الجدية والخطورة، وفتح التحقيق الفوري في هذا الاشتباك وإلقاء القبض على المجرمين الذين اطلقوا النار، وابعادهم عن المناطق المأهولة وتأمين الحماية للمواطنين العزل. كما نناشد القيادات الشيعية المسؤولة العمل على تقليم اظافر هؤلاء المجرمين قبل ان يدفع ذلك الشيعة بكاملها نحو حافة الهاوية".

العقاب الحيدري
23-03-2008, 01:35 PM
النائب غازي زعيتر يرد
على بيان "ملفّق" الى آل زعيتر

المستقبل - الاحد 23 آذار 2008 - العدد 2912 - شؤون لبنانية - صفحة 6


رد النائب غازي زعيتر في بيان باسم عشيرة آل زعيتر على بيان صدر باسم العائلة معتبراً أنه "ملفق ومنسوب الى آل زعيتر".
وقال زعيتر في البيان: "طالعتنا صحيفة "المستقبل" في عددها الصادر بتاريخ 22 آذار 2008، وفي الصفحة السابعة ببيان صادر عن آل زعيتر... دون أن تحدد من هم وراء هذا البيان الأكذوبة، ومن هي الغرفة أو الغرف السوداء التي تفبرك مثل هذه البيانات المعدة سلفاً، فتنسب الى آل زعيتر بياناً، يحمل في طياته من العبارات والمواقف ما يعبر عن مكنونات مفبركها ومؤلفها.
للغرف السوداء وللصحف التي تنقل عنها هذه الأكاذيب، نقول، إن عشيرة زعيتر، تملك من الشجاعة والرجولة ما يدفعها لأن تقول وتعلن مواقفها وسياستها بشكل واضح وصريح لا لبس فيه، فهي كانت وستبقى مع المقاومة البطلة وهي قدمت وستبقى تقدم الشهداء الأبرار الى جانب المقاومة في مواجهة العدو الصهيوني وأزلامه في الداخل والخارج.
وإن هذه المحاولات الرخيصة والدنيئة لن تحقق لهذه الغرف السوداء ومن وراءها أهدافهم في ضرب المقاومة وشق الصف الواحد.
ونحن كنا بغنى عن هذا الرد على البيان الملفق والمنسوب الى آل زعيتر، ولكن نتحدى شجاعة ورجولة من وراء هذا البيان "اللهم إذا كانوا يملكون الشجاعة والرجولة" ولا أظن ذلك... أن يعلن ويكشف عن من هم وراء هذا البيان الكاذب".
وختم زعيتر بيانه بالقول: "نكتفي بهذا القدر، محتفظين بحقنا في مقاضاة وملاحقة كل من تثبت مسؤوليته عن هذا العمل الجبان والمشين وذلك أمام الجهات المختصة وفي أي مكان".

anonymous
23-03-2008, 01:36 PM
طب ما علينا شو صار بالاشتباك ؟ بين مين و مين ؟ شو كان سببه وكيف تطوّر ؟

أفلاطون
23-03-2008, 01:37 PM
دخلكن مش آل زعيتر لي قاعدين بالفنار ؟

العقاب الحيدري
23-03-2008, 01:41 PM
طب ما علينا شو صار بالاشتباك ؟ بين مين و مين ؟ شو كان سببه وكيف تطوّر ؟




متل العادة شلاعيط زعران نعرف بينهن عنصرين من الحزب الاشتراكي معروفين بالمنطقة ومعروف مين معينهم بأمن الجامعة وفي معهم شخص من بيت زعيتر بس.... معروف بانو خريج حبوس اما الشباب لي تم التعرض الهم هني طلاب الجامعة منهم من التعبئة التربوية ومنهم من الاخوان القطاع التربوي بحركة امل حتى انو احد الطلاب الجرحى هو من ال زعيتر ...

