بالعاميّة

[smileyface]

اول سؤال عم يشغلي بالي هوي ايمتى بدو يوصل الDSL على دير الزهراني؟ انو كيف وصل عالنبطية ورجع كوّع عالدورة؟! مش عم تركب ع راسي... :walakelmi:
أيمتى بدا تصير تجي الكهربا 24 24/؟ رح نوصل لهالنهار يلي بتضل جايي فيه الكهربا وما تقطع مع اول هبة هوا؟ ولا مش ع ايامنا؟
أيمتى رح يصير عنا دولة؟ ويصير كل طالب عندو وظيفة دغري بعد ما يتخرّج؟ وأيمتى رح يرجعوا المغتربين ولا كمان صعبة؟
عال لغينا الطائفة عن اخراج القيد بس لشو اخراج القيد اصلا اذا كلنا صار معنا هويّات؟ واصلا اذا لغينا الطائفة او المذهب بالشكل ايمتى رح تنلغى الطائفية من نفوسنا ويبطل شاغلنا بالنا سؤال انت شو طائفتك وشو مذهبك وشو دينك؟
أيمتى رح توقف المحاصصة بالادارات الخاصة والعامة ويبطل كل زعيم يقول هيدا من جماعتي بحطوا بهالوظيفة لانو بيخصني وحتى لو كان حمار؟! ابنك ذكي يا ثريا بس حمار... :ي:
أيمتى رح نصير نتقبل التاني حتى لو كان رأيو مثلا انو سمير جعجع زعيم وطني وبيحب لبنان وما تعامل مع اسرائيل الا كرمال عيون لبنان! شو فيها طيب حر الزلمي فينا نناقشو بالسياسة من هلق لتقوم القيامة مش ضروري تقتلو. يمكن هوي ما بيحب جعجع بس نكاية بعون نزل ع ساحة الشهداء بذكرى الحريري ويمكن ما كان طايق الحريري هوي وعايش وصار يحبو بعد ما مات شو فيها بتصير, ما بتصير؟ مبلى مبلى بتصير...
مش عم بفهم ليش ال msn messenger بيعلّ القلب ليمشي والياهو دغري عالسريع يشتغل؟ عنجد شغلة بتقهر, على ما يبدو انو الياهو أقوى يلا شباب ولع المشكل... :p
ايه شو كمان؟
ايه ايمتى الحب بدو يرجع متل قبل صادق وصافي وبلا مصالح؟ ايمتى بدو يخف الكذب بين البشر؟ انتبهوا مش عم قول يبطل موجود لانو صعبة! الله خلق الكون خير وشر وطبيعي يكون في كذب بس مش هالقد كمان ولو!
على سيرة الهوية انا وعم بكتب هلق وصلتني رسالة قال شو: اذا هويتك معك مش يعني بتنتخب ارسل اسمك الى (1378) وتأكد انو في لوائح الشطب... خلصت الرسالة. ليك ملا نكتة شو فرقانة معي انا اصلا ايه معي هوية بس انو الهوية رح تغيّر شي بنتائج الانتخابات مثلا؟ مش رح ينجح ولا واحد من لوائح 14 آذار؟ وأصلا لشو بدي انتخب اذا رح يزوروا النتائج متل كل مرة ويطلع واحد متل الياس عطالله نائب ويسقط سليمان فرنجية!
لنرجع للاسئلة: ايمتى بدو يفل صفير عن كرسي البطريركية؟ مش انو عم بتدخل بشي ما بيعنيني اعوذ بالله بس هالزلمي زاعجني هوي وتصريحاتو لو بيخخفها شوي بس وببطل ينط كل ليلة بنشرة أخبار ال LBC , بالمناسبة وين صارت القضية بين بيار الضاهر والنص حكيم! ( هوي ما كفّى اختصاصو ولا حتى عم بيمارس مهنة الطب ع شو بيعيطولو حكيم). :wacko:

يمكن to be continued

[Sarya]

بعدنا طيبين قولي الله :ي:

[ebenadam]

طولي بالك بس كم سنة انشالله بيمشي الحال وبيوصل الزهراني dsl والجماعة ناويين على الخير على اساس انه اخر سنة لي انشالله ما بترجع 2008 كان لزم يكون بكل بيت وبلقوة بدكم تشتركوا بس شوي صار في عجقة على الطريق بتنحل والله يحلهم واحد وراء التاني كلهم دفعة واحده بيقوله مع انه مصدر موثوق كتير وما بوثق باحد انا بس انه في شغله حلوة قال انه راح يسير الانترنيت dsl وعلى طريق بتقدري تاخدي باقة من المحطات التلفزيون على الشبكه لتحضري تلفزيونهي شي بلمقلوب dsl مدي شو اسمها والحكي بيسير ببلاش كل الشهر بس بي 35 دولار هيك قال بس انا ما بصدق لانه توما مش احلا مني ...

