اعتراضات واقتراحات لغوية

[جوعان]

وكذلك مثلا في قولنا:

إسرائيل تشن عدوانا وحشيا على غزة

ألا نعرف من هو الفاعل؟؟ إسرائيل طبعا..

أما في الإعراب فهي مبتدأ..
وأكمِل الإعراب ترَ عجباً: تشن فعل مضارع فاعله مستتر!! الله أكبر:1031:
تالك المفارقة كافية عندي للتشكيك بكمال قواعد اللغة العربية

هل يا ترى لم يعد بالإمكان أفضل مما كان في هذا الميدان؟؟


صباحو رامي شو عم تعمل الساعة اربعة عالانترنت؟

لا أظن أن المثال الذي ذكرته، كافٍ للتشكيك بالقواعد العربية التي لا أراها تشكو، بعكس بعض أساسات اللغة، من نقص أو ضعف؟
ففي مثالك، اكمال الاعراب يكون: فعل مضارع فاعله مستتر.. وتقديره "هي".
والهي تكون فاعلاً غير نكرة، يعني فاعلاً معروفاً.

مثال:
ماذا فعل فلان؟
قتل الذئب

قتل، فاعله في الحديث معروف وهو فلان، وتقدير الضمير المستتر هو، والهو عائد الى فلان المعروف في بنية الجملة.

اذا وجود الضمير المستتر، هو تعبير عن معرفتنا بالفاعل المسؤول عن الفعل.

أما في حال غياب معرفتنا بالفاعل، فلا يمكننا بناء الجملة بفعل مضارع، بل يكون الفعل فعل مجهول

مثال:
قُتِل الذئب

فيرفع الذئب بالضمة، ويكون نائباً للفاعل، بما أن الفاعل مجهول ولا تقدير له.

أما كما ذكرنا، في حالة الفعل المضارع السليم، فلا يمكن بناء جملة بفاعل غير معروفٍ في بناء الجملة نفسها ولو كان مستتراً، الا انه يكون واضح المعالم لغوياً. واذا لم يعرف الفاعل وتقديره، وجب استعمال الصيغة المجهولة لا السليمة..

[abuziad81]

وكذلك مثلا في قولنا:

إسرائيل تشن عدوانا وحشيا على غزة

ألا نعرف من هو الفاعل؟؟ إسرائيل طبعا..

أما في الإعراب فهي مبتدأ..
وأكمِل الإعراب ترَ عجباً: تشن فعل مضارع فاعله مستتر!! الله أكبر:1031:
تالك المفارقة كافية عندي للتشكيك بكمال قواعد اللغة العربية

هل يا ترى لم يعد بالإمكان أفضل مما كان في هذا الميدان؟؟

ماشي تراب .. بس بالإعراب الكامل للفاعل:
الفاعل ضمير مستتر تقديره (هي) يعود على إسرائيل .. بس للاختصار و لأن المعنى واضح يمكن يتم الإعراب بذكر ان الفاعل مستتر

[تراب]

صباحو رامي شو عم تعمل الساعة اربعة عالانترنت؟

لا أظن أن المثال الذي ذكرته، كافٍ للتشكيك بالقواعد العربية التي لا أراها تشكو، بعكس بعض أساسات اللغة، من نقص أو ضعف؟
ففي مثالك، اكمال الاعراب يكون: فعل مضارع فاعله مستتر.. وتقديره "هي".

أشكك بكمالها

وليش تقديره هي؟؟ ليش التقدير يعني, لا قدر الله مش عارفين مين اللي عملها؟؟

والهي تكون فاعلاً غير نكرة، يعني فاعلاً معروفاً.

مثال:
ماذا فعل فلان؟
قتل الذئب

قتل، فاعله في الحديث معروف وهو فلان، وتقدير الضمير المستتر هو، والهو عائد الى فلان المعروف في بنية الجملة.

اذا وجود الضمير المستتر، هو تعبير عن معرفتنا بالفاعل المسؤول عن الفعل.

أما في حال غياب معرفتنا بالفاعل، فلا يمكننا بناء الجملة بفعل مضارع، بل يكون الفعل فعل مجهول

مثال:
قُتِل الذئب

فيرفع الذئب بالضمة، ويكون نائباً للفاعل، بما أن الفاعل مجهول ولا تقدير له.

أما كما ذكرنا، في حالة الفعل المضارع السليم، فلا يمكن بناء جملة بفاعل غير معروفٍ في بناء الجملة نفسها ولو كان مستتراً، الا انه يكون واضح المعالم لغوياً. واذا لم يعرف الفاعل وتقديره، وجب استعمال الصيغة المجهولة لا السليمة..

صباحو, بعدني مانمت:ي::ي:

القصة وما فيها لشو التعقيد؟؟ يعني ما بيطلع مع فطاحل اللغة أحسن؟؟

وبعدين هي قصة نائب الفاعل-بيناتنا- ضحك على اللحى متل فتاوى بعض المشايخ..
قلي منطقيا شو بتعني؟؟
يعني ما عارفين الفاعل, طيب نائب الفاعل شو فادنا؟؟ قام بالفعل بدل الفاعل؟؟


يمكن سهل عليي زت الكلام , ويمكن القصة كتير معقدة, لأنو اللغة شي متجانس..بس حتى محاولات التجديد كتير خجولة..