العقاب الحيدري
23-03-2008, 01:42 PM
دخلكن مش آل زعيتر لي قاعدين بالفنار ؟


لا حي اجمالا هني حي السلم والليلكي هيدي اكتر شي منتشرين بهل منطقة

ELijah
23-03-2008, 02:30 PM
طب ما علينا شو صار بالاشتباك ؟ بين مين و مين ؟ شو كان سببه وكيف تطوّر ؟





ما هوي الفكرة يا أبو الكيم، إنوا هيدا مش أول إشتباك، والفكرة إنوا هيدا مش مسّلح عالمظبوط.

من فترة صار إشتباك مشابه، عأول أوتستراد السيد هادي نصر ألله، بس إنتهى السريع.

بس من فترة شي شهرين أو ما عش ذاكر تقريباً، صار إشكال ضخم، على تحويطة الغدير، بين آل زعيتر و"حزب ألله". وصار في إطلاق نار وسيّر الحزب الدوريات ليلاً على مدة 3 أيام. لأنو دبّكت منيح وقتها.

هالإشكالات بتصير كانت، إنوا بالضاحية معروفة يعني، مننا نحنا ولاد الضاحية وبالجر، إنو كل يوم بصير مشكل، وأيا واحد بيعمل مشكل. بس كترانة هالخبرية والحزب عادةً ما كان يفوت معهن بصدام مباشر، بس في شي ما عم بفهمو، إنو كيف عم يعلقو هالجماعة مع الحزب وهني معو !! شي غريب يكاد انو يستحال تفهمو غير لتوقف معهن للشبيبة وتسمع رأيهن هني بالموضوع، مع انو الصيت انو اغلبهن زعران، بس لازم تسمع رأين بالموضوع كمان، وأهم شي المستقبل ما تتدخل، لأنها معروفة مش ناوية تقدم حل ولا صورة صحيحة، بدا تصب زيت عالنار بس.

ما بدي فلسف الموضوع بس بتصور انتي رح تفهم عليي، علاقة العالم بالسلطة، الحزب لما تحول لسلطة بالضاحية، الشباب لي بعانو من البطالة والظروف الصعبة بواجهو بحالة نفور، عم تطور بصدامات معيبة للأسف. مع لفت النظر إلى مناقبية وأخلاق عناصر الحزب، لي هني كتير مهذبين، ومحترمين، بس في علاقة سيئة دائماً بين المجتمع وطبقاتو الفقيرة بأي شكل من أشكال السلطة.


البيان أكيد كاذب بالمستقبل. الجماعة مع الحزب، يعني أكتر ما بتتصوّر، والحزب مش ممكن يزّعلن. بيبقى نقول اخت هالبلد لي بعدا مسيطرة عليه العشاير واللامركزية والفوضى. سلاماتظو

ابو حيدر
23-03-2008, 02:42 PM
القصة كلها على بعضها اشكال صغير وانحل وما حصل بعده ما هو الا شوية زعران بدن يتزعرنو مش اكثر والمستقبل بدها جنازة تشبع فيها لطم !!

Safir
23-03-2008, 04:46 PM
شو يعني؟
معش فينا نقول انو سلاح الحزب ما بيتوجه للداخل؟

ابو حيدر
23-03-2008, 04:57 PM
شو يعني؟
معش فينا نقول انو سلاح الحزب ما بيتوجه للداخل؟
له يا زلمي !!
ازا كم واحد طلعو سلاح فردي وقوصو بيكون سلاح حزب الله !!!
اصلا مين قال انو المشكل مع الحزب !!!!

Safir
23-03-2008, 08:52 PM
له يا زلمي !!
ازا كم واحد طلعو سلاح فردي وقوصو بيكون سلاح حزب الله !!!
اصلا مين قال انو المشكل مع الحزب !!!!