انه البطاقة افضل بكتر مش للانتخابات لا تصدقي هل خبريه بس افضل لانه حجمها صغير وكل عمره في تزوير واذا غيروا ساعتها لزم نحاسبهم لانه مش معودين على الحقيقة ....

وصح لسانك على كلامك حكيم وبدوه شهادة بس يا عيوني منين بدوه يجبها اذا شهرين درس وطب سنان انشالله ولا ضرس واذا بس جكاره نزل ولانه حبه بعد ما مات اه نيالهم فيه ...

انت ناطرة من كم يوم نحنا زهقنا من زمان طلاته وتصريحاته وبالاخر طلع بدوه يقسم على راحته انا بعرف انه في عمر للكرسي بتهتري بس ما كان يعرف يهريها ويريحنا !!!!

المسنجر من عندك بس والمشكله كونكشن على الاكيد او صار لزم تعملي فورمات جربي يمكن لي عملوله واسطه وصل بعد ما قفز من عمود لعمود لمدير الشركة الكهرباء حسب قول ذياد....

شو بيشبهك تشرين كنت كاتبها بس غيرت فيها لانه ما بتشبه تشرين بتشبه شباط الباط

وانشالله خير تتحققك احلامك

اهلين اول مرة بحب هيك عاميه من قلبي

[Jaki]

يطلع واحد متل الياس عطالله نائب ويسقط سليمان فرنجية!
شايفة كيف ، وبعد في حدا بيقلّي ليه ما بحب الانتخابات :lac:

[Dareen]

شايفة كيف ، وبعد في حدا بيقلّي ليه ما بحب الانتخابات :lac:

أصلا صلا سليمان شو بدو بالأنتخابات ووجعة الراس في أحلى من انو يقعد حد بحيرة بنشعي :217:

[Dareen]

أيمتى بدنا نوصل لوقت إذا البنت تأخرت برات البيت بالسهرة تكون شغلة عادية وما يبلش النق فوق راسها .... :lac:
وليش دائما لازم يكون معها خيها او خطيبها او زوجها انو ممنوع تسهر مع رفقاتها ؟؟؟

[smileyface]

شوية نكد ما بيشكي من شي :ي:

لو فينا كل ما نضهر من قصة حب يرجع الله ياخدنا ويخلقنا من جديد مع قلب جديد واسم جديد واهم شي ذاكرة جديدة :lac:
العمى شو بشعة الذكريات لو فينا هيك نرجع لورا نشيل القصة الموجوعتنا ونمحيها عالاخر, طيب شي صار وخلص شو منستفيد بس نرجع نتذكر, احلى شي كمان انو ناسيين ملامح الاشخاص بس اسمائن وشو كان يصير بعدنا منتذكرو, انو لو العكس صار كانت الشغلة اهون بكتير... (أوقات بقول شو محظوظ يلي بيفقد ذاكرتو)

خلصنا نكد هلق شوية هبل :ي:
كيف الواحد بيكون قاعد وعم يتحدث ومنسجم بالحديث واذ فجأة بصير يشخّر؟:ي: انو غريب عنجد في ناس اذا نفخت علين بيناموا دغري وفي ناس بدن الف معاملة ليقدروا يناموا :(

لنرجع للنكد
اوقات حتى نخبي وجعنا وعيوننا المنتفخة من البكي منصير نضحك ونضحك ونضحك ويلي بوجنا بيفكرونا هبل او اشبنا شي انو ليش هيدا هيك عم يتضحك, يمكن ما بيكونوا حاسين اديش نحنا موجوعين ومقهورين وانو عم نحاول ننسى وجعنا مدري نخبيه مع انو مش كلنا فينا نخبي بس نكون موجوعين...

يلا بيكفي اليوم هالقد :lac:

[Ahmadov]

مش قادر اعرف متى راح يوقفوا البنات النقّ تبعهن؟ :lac:

[Jaki]

مش قادر اعرف متى راح يوقفوا البنات النقّ تبعهن؟ :lac:

إزا قدراتك مش خارقة .. ومعرفتك مش واسعة ، شو منعملّك نحنا !:lac::lac::ي:

[Ahmadov]

إزا قدراتك مش خارقة .. ومعرفتك مش واسعة ، شو منعملّك نحنا !:lac::lac::ي:

ما هو هون بيت القصيد :ي:

المشكلة مش بالقدرات أو بالمعرفة.. المشكلة الرئيسية إنو الصبايا لازم يتعودوا على شي إسمو القناعة مش بس يسمعوا فيها :lac:

كيفك؟ :shy:

[smileyface]

مش قادر اعرف متى راح يوقفوا البنات النقّ تبعهن؟ :lac:

شي مرة سمعتني عم نق قبل هلق؟ انو اذا الواحد تضايق مرة بالسنة ما بيطلعلوا ينق؟ اذا انفجرت احسن؟ :( بعدين هيدا مش نق هيدي فضفضة :lac:

[Jaki]

اذا انفجرت احسن؟ :(

لا ولو ، ما سدقنا راق الوضع الأمني ببيروت :please::p
بعدين خدي منو واتركي ، هيدا أحمد أساساً "في معرض" انتقاده لنق الصبايا ، عم ينق من الصبايا .

نقاقين الشباب أكتر :ي:

[smileyface]

بين الجامعة اللبنانية وال LIU
الجامعة اللبنانية يلي منقعد فيها كل السنة عم ناخد محاضرات حتى اخر السنة نعمل امتحان كدورة اولى وننطر النتايج ليعلقوها على حيطان الجامعة! ويلي هيي بالمناسبة بالاسم جامعة هي بيت مسـتأجرتو الجامعة كرمال التعليم*. والنتايج ما بتطلع قبل شهر بعد ما منخلص الامتحانات وقعدوا نطروا وكيّلوا الطريق من الجامعة للبيت ومن البيت للجامعة لحتى يحنوا علينا وينزلوا النتايج مش عالنت اكيد :lac: لا عحطيان الجامعة :p ...

بال LIU
مندخل عالنت كل طالب على صفحتو الخاصة بيحط ال ID وال password وبكبسة على اي مادة بتطلع علامتو كلها والعملية ما بتاخد اكتر من كم يوم حتى تبلش العلامات تبين بدون تعليق وراق عالحيطان ولا نطرة شهر بين روحات ومجيات عالجامعة, ايه هالقد الحياة بسيطة ليش منعقدا مش عم بفهم...

* هيدا الحكي قبل ما ينقلوا كل كليات الجامعة اللبنانية عالحدث ويلي من اول سنة فتت فيها ع كلية الاداب وهني بيسمعونا انو السنة الجايي رح ننقل عالحدث, نطروني لفليت وخلصت ليسانس ودبلوم ونقلوا الكليات على مجمع الحدث...

[Ramzy]

اول سؤال عم يشغلي بالي هوي ايمتى بدو يوصل الDSL على دير الزهراني؟ انو كيف وصل عالنبطية ورجع كوّع عالدورة؟! مش عم تركب ع راسي... :walakelmi:
أيمتى بدا تصير تجي الكهربا 24 24/؟ رح نوصل لهالنهار يلي بتضل جايي فيه الكهربا وما تقطع مع اول هبة هوا؟ ولا مش ع ايامنا؟
أيمتى رح يصير عنا دولة؟ ويصير كل طالب عندو وظيفة دغري بعد ما يتخرّج؟ وأيمتى رح يرجعوا المغتربين ولا كمان صعبة؟
عال لغينا الطائفة عن اخراج القيد بس لشو اخراج القيد اصلا اذا كلنا صار معنا هويّات؟ واصلا اذا لغينا الطائفة او المذهب بالشكل ايمتى رح تنلغى الطائفية من نفوسنا ويبطل شاغلنا بالنا سؤال انت شو طائفتك وشو مذهبك وشو دينك؟
أيمتى رح توقف المحاصصة بالادارات الخاصة والعامة ويبطل كل زعيم يقول هيدا من جماعتي بحطوا بهالوظيفة لانو بيخصني وحتى لو كان حمار؟! ابنك ذكي يا ثريا بس حمار... :ي:
أيمتى رح نصير نتقبل التاني حتى لو كان رأيو مثلا انو سمير جعجع زعيم وطني وبيحب لبنان وما تعامل مع اسرائيل الا كرمال عيون لبنان! شو فيها طيب حر الزلمي فينا نناقشو بالسياسة من هلق لتقوم القيامة مش ضروري تقتلو. يمكن هوي ما بيحب جعجع بس نكاية بعون نزل ع ساحة الشهداء بذكرى الحريري ويمكن ما كان طايق الحريري هوي وعايش وصار يحبو بعد ما مات شو فيها بتصير, ما بتصير؟ مبلى مبلى بتصير...
مش عم بفهم ليش ال msn messenger بيعلّ القلب ليمشي والياهو دغري عالسريع يشتغل؟ عنجد شغلة بتقهر, على ما يبدو انو الياهو أقوى يلا شباب ولع المشكل... :p
ايه شو كمان؟
ايه ايمتى الحب بدو يرجع متل قبل صادق وصافي وبلا مصالح؟ ايمتى بدو يخف الكذب بين البشر؟ انتبهوا مش عم قول يبطل موجود لانو صعبة! الله خلق الكون خير وشر وطبيعي يكون في كذب بس مش هالقد كمان ولو!
على سيرة الهوية انا وعم بكتب هلق وصلتني رسالة قال شو: اذا هويتك معك مش يعني بتنتخب ارسل اسمك الى (1378) وتأكد انو في لوائح الشطب... خلصت الرسالة. ليك ملا نكتة شو فرقانة معي انا اصلا ايه معي هوية بس انو الهوية رح تغيّر شي بنتائج الانتخابات مثلا؟ مش رح ينجح ولا واحد من لوائح 14 آذار؟ وأصلا لشو بدي انتخب اذا رح يزوروا النتائج متل كل مرة ويطلع واحد متل الياس عطالله نائب ويسقط سليمان فرنجية!
لنرجع للاسئلة: ايمتى بدو يفل صفير عن كرسي البطريركية؟ مش انو عم بتدخل بشي ما بيعنيني اعوذ بالله بس هالزلمي زاعجني هوي وتصريحاتو لو بيخخفها شوي بس وببطل ينط كل ليلة بنشرة أخبار ال LBC , بالمناسبة وين صارت القضية بين بيار الضاهر والنص حكيم! ( هوي ما كفّى اختصاصو ولا حتى عم بيمارس مهنة الطب ع شو بيعيطولو حكيم). :wacko:

يمكن to be continued
ازا بيصير هالحكي في اي بلد عربي بتصير الدول العربية أعضاء مؤسسين لمنظمة التجارة العالمية:ي: لما بتمطر الدني بيقطع كل شي حتى التلفون و الانترنت و مرات بييجوا يصلحوا لحد تاني بيخربولنا الخط أو بيحطولنا خطه:walakelmi::p

[lord hayd]

اول سؤال عم يشغلي بالي هوي ايمتى بدو يوصل الDSL على دير الزهراني؟ انو كيف وصل عالنبطية ورجع كوّع عالدورة؟! مش عم تركب ع راسي... :walakelmi:


هيدا أوّل تساؤل وصلِك الجواب عليه :ي: .. ما عاد ينشغل بالِك :walakelmi: ..
الباقيين ان شا الله بيتحقّقوا بال100 سنة القادمة :p ..

الموضوع قديم .. كنت عم حرتق و لاقيتو :please: ..


.

[أمل الجنوب]

كم شهر وانا عم فكر اجي على لبنان ..وكانت سفرتي عم تتأجل ..شهر ورا شهر وقررت وجيت عا لبنان..بلدي...من أول ما اجيت مرضة ورا مرضة.. والحق بالآخر على الطقس يا حرام شو منعلق عليه قصص لهلطقس...شو اكتر شي حلو بلبنان...انو بقدر انزل اتمشى على البحر ..وروح زور قبر امي...الباقي........عم فكر بشي شغلة حلوة ضيفها...ما لقيت قررت بدي ارجع بس كمان قلت لا جبرت حالي ضل..اصعب شعور يمكن يحسو الانسان انو يكون غريب ببلدو...الناس بتحاسبو على حجابو على لون تيابو...قال شو ما طلع حتى الحجاب عندو مذهب بهالبلد...ا عرفت ليه نحنا منتعلق بالعالم بالافتراضي...لانو كل واحد فينا عم يفترض حدن او مجموعة حديات وعم يتعاطى معون بالواقع هوي يمكن ما يحبون بس يشوفون ويمكن يحبون اكتر...يمكن كل يوم بيسال عنون بس يكونو كلمة بصفحة معلقة بين الخطوط السلكلية وللاسلكية بس بس يصيرو حقيقة وموجودين بيصيرو متل ايه شخص عادي ما ضروري نسأل عنو ...بدي ضل؟ايه رح ضل اذا ما خبطني شي موتورسيكل بيوم من الايام ...لانو الحمدلله بيمشو حتى عالرصيف...اليوم
وصلت لحالة الغربة الحقيقية...لما رحت عند امي سألتا بركي عندك أحلى من عنا
انا عالمي اكيد منو هون ..مع انو بحب بحب هون بس ....هون ما بحبني ...او اذا بدو يحبني رح اتعب كتير لانتمي...كل عمري عم ببحث على الانتماء طب بالغربة ما اقدرت انتمي لانو انا مغتربة يا ترى ببلدي ليه ماعم بقدر انتمي؟؟ما بعرف...
حكيييي كلو بالآخر حكي....