[تراب]

ماشي تراب .. بس بالإعراب الكامل للفاعل:
الفاعل ضمير مستتر تقديره (هي) يعود على إسرائيل .. بس للاختصار و لأن المعنى واضح يمكن يتم الإعراب بذكر ان الفاعل مستتر

صباحو,

ليش ما منقول الفاعل إسرائيل؟؟
بتقلي ما هي مبتدأ..طيب مبتدأ فاعل شو الإشكال؟؟

[حسام]

يلعن بي اسرائيل وين ما تدخل بتخرب الدنيا .. افضل حل نحذفها من قاموسنا

بالنسبة لملاحظتك رامي، بوافقك، فيها مبالغة انه الفاعل ضمير مستتر تقديره () وكأنّ الفاعل في القواعد مختلف عن الفاعل في المعنى

[abuziad81]

صباحو,

ليش ما منقول الفاعل إسرائيل؟؟
بتقلي ما هي مبتدأ..طيب مبتدأ فاعل شو الإشكال؟؟
هيك اختلف الموضوع رامي
النقاش هلق صار إنو ممكن التحديث و التطوير و التحسين على الطريقة اللي تستخدم حاليا بإعراب هالفاعل .. بينما فهمنا من كلامك إنو مش عاجبتك الطريقة لكونها مقصرة و ضعيفة و أقرب إلى التخبيص اللغوي ( و يمكن هيك رأيك بس هلق النقاش صار مش كيف مننظر للإعراب الحالي بقدر ما هو قديش ممكن نطور و نحدث بالإعراب الحالي )

يمكن بدك شي تعريف جديد للجملة الاسمية و الجملة الفعلية ليساعد على تخطي إشكالية الخبر لما يكون جملة فعلية فاعلها هو المبتدأ أو الضمير العائد عليه .. بحيث تصنف هالجملة كجملة فعلية لا اسمية

..................

بقصة نائب الفاعل .. بعتقد نائب أتت من أنه ينوب عن وجود الفاعل في الجملة .. لأن الفعل في الجملة الفعلية يحتاج إلى فاعل .. و صيغة البناء للمجهول حذفت الفاعل و بالتالي لا بد من وضع شيء ما لينوب عن عدم وجوده في الجملة .. و هكذا تم الاصطلاح على تسميته بنائب الفاعل
و ربما لأنه أيضا مرفوع و ليس منصوب .. كان الصحيح حين وضع القواعد الحاقه بالفاعل الذي يكون مرفوعا .. لا بالمفعول به الذي يكون منصوبا .. يعني قبل القواعد كان اللسان العربي بيحكي الجملة مع ضمة على الذئب في جملة قُتل الذئب .. لذا كان على واضعي العلم اشتقاق شيء يفسر وجود الضمة

[تراب]

هيك اختلف الموضوع رامي

النقاش هلق صار إنو ممكن التحديث و التطوير و التحسين على الطريقة اللي تستخدم حاليا بإعراب هالفاعل .. بينما فهمنا من كلامك إنو مش عاجبتك الطريقة لكونها مقصرة و ضعيفة و أقرب إلى التخبيص اللغوي ( و يمكن هيك رأيك بس هلق النقاش صار مش كيف مننظر للإعراب الحالي بقدر ما هو قديش ممكن نطور و نحدث بالإعراب الحالي )

يعني إنطلاقا من هالتعقيد اللي ممكن يكون ما إله لزوم, لازم إعادة النظر بالقواعد



يمكن بدك شي تعريف جديد للجملة الاسمية و الجملة الفعلية ليساعد على تخطي إشكالية الخبر لما يكون جملة فعلية فاعلها هو المبتدأ أو الضمير العائد عليه .. بحيث تصنف هالجملة كجملة فعلية لا اسميةهون المشكلة, إني لما بقترح شي, لازم يكون منسجم مع كل الحالات بالجملة..طبعا بدها القصة فطاحل, مش واحد نعسان متلي
السؤال: هل ما فينا ننفض القواعد من أولها, ونوصل لشي أقل تعقيدا؟؟

..................

بقصة نائب الفاعل .. بعتقد نائب أتت من أنه ينوب عن وجود الفاعل في الجملة .. لأن الفعل في الجملة الفعلية يحتاج إلى فاعل .. و صيغة البناء للمجهول حذفت الفاعل و بالتالي لا بد من وضع شيء ما لينوب عن عدم وجوده في الجملة .. و هكذا تم الاصطلاح على تسميته بنائب الفاعل
و ربما لأنه أيضا مرفوع و ليس منصوب .. كان الصحيح حين وضع القواعد الحاقه بالفاعل الذي يكون مرفوعا .. لا بالمفعول به الذي يكون منصوبا .. يعني قبل القواعد كان اللسان العربي بيحكي الجملة مع ضمة على الذئب في جملة قُتل الذئب .. لذا كان على واضعي العلم اشتقاق شيء يفسر وجود الضمة

قلي أبو زياد مش أسهل:

نشيل من راسنا هالقاعدة اللي ما إلها لزوم: الفعل يحتاج إلى فاعل في الجملة -تذكر أن الفعل مبني للمجهول هنا- وما نخترع هيك تخريجة لنائب الفاعل

وبعدين هالذئب مات ولا ما مات؟؟ يعني هو مفعول به, وقع عليه فعل الموت

بكل بساطة, البديل إنو بيعلمونا من نحنا وزغار بس يكون الفعل مبني للمجهول, بيكون المفعول به مرفوع:ي:

إيه شو الإشكال؟؟ بدنا ناكل عنب ولا نرضي سيبويه؟؟

[تراب]

ما دام النقاش افتتح...

لماذا يحشر النحويون أنوفهم فيما لا يعنيهم, فيأتون بالعجب, إرضاء لقواعد عامة قد لا تكون المثلى, استنبطوها فيما مضى..

خذ مثلا:

الله الذي لا مثيل له...

لا مثيل له: صلة الموصول لا محل لها من الإعراب!!!

طيب ليش لجيب سيرتها؟؟
مين قلكم تعربوا كل شي, ويا عيني منلا تخريجة!! فسر الماء بالماء, إنو إعرابها ما إلها إعراب

كمان:

أبا زياد, توافقني الرأي؟

النون في توافقني للوقاية لا محل لها من الإعراب!!