أحمد
http://www.sawtakonline.com/forum/showpost.php?p=466299&postcount=12

ELijah
23-03-2008, 09:23 PM
أحمد
http://www.sawtakonline.com/forum/showpost.php?p=466299&postcount=12

إيه الحزب ترك إسرائيل وأميركا وخلص بدو يقاتل بيت زعيتر
ولك شو هالحكي ها

انوا صار إشكال امني بالضاحية، والحزب هوي الجهو السؤولة عن الأمن بالضاحية عادةً، كيف اذا المشكل مع عناصر الحزب متل حالة الليلكي كلية العلوم ؟ إنو بسيطة وإنحلت وما بدا كتير تعويص

الجماعة مش ملايكة وعندن عناصر بتعمل مشاكل، ما حد يحلل من مخو

بعدين ما شفت إلا أحمد ؟ فوق قايلن وحاكين قصص عن اشكال بين شباب بيت زعيتر وبين عناصر التعبئة التربوية شو خص أحمد ؟؟

النور الحيدري
23-03-2008, 10:55 PM
شو يعني؟
معش فينا نقول انو سلاح الحزب ما بيتوجه للداخل؟


مبلا يا عيني .. بيتوجّه .. وممكن ايا شب يوجّهه ..

بس القيادة ما بتوجّه ..

ودايمن عم توصل الامور لحدّها ..

وحط براسك شغلة .. انو شباب الحزب مش معصومين ..

وبالمشاكل دمّهم بيفور .. متلهم متلك متل ايا شباب

وحتى لما تكون ردّت فعل شباب حزب الله باستعمال السلاح .. ( وهيدي عم تصير )

عم يكون في ردع ومنع من قِبل المسؤولين في حزب الله عالارض ..
دايمن بنص دين المشاكل عم يمنعو المسؤولين من استعمال السلاح ..
والكلمة اللي دايمن عم اسمعها وشوفها .. اعتبرني شاهد محايد .. عم انقل

ولا حدا يستعمل سلاح .. ممنوع .. ما بيجوز استعمال السلاح ..
شرعا مأثوم .. وما معك صلاحية استعماله .. او بالاحرى (( تكليف )) :)

هيدي الحالة اللي بتصير دايمن ..
بيكون المشكل قايم قاعد .. بس لما يظهر سلاح من عناصر حزب الله بيتم التعامل معه بوعي .. وهيدي القصة ما بتحمل تطنيش ..

والجميع اخبر انو لما يكون الشب دمّو فاير .. اشهر من ان يعرّف ..
ما حدا معصوم ولا نازل عليه النبوة ولا الالوهية ..



الله يحميهم ويثبتّهم ويديمهم وينصرهم

anonymous
23-03-2008, 11:16 PM
مبلا يا عيني .. بيتوجّه .. وممكن ايا شب يوجّهه ..

بس القيادة ما بتوجّه ..

ودايمن عم توصل الامور لحدّها ..

وحط براسك شغلة .. انو شباب الحزب مش معصومين ..

وبالمشاكل دمّهم بيفور .. متلهم متلك متل ايا شباب

وحتى لما تكون ردّت فعل شباب حزب الله باستعمال السلاح .. ( وهيدي عم تصير )

عم يكون في ردع ومنع من قِبل المسؤولين في حزب الله عالارض ..
دايمن بنص دين المشاكل عم يمنعو المسؤولين من استعمال السلاح ..
والكلمة اللي دايمن عم اسمعها وشوفها .. اعتبرني شاهد محايد .. عم انقل

ولا حدا يستعمل سلاح .. ممنوع .. ما بيجوز استعمال السلاح ..
شرعا مأثوم .. وما معك صلاحية استعماله .. او بالاحرى (( تكليف )) :)

هيدي الحالة اللي بتصير دايمن ..
بيكون المشكل قايم قاعد .. بس لما يظهر سلاح من عناصر حزب الله بيتم التعامل معه بوعي .. وهيدي القصة ما بتحمل تطنيش ..

والجميع اخبر انو لما يكون الشب دمّو فاير .. اشهر من ان يعرّف ..
ما حدا معصوم ولا نازل عليه النبوة ولا الالوهية ..