طيب ما هي عفوية, ليش لتجيبو سيرتها؟؟ تركوها للي بدن يحترفوا بهلوانيات اللغة, وما تعقدونا فيها

كمان:

القط في الدار

القط مبتدأ
في الدار جار ومجرور

وشبه الجملة متعلقة بخبر محذوف تقديره "موجودُ"..

يلعن إخت هالحالة, قولو شبه الجملة تفيد الخبر...
أو قولو خبر مستتر تقديره موجود

يعني ما بصير إلا ما تمرقوا على كل حجر وتلكشوه بالطريق؟؟

[abuziad81]

السؤال: هل ما فينا ننفض القواعد من أولها, ونوصل لشي أقل تعقيدا؟؟
مني و علي ما بشوفها معقدة .. أيام ما كنت ادرس عربي .. ما كان يطلع معي شي معقد و صعب بحيث يستحق إنو قول معقدة .. لهيك إذا بدك رأيي شخصيا .. ليست القواعد صعبة .. إنما أكيد ما فيي عمم رأيي و قول إنو يدل على النظرة الصحيحة أو النظرة الغالبة عند الناس لقواعد اللغة العربية ..

قلي أبو زياد مش أسهل:

نشيل من راسنا هالقاعدة اللي ما إلها لزوم: الفعل يحتاج إلى فاعل -تذكر أن الفعل مبني للمجهول هنا- وما نخترع هيك تخريجة لنائب الفاعل

وبعدين هالذئب مات ولا ما مات؟؟ يعني هو مفعول به, وقع عليه فعل الموت

بكل بساطة, البديل إنو بيعلمونا من نحنا وزغار بس يكون الفعل مبني للمجهول, بيكون المفعول به مرفوع:ي:

إيه شو الإشكال؟؟ بدنا ناكل عنب ولا نرضي سيبويه؟؟

شوف كيف رامي .. مشكلتك هون إنو مرة جديدة بدك النص أم العقل .. و هون معك أنا إنو على العقل أن يتخطى النص الجامد .. إنما الإشكالية رح تكون بالنظر إلى ما هو الهدف من محاولة التغيير .. هل الدعوة للعقل هي من باب التخريب أم التجريب أم التجديد و التسهيل .. لهيك مش رح تكون مقبولة بسهولة هالأفكار .. خصوصا بالعالم اللي عايشينه و اللي شايفين اللغة العربية فيه عم تتهاجم من كذا طريقة .. فمش سهل أن لا يتم التشكيك بهيك دعوة و محاربتها

............

و إنو نحط مفعول به مرفوع .. يعني ما بعرف وقتها منكون عم نشيل تعقيد أو عم نحط تعقيد بدل تعقيد .. بحيث نصير نقول بدرس المفعول به ( يكون المفعول به منصوبا دائما و في جميع الأحوال إلا في حال وروده مع الفعل المبني للمجهول .. حيث يصبح مرفوعا ) يعني عم نحط استثناء بدل ما نجمع .. و على هيك يمكن في كتير من أمور اللغة يمكن شملها باستثناءات خاصة تسهل الإعراب من جهة لكنها تزيد القواعد و حالات الإعراب من جهة أخرى

[تراب]

مدد من التراث اللغوي:

محاولة ابن مضاء القرطبي الأندلسي في كتابه "الـرد على النحاة" حيث يدعو إلى إلغاء نظرية "العامل" في النحو, وهي أساس فيه, لأنها ملأته بمسائل لا حاجة إليها, تحول بين المتكلم واكتسابه ملكة لغوية سليمة.

وفي المرفقات بحث وجدته الآن, يعرض رأي ابن مضاء على ما أظن..

[abuziad81]

ما دام النقاش افتتح...

لماذا يحشر النحويون أنوفهم فيما لا يعنيهم, فيأتون بالعجب, إرضاء لقواعد عامة قد لا تكون المثلى, استنبطوها فيما مضى..

خذ مثلا:

الله الذي لا مثيل له...

لا مثيل له: صلة الموصول لا محل لها من الإعراب!!!

طيب ليش لجيب سيرتها؟؟
مين قلكم تعربوا كل شي, ويا عيني منلا تخريجة!! فسر الماء بالماء, إنو إعرابها ما إلها إعراب

كمان:

أبا زياد, توافقني الرأي؟

النون في توافقني للوقاية لا محل لها من الإعراب!!

طيب ما هي عفوية, ليش لتجيبو سيرتها؟؟ تركوها للي بدن يحترفوا بهلوانيات اللغة, وما تعقدونا فيها

كمان:

القط في الدار

القط مبتدأ
في الدار جار ومجرور

وشبه الجملة متعلقة بخبر محذوف تقديره "موجودُ"..

يلعن إخت هالحالة, قولو شبه الجملة تفيد الخبر...
أو قولو خبر مستتر تقديره موجود

يعني ما بصير إلا ما تمرقوا على كل حجر وتلكشوا بالطريق؟؟

أنا بقول كان هدفهم يعصبوك يا خيي .. واضحة القصة

..............

للحقيقة ما بعرف رامي .. بس يمكن لو حاولنا نكون محلهم و نشوف كيف طلعوا بهالأفكار .. ممكن نفهم أكتر ليش هيك عملوا .. يعني مش سهل تتجاوز النون بتوافقني و تتركها أو تنسى الخبر الذي تتعلق به شبه الجملة .. لييجي شخص بعدك يخبص فيها على كيفه .. الأفضل تحط هالأمور ضمن مبدأ معين يسكر هالباب على المتلاعبين بعدك .. يعني يمكن كان الهدف مش التعقيد إنما الوصول إلى أقرب شي من إنك تكون عملت بناء كامل متكامل لقواعد هذه اللغة .. بحيث لا تترك مجالا لا للإضافة عليه و لا للتخريب و التلاعب نتيجة وجود نقص معين فيه

.............