الله يحميهم ويثبتّهم ويديمهم وينصرهم


في تطوّر بالاعترافات.. يعني بالنهاية افترض انو في شي نهار تطوّر المشكل و وصل لمحل انو صار في دمّ و في طرف تاني و علقانين.. و دمّ فاير.. اليس من الممكن انو توصل لمحلّ الشباب ما تعود تردّ عالقيادة ؟ ما دام دمّهن بيفور و معهن سلاح، و قبل ما توصل الجهة المعنية او اوامر القيادة، عم يتمّ استعمال هالسلاح.. شو بيفرق مثلاً عن ايّ ميليشيا صار الحزب داخلياً ؟

حكيك اسمحلي في تخبيص..

صفة السلاح تُعطى حسب وجهة الاستعمال.. و ليس لمن يحمله.. و اللي بيحمله كمان

قطعة السلاح نفسها، هي و عم تقوّص عالعدو الاسرائيلي، هيدي سلاح مقاوم، و اللي عم يقاتل مقاوم، بس تستعمل هالقطعة السلاح بالقواص او بالشارع ضد فريق سياسي، صارت سلاح ميليشيوي، و اللي ماسكين السلاح ميليشيا او زعران..

اللي صار قرب مجمّع العلوم مش اول مرّة بيصير، و حزب الله كونه سلطة امر الواقع الموجود بهالمنطقة ممكن يتعرّض لنفس اللي ممكن تتعرّضله اي سلطة مقابل سلاح اخر موجود بمنطقتها

مش اكتر من هيك..

هلأ شو بتحبّ تسمّي افعال سلطة الامر الواقع، شي تاني، بس اكيد مش مقاومة، ولا الشباب المنضويين تحتها و اللي نزلوا اشتبكوا او قوّصوا مقاومين

سلام

Safir
23-03-2008, 11:25 PM
إيه الحزب ترك إسرائيل وأميركا وخلص بدو يقاتل بيت زعيتر
ولك شو هالحكي ها

انوا صار إشكال امني بالضاحية، والحزب هوي الجهو السؤولة عن الأمن بالضاحية عادةً، كيف اذا المشكل مع عناصر الحزب متل حالة الليلكي كلية العلوم ؟ إنو بسيطة وإنحلت وما بدا كتير تعويص

الجماعة مش ملايكة وعندن عناصر بتعمل مشاكل، ما حد يحلل من مخو

بعدين ما شفت إلا أحمد ؟ فوق قايلن وحاكين قصص عن اشكال بين شباب بيت زعيتر وبين عناصر التعبئة التربوية شو خص أحمد ؟؟


:ي:
ما دام الحزب عنده عناصر غير منضبطة فيعني صار متله متل الباقيين يا ابو ليلى مع انو التانيين ورسميا ما عندهم عناصر مسلحة لا منضبطة ولا فلتانة.

النور الحيدري
23-03-2008, 11:38 PM
في تطوّر بالاعترافات.. يعني بالنهاية افترض انو في شي نهار تطوّر المشكل و وصل لمحل انو صار في دمّ و في طرف تاني و علقانين.. و دمّ فاير.. اليس من الممكن انو توصل لمحلّ الشباب ما تعود تردّ عالقيادة ؟ ما دام دمّهن بيفور و معهن سلاح، و قبل ما توصل الجهة المعنية او اوامر القيادة، عم يتمّ استعمال هالسلاح.. شو بيفرق مثلاً عن ايّ ميليشيا صار الحزب داخلياً ؟

حكيك اسمحلي في تخبيص..

صفة السلاح تُعطى حسب وجهة الاستعمال.. و ليس لمن يحمله.. و اللي بيحمله كمان

قطعة السلاح نفسها، هي و عم تقوّص عالعدو الاسرائيلي، هيدي سلاح مقاوم، و اللي عم يقاتل مقاوم، بس تستعمل هالقطعة السلاح بالقواص او بالشارع ضد فريق سياسي، صارت سلاح ميليشيوي، و اللي ماسكين السلاح ميليشيا او زعران..

اللي صار قرب مجمّع العلوم مش اول مرّة بيصير، و حزب الله كونه سلطة امر الواقع الموجود بهالمنطقة ممكن يتعرّض لنفس اللي ممكن تتعرّضله اي سلطة مقابل سلاح اخر موجود بمنطقتها

مش اكتر من هيك..

هلأ شو بتحبّ تسمّي افعال سلطة الامر الواقع، شي تاني، بس اكيد مش مقاومة، ولا الشباب المنضويين تحتها و اللي نزلوا اشتبكوا او قوّصوا مقاومين

سلام

هو مش تطور بالاعترافات .. بل هو كلامي انا اللي بتحمّل مسؤوليته ومش مصدر رسمي ..

بخصوص اللي بالبولد اسمحلي يا كمال .. عفوا على هل التعبير ..
بس متل اسطوانة وبتنعاد ..
كل مرة نفس النغمة .. ونفس الرد ..
طب هيدي صرنا من سنة 1993 من احداث 13 ايلول وبعدها وبعدها وبعدها
وغيرها كمان من حي السلم والرمل العالي ومع المعارضة وكمان وكمان !

هيدا الكلام مجرّد تهويل وتخويف من امر لو بدو يصير كان صار من 10 سنين
بس لازم تعرف ليش ما عم يصير .. القصة مش بس ممنوع وقرار تنظيمي
بالعقيدة في عنّا باب للاجتهاد .. ومن خلاله بتدير شؤون الامة حسب الروؤية الواسعة والافق اللي عندو نظرة لقدام ..

وما لازم الواحد يمشي بنظرة لبعد ساعة بس ..
انو انا نزلت عملت مشكل وفشّيت خلقي .. وقوّصت وقتلت وعملت ..
بعد ساعة يمكن ينبسط .. بس بعد شهر يمكن يبكي ويندم وتتطوّر لاكتر

هيدي النظرة بساعة الساعة ما بحسّها الواحد .. بعدين بيلتفت ..

وردّت فعل الشب مضبوطة .. انا بأكدّلك عن تجربة ..
انو شباب حزب الله القيادة عندها قدرة على ضبتهم بكلمات :)
وهيدي عن تجارب سنين والدهر بيشهد ..


بخصوص السلاح ..
حزب الله ما بحياتو وزّع سلاح لحدا ..
واغلب شباب حزب الله اذا عندو سلاح .. فهو سلاح شخصي من ماله الخاص وما فيك تحمّل حزب الله المسؤولية على هيدا السلاح شو هو !!

ما اختلفنا وين موجود ووين عم يستعمله ..
بس يمكن حقّه يحتفظ بسلاح ويعرف وين وكيف يستخدمه ..

هيدا لبنان هيك .. نادرا ما تلاقي بيت ما في بقلبه سلاح ..



بالاملية كمال ..
هلئ اعتبر انو انا خبّصت ..
بس انت كرّرت كلام سامعينه من اكتر من 10 سنين لليوم ...

anonymous
24-03-2008, 12:07 AM
هو مش تطور بالاعترافات .. بل هو كلامي انا اللي بتحمّل مسؤوليته ومش مصدر رسمي ..

بخصوص اللي بالبولد اسمحلي يا كمال .. عفوا على هل التعبير ..
بس متل اسطوانة وبتنعاد ..
كل مرة نفس النغمة .. ونفس الرد ..
طب هيدي صرنا من سنة 1993 من احداث 13 ايلول وبعدها وبعدها وبعدها
وغيرها كمان من حي السلم والرمل العالي ومع المعارضة وكمان وكمان !

هيدا الكلام مجرّد تهويل وتخويف من امر لو بدو يصير كان صار من 10 سنين
بس لازم تعرف ليش ما عم يصير .. القصة مش بس ممنوع وقرار تنظيمي
بالعقيدة في عنّا باب للاجتهاد .. ومن خلاله بتدير شؤون الامة حسب الروؤية الواسعة والافق اللي عندو نظرة لقدام ..

وما لازم الواحد يمشي بنظرة لبعد ساعة بس ..
انو انا نزلت عملت مشكل وفشّيت خلقي .. وقوّصت وقتلت وعملت ..
بعد ساعة يمكن ينبسط .. بس بعد شهر يمكن يبكي ويندم وتتطوّر لاكتر

هيدي النظرة بساعة الساعة ما بحسّها الواحد .. بعدين بيلتفت ..