بالنهاية يمكن أن نجد صياغة أفضل للطرق اللي أعربوا فيها هالأمور و الأمثلة اللي ذكرتها .. بس كمان بدك تاخد إنك هلق شايفها هيك جامدة أو طويلة و فيها لفة .. ربما بالزمن اللي انوضعت فيه كانت الصياغات اللي إنت عم تقترحها هي الصياغة الركيكة أو التي تحتوي على تعقيد غير مطلوب و الصياغة اللي استعملوها هي المفهومة و الأكثر اتصالا بطريقة الكلام و التعبير المستخدمة من قبل متكلمي اللغة في ذلك الزمان

[حسام]

ممكن بهالحالة نكون عم ننتج استثناء للمفعول به وبذلك تشتت وليس شمل لكن بنفس الوقت نكون قد استغنينا عن فكرة نائب الفاعل وبذلك شمل مجدداً .. أي شر ذا بخير ذا

الفكرة مش سهل تقبلها خصوصاً انه لا عيب جدّي في القواعد حالياً (برأيي). ربّما يستطيع علماء اللغة تقبّل نفضة في القواعد في سبيل التسهيل واحكام اكثر للمنطق ولكن بشرط ان تأتي هذه النفضة متكاملة. أي ان يصيغ أحدهم قواعد متكاملة ويقول هذا ما لدي.




و إنو نحط مفعول به مرفوع .. يعني ما بعرف وقتها منكون عم نشيل تعقيد أو عم نحط تعقيد بدل تعقيد .. بحيث نصير نقول بدرس المفعول به ( يكون المفعول به منصوبا دائما و في جميع الأحوال إلا في حال وروده مع الفعل المبني للمجهول .. حيث يصبح مرفوعا ) يعني عم نحط استثناء بدل ما نجمع .. و على هيك يمكن في كتير من أمور اللغة يمكن شملها باستثناءات خاصة تسهل الإعراب من جهة لكنها تزيد القواعد و حالات الإعراب من جهة أخرى

[تراب]

السؤال: هل ما فينا ننفض القواعد من أولها, ونوصل لشي أقل تعقيدا؟؟
مني و علي ما بشوفها معقدة .. أيام ما كنت ادرس عربي .. ما كان يطلع معي شي معقد و صعب بحيث يستحق إنو قول معقدة .. لهيك إذا بدك رأيي شخصيا .. ليست القواعد صعبة .. إنما أكيد ما فيي عمم رأيي و قول إنو يدل على النظرة الصحيحة أو النظرة الغالبة عند الناس لقواعد اللغة العربية ..


وبالنسبة إلي نفس الشي..بس بتعرف شو كان دافعي اللي خلاني إتخطى كل الصعوبات ؟؟
مبسوط إنها صعبة, وإنها وسيلة لإثبت شطارتي..
ولدنة يعني:ي::ي:

شوف كيف رامي .. مشكلتك هون إنو مرة جديدة بدك النص أم العقل .. و هون معك أنا إنو على العقل أن يتخطى النص الجامد .. إنما الإشكالية رح تكون بالنظر إلى ما هو الهدف من محاولة التغيير .. هل الدعوة للعقل هي من باب التخريب أم التجريب أم التجديد و التسهيل .. لهيك مش رح تكون مقبولة بسهولة هالأفكار .. خصوصا بالعالم اللي عايشينه و اللي شايفين اللغة العربية فيه عم تتهاجم من كذا طريقة .. فمش سهل أن لا يتم التشكيك بهيك دعوة و محاربتها

أبو زياد, وحرمة غزة عندي وعندك, اللغة العربية بعطيها روحي..

أكيد في ناس ناس بدها تكسر شوكتنا وتمحي لغتنا عن حقد تاريخي, بس شو منعمل؟؟

مننطر بعد كم سنة يطلعلي كم فهمان بلبنان أو بغير لبنان, ويقول ما حدن بيفهم فصحى, ويعمل لغة ممسوخة هي تجميل فاشل للهجة محكية كان يمكن من ألف سنة تصير لغة, وهلق بدها شي مليون سنة لتصير لغة؟؟

............

و إنو نحط مفعول به مرفوع .. يعني ما بعرف وقتها منكون عم نشيل تعقيد أو عم نحط تعقيد بدل تعقيد .. بحيث نصير نقول بدرس المفعول به ( يكون المفعول به منصوبا دائما و في جميع الأحوال إلا في حال وروده مع الفعل المبني للمجهول .. حيث يصبح مرفوعا ) يعني عم نحط استثناء بدل ما نجمع .. و على هيك يمكن في كتير من أمور اللغة يمكن شملها باستثناءات خاصة تسهل الإعراب من جهة لكنها تزيد القواعد و حالات الإعراب من جهة أخرى

هون لب الموضوع..
ليش بدي إفلق سما الطالب بقواعد ودروس بلا طعمة؟؟

ليش بس بدي علمو المفعول به, بعلمو إنو لا يكون إلا منصوبا؟؟

لازم علمو معنى المفعول به...وبقلو منصوب دائما إلا في صيغة الفعل المجهول, يكون مرفوعا..عالقليلة بكون عم بحترم عقلاتو

هيك بوفر نائب الفاعل, والإستخفاف بالعقول إنو:

+الفعل له دائما فاعل نستدل عليه من الجملة

+ إذن الفعل المبني للمجهول لازم يكون إلو فاعل نستدل عليه, بس الفاعل مجهول؟؟
يبقى المفعول به, بتجنى عليه وبعملو نائب فاعل..