وردّت فعل الشب مضبوطة .. انا بأكدّلك عن تجربة ..
انو شباب حزب الله القيادة عندها قدرة على ضبتهم بكلمات :)
وهيدي عن تجارب سنين والدهر بيشهد ..


بخصوص السلاح ..
حزب الله ما بحياتو وزّع سلاح لحدا ..
واغلب شباب حزب الله اذا عندو سلاح .. فهو سلاح شخصي من ماله الخاص وما فيك تحمّل حزب الله المسؤولية على هيدا السلاح شو هو !!

ما اختلفنا وين موجود ووين عم يستعمله ..
بس يمكن حقّه يحتفظ بسلاح ويعرف وين وكيف يستخدمه ..

هيدا لبنان هيك .. نادرا ما تلاقي بيت ما في بقلبه سلاح ..



بالاملية كمال ..
هلئ اعتبر انو انا خبّصت ..
بس انت كرّرت كلام سامعينه من اكتر من 10 سنين لليوم ...


القصّة كانت على قولك انو عناصر الحزب ممكن يستعملوا السلاح بالداخل، و لكن ليس بقرار من الحزب و انو قرار الحزب هوي بضبط السلاح و منع استعماله داخلياً

خيي حسن بالاملية.. رح قلّك ليش الموضوع انعاد من 10 سنين.. و ليش رح يضلّ ينعاد لانو الاسلوب المستعمل للتبرير مش منطقي

متّفق معك انو ما بيطلع قرار قيادي بالسماح بالقتل، او بالشروع بالقتل، بس انو مثلاً من وقت ما خلصت الحرب، و انت بتعرف و قلت بمشاركتك انو كل الناس معها سلاح..

طيّب كل الناس معها سلاح، مش كل الناس محزّبة ولا كل الناس منضبطة بقيادة و اوامر.. طيّب المناصرين مين بيتحمّل مسؤوليّتن ؟ هلّق يعني ازا صار مشكل و صار دمّ فاير فكرك رح تفرق ازا اللي عم يقوّص عضو منظّم او مناصر ؟ بتختلف الرصاصة ازا من مناصر او من منظّم بالحزب..

مش عم احكي عن حزب الله، بشكل عام .. بس ما في اسهل منها انو ازا صار قواص من ميلتك تقول هول مش محازبين و تتهرّب من المسؤولية، و باقصى الحالات تقول انو هيدا عنصر غير منضبط او مدسوس و كمان يتمّ التبرّي منّه.. بس بالنهاية اللي صار صار.. و العنصر تابع لرأي سياسي معيّن.. و بيتحمّل مسؤوليته فريق سياسي..

الناس لمّا بتخاف من انقلاب السلاح للداخل، تخوّفها مش من صفة السلاح المقاوم، انّما من فكرة انو اي قطعة سلاح لمّا ما تكون عالحدود و عم تحارب العدو ممكن يتم استعمالها لغير اشيا.. يعني انا شخصياً ما بخاف من الصواريخ او العبوات الناسفة تستعمل للداخل، انمّا من مسدّس او رشاش ينتقل لسبب معيّن ليد عنصر غير منضبط و يودّي لمصيبة

بالنهاية .. الثقة مفقودة حالياً، و الحكي اللي حكيته بينطبق على كل الاحزاب، و حتّى الاحزاب الاخرى اللي برأيك ميليشيات بتقلّك نفس الشي عن سلاحها، ان كان من ناحية القرار او القيادة او انضباط السلاح مع المحازبين.. بس السلاح منو محصور فيهن !!

يعني القصة صارت تبرّي من المسؤولية اكتر من اي شيء اخر

النور الحيدري
24-03-2008, 12:26 AM
طيّب كل الناس معها سلاح، مش كل الناس محزّبة ولا كل الناس منضبطة بقيادة و اوامر.. طيّب المناصرين مين بيتحمّل مسؤوليّتن ؟ هلّق يعني ازا صار مشكل و صار دمّ فاير فكرك رح تفرق ازا اللي عم يقوّص عضو منظّم او مناصر ؟ بتختلف الرصاصة ازا من مناصر او من منظّم بالحزب..



تحية كمال ..
بفهم منّك انو المناصر لحزب الله .. لازم حزب الله يسيطر عليه كمان ؟ :(
طب امرات منسمع انو حزب الله متعدي ع حقوق الناس بالضاحية ..
وعامل قمع لبعض الحريات .. وانو مهيمن على المنطقة ..

طب ليش احيانا مننتقد كيفية التعاطي حزب الله لبعض الامور ..
وبنفس الوقت كمان مندعي حزب الله لمداهمة والتصدي لبعض الامور !

طب حزب الله هو الدولة اللبنانية شي !!
يعني اذا مثلا شخص بيحبّ حزب الله مناصر ومعلّق صورة السيد حسن بالبيت ..
نزل عالشارع عمل مشكل .. وقتل شب ..

يعني حزب الله هو اللي لازم يحاكمه او الدولة اللبنانية !!

رجاء الكل يعطي حزب الله حجمو الطبيعي ..

حزب الله هو حزب مقاوم لبناني بالدرجة الاولى ..
ودخل بالعمل السياسي من كم سنة .. لحماية المقاومة ..

anonymous
24-03-2008, 12:39 AM
تحية كمال ..
بفهم منّك انو المناصر لحزب الله .. لازم حزب الله يسيطر عليه كمان ؟ :(
طب امرات منسمع انو حزب الله متعدي ع حقوق الناس بالضاحية ..
وعامل قمع لبعض الحريات .. وانو مهيمن على المنطقة ..

طب ليش احيانا مننتقد كيفية التعاطي حزب الله لبعض الامور ..
وبنفس الوقت كمان مندعي حزب الله لمداهمة والتصدي لبعض الامور !

طب حزب الله هو الدولة اللبنانية شي !!
يعني اذا مثلا شخص بيحبّ حزب الله مناصر ومعلّق صورة السيد حسن بالبيت ..
نزل عالشارع عمل مشكل .. وقتل شب ..

يعني حزب الله هو اللي لازم يحاكمه او الدولة اللبنانية !!

رجاء الكل يعطي حزب الله حجمو الطبيعي ..

حزب الله هو حزب مقاوم لبناني بالدرجة الاولى ..
ودخل بالعمل السياسي من كم سنة .. لحماية المقاومة ..

تحيّاتي ..

طبعاً الحزب لازم يحمل مسؤولية المناصرين، بالنهاية هنّي عم يدافعوا عن رأي الحزب السياسي و مسيّرين بخياراته و علاقاته السياسية و كل شي بيقوله الزعيم.. انتبه هالشي مش عم احكيه عن حزب الله بس، عن كل الاحزاب اللبنانية..

عطول منحكي عن الحالة و ظروف الحالة، يعني اكيد حتّى لو رئيس اي حزب عمل اي شي من منطلق لا يتعلّق بسياسة الحزب، ما بيلزم الحزب فيه، ولكن اي شي بيصير حتّى لو بالشارع انطلاقاً من شعارات الحزب السياسية نعم بيتحمّل مسؤوليتها الحزب..

يعني مثل اوضح، انو ازا مدنيين من دولة معيّنة راحوا عالحدود و بلّشوا يقوّصوا عالدولة التانية، بتتبرّا منن الدولة الاولى انو هول مش جيش نظامي و انو ما عاطية قرارات بهالشي ؟ اكيد بدها تتحمّل مسؤوليتن

برجع بكرّر هالحالة ما بتنطبق بالمثل اللي انحكى هون، لانو الفريقين اللي صار بيناتن الاشتباك ما صار عاساس قرار سياسي، بل مشكل بين سلطة امر واقع و مواطنين او مشاغبين او بلحظة معيّنة معترضين على هالسلطة

كرّار
24-03-2008, 01:02 AM
في حدا سمع انو الحزب عمبي وزع سلاح على كل عناصرو..!!!
شي مرة حدا سمع انو مسؤل مجموعة امر عناصرو بالحزب يقتحم النطقة الفلانية بسبب مشكل..!!!