[تراب]

ممكن بهالحالة نكون عم ننتج اشتثناء للمفعول به وبذلك تشتت وليس شمل لكن بنفس الوقت نكون قد استغنينا عن فكرة نائب الفاعل وبذلك شمل مجدداً .. أي شر ذا بخير ذا

الفكرة برأيي مش سهل تقبلها خصوصاً انه لا عيب جدّي في القواعد حالياً (برأيي). ربّما يستطيع علماء اللغة تقبّل نفضة في القواعد في سبيل التسهيل واحكام اكثر للمنطق ولكن بشرط ان تأتي هذه النفضة متكاملة. أي ان يصيغ أحدهم قواعد متكاملة ويقول هذا ما لدي.

ليش ؟؟
خلي حدن يعطيني دراسة جدية عن مسؤولية تردي اللغة العربية ..

الحق علينا؟
على المعلمين؟
على المنهج؟
على القواعد؟؟

برأيي, كلو سلة وحدة, والقواعد بنت حرام ..

جبلي حدن من المنتدى عندو مشاركة محرزة بدون أخطاء نحوية..كلنا ما منعرف عربي منيح؟؟

[تراب]

أنا بقول كان هدفهم يعصبوك يا خيي .. واضحة القصة

..............

للحقيقة ما بعرف رامي .. بس يمكن لو حاولنا نكون محلهم و نشوف كيف طلعوا بهالأفكار .. ممكن نفهم أكتر ليش هيك عملوا .. يعني مش سهل تتجاوز النون بتوافقني و تتركها أو تنسى الخبر الذي تتعلق به شبه الجملة .. لييجي شخص بعدك يخبص فيها على كيفه .. الأفضل تحط هالأمور ضمن مبدأ معين يسكر هالباب على المتلاعبين بعدك .. يعني يمكن كان الهدف مش التعقيد إنما الوصول إلى أقرب شي من إنك تكون عملت بناء كامل متكامل لقواعد هذه اللغة .. بحيث لا تترك مجالا لا للإضافة عليه و لا للتخريب و التلاعب نتيجة وجود نقص معين فيه

يا عيني عليك, هني اشتغلوا, ونحنا قاعدين !!
سيبويه وغيره على راسي, بس لكل زمان منطق بموضوع اللغة..
يعني مين عم بطالب بحرق هالكتب؟؟ بتضلها مرجع محترم, بس منعيد استنباط القواعد

.............

بالنهاية يمكن أن نجد صياغة أفضل للطرق اللي أعربوا فيها هالأمور و الأمثلة اللي ذكرتها .. بس كمان بدك تاخد إنك هلق شايفها هيك جامدة أو طويلة و فيها لفة .. ربما بالزمن اللي انوضعت فيه كانت الصياغات اللي إنت عم تقترحها هي الصياغة الركيكة أو التي تحتوي على تعقيد غير مطلوب و الصياغة اللي استعملوها هي المفهومة و الأكثر اتصالا بطريقة الكلام و التعبير المستخدمة من قبل متكلمي اللغة في ذلك الزمان

أكيد بالزمان اللي استنبطت فيه, تأثرت بالمنطق السائد وقتئذ..بس يبدو كانوا يهتموا بالنموذج المتكامل المنطقي اللي هني بيشوفوا, وبدن يلبسو اللغة قواعد على مقياس هالمنطق..

اللي بهمني هلق تلات شغلات:

+حافظ على اللغة العربية بنطقها الصحيح
+لاقي الطريقة الأمثل لتعليم القواعد
+وأكيد إحترم المنطق العقلي السائد في هذا العصر

[حسام]

طيّب بس القواعد مش كثير صعبة للتعلّم. بالرغم من مشاكلها، قواعدها واستثناءاتها ليست عصيّة على الفهم.

ليش كلنا ما منعرف عربي منيح؟

منّي واحد كنت شاطر بالقواعد ايّام المدرسة، بس بعدين عندك انقطاع عن اللغة بالمجمل مدّة طويلة. مشاكلنا ممكن بحرجنا من هويتنا واللي اللغة جزء أساسي منها. يعني لا برامج ولا كتب ولا مستويات ولا شعراء ولا خطابات على مستوى الآمال. ليش نحن كعرب بشو ما عنّا مشكلة ؟ اذا كل شغلة عنّا مشكلة فيها صار لازم نحسّنها منكون عم ننسى انه نحن بدنا تحسين على صعيد التربية والهوية والابداع. منبقى باللغة مقبولين قدّام الأمور العلمية (صح بيدخل فيها عوامل ثانية)

الخلاصة ممكن الحق على صعوبة القواعد بنسبة معيّنة بس برأيي حتى ولو كانت اللغة أسهل لتعلّمها، كنت سترى الكثير من الناس يجهلونها (لا تنس اننا لا نتكلّم الفصحى وبالتالي جهودنا اللغوية تقتصر على الكتابة وأظنّك تدري أنّ معظم الأجانب (حتى لا أعمم أقصد الفرنسيين) لديهم مشاكل في الكتابة. وبالتالي المشكلة لا تختزل بضعف اللغة بل بعدّة أسباب منها العولمة والسرعة والانترنت وانحطاطنا الثقافي بشكل اكيد


ليش ؟؟
خلي حدن يعطيني دراسة جدية عن مسؤولية تردي اللغة العربية ..

الحق علينا؟
على المعلمين؟
على المنهج؟
على القواعد؟؟

برأيي, كلو سلة وحدة, والقواعد بنت حرام ..

جبلي حدن من المنتدى عندو مشاركة محرزة بدون أخطاء نحوية..كلنا ما منعرف عربي منيح؟؟

[تراب]

طيّب بس القواعد مش كثير صعبة للتعلّم. بالرغم من مشاكلها، قواعدها واستثناءاتها ليست عصيّة على الفهم.

ليش كلنا ما منعرف عربي منيح؟

منّي واحد كنت شاطر كثير بالقواعد ايّام المدرسة، بس بعدين عندك انقطاع عن اللغة بالمجمل مدّة طويلة. مشاكلنا ممكن بحرجنا من هويتنا واللي اللغة جزء أساسي منها. يعني لا برامج ولا كتب ولا مستويات ولا شعراء ولا خطابات على مستوى الآمال. ليش نحن كعرب بشو ما عنّا مشكلة ؟ اذا كل شغلة عنّا مشكلة فيها صار لازم نحسّنها منكون عم ننسى انه نحن بدنا تحسين على صعيد التربية والهوية والابداع. منبقى باللغة مقبولين قدّام الأمور العلمية (صح بيدخل فيها عوامل ثانية)

الخلاصة ممكن الحق على صعوبة القواعد بنسبة معيّنة بس برأيي حتى ولو كانت اللغة أسهل لتعلّمها، كنت سترى الكثير من الناس يجهلونها (لا تنس اننا لا نتكلّم الفصحى وبالتالي جهودنا اللغوية تقتصر على الكتابة وأظنّك تدري أنّ معظم الأجانب (حتى لا أعمم أقصد الفرنسيين) لديهم مشاكل في الكتابة. وبالتالي المشكلة لا تختزل بضعف اللغة بل بعدّة أسباب منها العولمة والسرعة والانترنت وانحطاطنا الثقافي بشكل اكيد

طيب رح إعمل إستفتاء عن صعوبة القواعد!!
يعني إنت خيي وبعرفك, خطك حلو, وعربيتك تمام..وأبو زياد قال إنو ما كان عندو مشاكل وإنو القواعد مش معقدة..

لنشوف غيرنا..

فكرك ما إلها علاقة إنو اللي بيفوتوا على قسم اللغة, بيكونوا بالغالبية فالحين فيها؟؟

الإستفتاء لتروق الأوضاع


ومش بس نحنا منغلط بالقواعد...بهالدينتين سامع نزار قباني, وتوفيق زياد, ومظفر النواب, وحتى السيد حسن, بيغلطوا باللغة..

ليش؟؟ لأنو مش عفوية عنا..منرجع منركع للقواعد, كرمال نعرف الحكم الصحيح لأنو مرات ما فيها منطق

لازم الواحد يفكر ليحكي, وبس بدو تحكي بالفصحى لازم يرجع يفكر, ولأنو الكلمة بتسبقنا مرات, ممكن نقولها غلط

[RAFFA_LB]

انا كمان اعترض على التعميم الحاصل باللغة العربية بالنسبة لتسمية اللغات . . .

وقلت ما فين يعمم على كل الدول .

اذا بايطاليا بيحكوا ايطالي وبفرنسا فرنسا ما فين يقولوا انو بهولندا بيحكوا هولندي وانو ببلجكي بلجيكي وبسويسرا سويسري و بالبرازيل برتغالي والخ . . . ! !

[تراب]

انا كمان اعترض على التعميم الحاصل باللغة العربية بالنسبة لتسمية اللغات . . .

وقلت ما فين يعمم على كل الدول .

اذا بايطاليا بيحكوا ايطالي وبفرنسا فرنسا ما فين يقولوا انو بهولندا بيحكوا هولندي وانو ببلجكي بلجيكي وبسويسرا سويسري و بالبرازيل برتغالي والخ . . . ! !


تحية,

طبعا الخطأ يأتي من المتكلمين بالعربية..أما اللغة العربية فتحتمل الدقة في هذا الموضوع..

[الضائع]

تحية تراب,
إنت عم تعترض على مسألة إعراب نائب الفاعل في حالة الفعل المجهول...

أنا معك يمكن فينا بكتير قواعد من أللغة نيسر الأمور من دون ما نمس اللغة، بس بهيدا الموضوع أنا بتفهم أكتر نائب الفاعل من القول مفعول به... لأن أنا بالنسبة لإلي الفعل المجهول ليس نفسه الفعل في الصيغة الأصلية... يعني أنا أراهما فعلين مستقلين تماماً وإن كان احدهما مشتقاً من الآخر...

وبهيدي الحالة (المجهول), أنا أرى نائب الفاعل "فاعلاً" في هذه الصيغة...
يعني إذا كان في طرح للتيسير أنا بأيد القول "فاعل" محل "نائب فاعل"...
بالنهاية هيدا الموضوع بيتطلب الرجوع للأسس التي إعتمد عليها الأسبقون في وضع هذه القواعد...

[jouliadomena]

مابعرف ليش تراب معترض لهالدرجة... دراسة القواعد العربية ممتعة جداً

أنا بشوف انو النحويين لم يأتوا بجديد
قواعد اللغة هي لتفسير الصياغة ولشرح أسبابها
برأيي انو اللغة العربية بأغلب الحالات يمكن تعرف أنها منطوقة بشكل صحيح عن طريق السمع
ماشرط أعرف القاعدة....بحس انو في غلط بالجملة
(مثال صغير....ياريت حدا يخبر مذيعة الجديد داليا أحمد الفرق بين اللام الشمسية واللام القمرية...ماعم تحس وهيي عم تلفظها غلط انها تقيلة؟؟)

[حسام]

تحياتي ضائع،

رامي عم بفتّش عن المعنى .. لمّا بتقول أُكِلت التفّاحة .. التفاحة مفعول بها .. حدا أكلها .. اذا بتسمّيها فاعل بصير يخبط على راسه، هو نائب فاعل ومش معاجبه

[الضائع]

تحياتي ضائع،

رامي عم بفتّش عن المعنى .. لمّا بتقول أُكِلت التفّاحة .. التفاحة مفعول بها .. حدا أكلها .. اذا بتسمّيها فاعل بصير يخبط على راسه، هو نائب فاعل ومش معاجبه


:ي::ي:
تحياتي حسام،

أنا حتى بالنسبة للمعنى أرى أن التفاحة هي الفاعل في صيغة المجهول... يعني لما الفعل بكون مع ضم الألف والكاف بصير فعل أخر مش هو ذاته الفعل الأصيل...

يعني هيدا بيتطلب مستوى من التجرد صحيح بس مش كتير صعب على أولاد المدارس حسب ما كنت أرى...

بعدن إذا بدنا نكون كتير منفتحين بالطرح ليش ما منخلي "المفعول به" (هون عم بحكي بتجرد مش بس المفعول به في القواعد و انما المفعول به في كل صفاته حتى لو كان نائب فاعل) دائماً منصوب بالفتح بشكل عام...

لأ تراب بالو طويل عليي:shy:، ما راح يخبط على راسو... رح يخبط على راسي أنا:ي::ي:...

[تراب]

:ي::ي:
تحياتي حسام،

أنا حتى بالنسبة للمعنى أرى أن التفاحة هي الفاعل في صيغة المجهول... يعني لما الفعل بكون مع ضم الألف والكاف بصير فعل أخر مش هو ذاته الفعل الأصيل...

يعني هيدا بيتطلب مستوى من التجرد صحيح بس مش كتير صعب على أولاد المدارس حسب ما كنت أرى...

بعدن إذا بدنا نكون كتير منفتحين بالطرح ليش ما منخلي "المفعول به" (هون عم بحكي بتجرد مش بس المفعول به في القواعد و انما المفعول به في كل صفاته حتى لو كان نائب فاعل) دائماً منصوب بالفتح بشكل عام...

لأ تراب بالو طويل عليي:shy:، ما راح يخبط على راسو... رح يخبط على راسي أنا:ي::ي:...


الهيئة القصة بدا إتصال لنحلها..

ضُرِب الولدُ: الفعل بعدو فعل الضرب ولا شو؟؟
مين بالنهاية عم يبكي؟؟ الولد لأن فعل الضرب وقع عليه

أما بالنسبة للمفعول به المنصوب دائما حتى لو كان نائب فاعل -شو مشيت معي باللعبة؟؟-
فهو يخالف الأذن العربية...وهيدا صار موضوع آخر, بدي اللغة تضلها ذاتها..

[تراب]

مابعرف ليش تراب معترض لهالدرجة... دراسة القواعد العربية ممتعة جداً

أنا بشوف انو النحويين لم يأتوا بجديد
قواعد اللغة هي لتفسير الصياغة ولشرح أسبابها
برأيي انو اللغة العربية بأغلب الحالات يمكن تعرف أنها منطوقة بشكل صحيح عن طريق السمع
ماشرط أعرف القاعدة....بحس انو في غلط بالجملة
(مثال صغير....ياريت حدا يخبر مذيعة الجديد داليا أحمد الفرق بين اللام الشمسية واللام القمرية...ماعم تحس وهيي عم تلفظها غلط انها تقيلة؟؟)

تراب معترض لهالدرجة لأنو واقعنا اللغوي شي مزري..
ولا قدسية للقواعد!!

يعني إذا ما شفت بالأمثلة اللي ذكرتها شي يستحق الإعتراض, فينا نتناقش بالموضوع
لإني بشوف فيها استخفاف بالعقول

[RAFFA_LB]

تراب معترض لهالدرجة لأنو واقعنا اللغوي شي مزري..
ولا قدسية للقواعد!!

يعني إذا ما شفت بالأمثلة اللي ذكرتها شي يستحق الإعتراض, فينا نتناقش بالموضوع
لإني بشوف فيها استخفاف بالعقول



انا معك لانو اذا متل ما عم تتفضل الانسة الاجنبي ولا مرة بيقدر يحكي متل العرب لانو ما معود على السمع متلن وما في قواعد تتبع

تحية

[jouliadomena]

تراب معترض لهالدرجة لأنو واقعنا اللغوي شي مزري..
ولا قدسية للقواعد!!

يعني إذا ما شفت بالأمثلة اللي ذكرتها شي يستحق الإعتراض, فينا نتناقش بالموضوع
لإني بشوف فيها استخفاف بالعقول

كون الواقع اللغوي مزري هادا شي مابتتحملو قواعد اللغة...وإنما عدم الاهتمام فيها
ليش استخفاف بالعقول؟؟

بالنسبة لأمثلتك...انت بدك تغيير صيغة التعبير عن الإعراب؟اعتراضك عالتسمية؟؟ نائب الفاعل ماعاجبك؟ :p
ماعم قول انو القواعد مقدسة...وماعندي مشكلة بتغييرها...عندك اقتراحات؟

ماني كتير متبحرة باللغة العربية...بس بستمتع كتير فيها...صيغها كتير حلوة

[jouliadomena]

انا معك لانو اذا متل ما عم تتفضل الانسة الاجنبي ولا مرة بيقدر يحكي متل العرب لانو ما معود على السمع متلن وما في قواعد تتبع

تحية

القواعد بتساعد الأجنبي يللي ماسمع كتير اللغة ومابيقدر يميزها سماعياً
أكيد بقصد قواعد التكلم البسيطة....مو القواعد الاختصاصية والصعبة

[تراب]

كون الواقع اللغوي مزري هادا شي مابتتحملو قواعد اللغة...وإنما عدم الاهتمام فيها
ليش استخفاف بالعقول؟؟

بالنسبة لأمثلتك...انت بدك تغيير صيغة التعبير عن الإعراب؟اعتراضك عالتسمية؟؟ نائب الفاعل ماعاجبك؟ :p
ماعم قول انو القواعد مقدسة...وماعندي مشكلة بتغييرها...عندك اقتراحات؟

ماني كتير متبحرة باللغة العربية...بس بستمتع كتير فيها...صيغها كتير حلوة


تحية طيبة,

الله يعلم ما في النفوس..




الله مبتدأ
يعلم: فعل مضارع فاعله مستتر فيه-؟؟؟- جوازا تقديره هو

هون الإستخفاف بالعقول

والجملة الفعلية: يعلم ما في النفوس في محل رفع خبر!!

الله أكبر شو هاللف والدوران

يقولو: الله فاعل ويعلم فعل وانتهى!

ونائب الفاعل كمان ضحك على اللحى

إقتراحات؟؟
يعني حتى لو ما عندي إقتراحات, بحق لي أعترض..

أكيد القصة بدها دراسة طويلة عريضة, ويمكن كل الأمثلة اللي ضربتها يكون إلها جواب شافي..بس بعدني مقتنع إنو فينا نعمل أحسن!!

[Jaki]

تشن عدواناً ..
قُتِل الذئب ..
ضُرِب الولد ..

عنف لغوي مثلاً !

في فراغ بيبقى بالوسط بس تكون الجملة فعلية بلا فاعل ، مش ذنب المفعول به لينوب عن الفاعل ، خصوصاً بهيك أمثلة عنيفة ، الحق على أسباب حذف الفاعل .

الجلطة الجر لفظاً/الرفع محلاً .

[RAFFA_LB]

في دعوة من الحزب الشيوعي لمظاهرة لدعم الشعب الفلسطيني في غزة


انا بفهم من الجملة انو المظاهرة رح تصير بغزة او في الها معني تاني بالعربي ؟ ؟

في تدل على المكان ما هيك ؟

بالنسبة الي الجملة لازم تكون هيك

a demo to support the palestinians of gaza

مظاهرة لدعم فلسطينيين غزة . . .

[abuziad81]

في دعوة من الحزب الشيوعي لمظاهرة لدعم الشعب الفلسطيني في غزة


انا بفهم من الجملة انو المظاهرة رح تصير بغزة او في الها معني تاني بالعربي ؟ ؟

في تدل على المكان ما هيك ؟

بالنسبة الي الجملة لازم تكون هيك

a demo to support the palestinians of gaza

مظاهرة لدعم فلسطينيين غزة . . .
دعوة من الحزب الشيوعي لمظاهرة لدعم ( الشعب الفلسطيني في غزة )

يعني في عائدة على الشعب الفلسطيني و تدل على مكانه .. و ليست عائدة على المظاهرة و تدل على مكانها

[RAFFA_LB]

دعوة من الحزب الشيوعي لمظاهرة لدعم ( الشعب الفلسطيني في غزة )

يعني في عائدة على الشعب الفلسطيني و تدل على مكانه .. و ليست عائدة على المظاهرة و تدل على مكانها


انا فهمت في بهيدي الجملة تعني de بالفرنسي او of بال english هي تدل على شعب غزة بالتحديد من الفلسطينيين بشكل عام . . .

تحية

[تراب]

في دعوة من الحزب الشيوعي لمظاهرة لدعم الشعب الفلسطيني في غزة


انا بفهم من الجملة انو المظاهرة رح تصير بغزة او في الها معني تاني بالعربي ؟ ؟

في تدل على المكان ما هيك ؟

بالنسبة الي الجملة لازم تكون هيك

a demo to support the palestinians of gaza

مظاهرة لدعم فلسطينيين غزة . . .


القصة مش كتير معقدة..

اللغة العربية لغة مباشرة, يعني لو بدنا نقول متل ما فهمت إنت, كنا قلنا:

دعوة من الحزب الشيوعي لمظاهرة في غزة لدعم الشعب الفلسطيني

الصياغة اللي انطرحت بالأصل صحيحة, ودقيقة..

يعني أزبط من:

دعوة من الحزب الشيوعي لمظاهرة لدعم الغزاويين, لأنو غزة بمعظمها لاجئين أصلهن من مناطق أخرى

ربما الأصح إنو نقول متل ما اقترحت إنت مع تعديل بسيط:


مظاهرة لدعم فلسطينيي -من دون النون- غزة
لأن فلسطينيين مضافة, فتحذف النون تبع الجمع

لتعرف المضاف, بتسأل مع الإسم ماذا؟؟
إذا لقيت جواب, بكون الإسم مضاف واللي بعده مضاف إليه

مثلا: فلسطينيين ماذا؟؟ -بالعامية: أيا فلسطينيين؟؟-
الجواب: فلسطينيين غزة..يعني في جواب
وطبعا تحذف النون
يعني
فلسطينيي مضاف, وغزة مضاف إليه

مثلا آخر: اللبنانيون في البرازيل ثروة لبلدهم الأم

....................................

معاني 'في' الأكثر شيوعا:



الظرفية, الحقيقية والمجازية مثلا:



الظرفية الحقيقية: الإحتلال في فلسطين همجي وإرهابي -ماديا الإحتلال في فلسطين-
الظرفية المجازية: ولكم في غزة عِبرة يا حكام العرب -العبرة شيء مجرد لا وجود له حقيقة بل مجازا-



السببية: في ما قال الرئيس المصري ضوء أخضر للعدوان على غزة -يعني بسبب-



المصاحبة: دخلت الصف في جمع من الرفاق -يعني بمصاحبة-



بمعنى الباء: أنت في البرازيل -كما في اللهجة العامية: أنت بالبرازيل-