خلينا نطلع من ديباجة السلاح الى الداخل...
كلما ما صار مشكل وصار في قواص...ها شايفين الحزب حول شلاحو للداخل...وبنبلش نركب الاقتراضات...لنفرض..طيب لو...يا عمي جيبو حادثة كبرت ودلت على انو السلاح فرط عنوانو...

ولك الدولة بطولها وعظمها وادارتها..ما قادرا تضبط عناصرها من القتل الاصابات المباشرة و و و ...بس خلينا نلاحظ شغلي...انو 90% من مشاكل الحزب بينضب السلاح فيها...هوي من فترة صار هجوم على مركزن براس النبع وما عملو شي...علما انو كان في سلاح بالداخل وانرمى علين...عجيب شو السبب يلي خلا هالشباب ما تفقس وبتبلش ترمي على المستقبل!!

في شي الكل بيكرهو لانن ما بيعرفو في...وبطالبو بالديمقراطية وكانو هي النظام الصح انو المطلق..في شي ما عمبي خلي ايا حزب از اي تيار او العراق او افغنستان من انو ينجح او ايكمل او يوقف على اجري...
الا وهوي " التكليف"

سر انتصار المقاومة وسر بقاء وقوة حزب الله هي ايمان عناصرو بمضمون هالكلمة

anonymous
24-03-2008, 01:05 AM
ولك الدولة بطولها وعظمها وادارتها..ما قادرا تضبط عناصرها من القتل الاصابات المباشرة و و و ...بس خلينا نلاحظ شغلي...انو 90% من مشاكل الحزب بينضب السلاح فيها...هوي من فترة صار هجوم على مركزن براس النبع وما عملو شي...علما انو كان في سلاح بالداخل وانرمى علين...عجيب شو السبب يلي خلا هالشباب ما تفقس وبتبلش ترمي على المستقبل!!


حزب الله نفى تعرّض مركزه براس النبع للهجوم، هيدي بس للموضوعية، فيك تراجع التغطية الاعلامية وقتها، اللي كان عم يصير وقتها هو دور اعلامي مشبوه لتوليع الحالة

كرّار
24-03-2008, 01:17 AM
حزب الله نفى تعرّض مركزه براس النبع للهجوم، هيدي بس للموضوعية، فيك تراجع التغطية الاعلامية وقتها، اللي كان عم يصير وقتها هو دور اعلامي مشبوه لتوليع الحالة

شريك..برجع بعيدا..بيتي حدو للمركز..وتعرض المركز للهجوم...وانرمى علي....
السبب يلي منع الحزب من الاعلان هوي عدم التجييش بغير مناطق...
ونصيحة انسى الاعلام بهالبلد...

ELijah
24-03-2008, 07:34 AM
:ي:
ما دام الحزب عنده عناصر غير منضبطة فيعني صار متله متل الباقيين يا ابو ليلى مع انو التانيين ورسميا ما عندهم عناصر مسلحة لا منضبطة ولا فلتانة.

والمقاومة ؟

العقاب الحيدري
27-03-2008, 09:42 AM
حزب الله نفى تعرّض مركزه براس النبع للهجوم، هيدي بس للموضوعية، فيك تراجع التغطية الاعلامية وقتها، اللي كان عم يصير وقتها هو دور اعلامي مشبوه لتوليع الحالة


لانو لو ما نفى كان الدم للركب :thumbsuppp:
مش من الحزب بس من الناس الشرفاء

Manolia
27-03-2008, 10:40 AM
لانو لو ما نفى كان الدم للركب :thumbsuppp:
مش من الحزب بس من الناس الشرفاء
جملة ملغومة هيدي ..مين الناس الشرفاء؟ شو قصدك انو الحزب مش من الشرفاء يعني ؟ :walakelmi::ي:

XTC
27-03-2008, 10:42 AM
لك من كل عقلهم المستقبل عم بدقو ببيت زعيتر:ي: