توقّعات ميشال حايك للعام 2009 على طريقة "لا يُملّ".. مع نعيم حلاوي [الأرشيف]

كحلون

25-02-2009, 11:41 AM

- شهر أيار السنة بيجي مباشرةً بعد شهر نيسان

- بيشهد لبنان الأمطار خلال فصل الشتاء

- حادث سير على الأوتوستراد يؤدي الى أضرار في السيارتين

- التيار الكهربائي بلبنان على موعد مع التقنين هالسنة كمان

- سياسي لبناني بيمرّق كذبة زغيرة بأحد تصاريحه

- مواطن نيجيري بيخزق بنطلونو بأحد المسامير الطالعة من أحد الكراسي

- فنان عربي بيتجوز و خلال حفل الزفاف بيقطع قالب الغاتوه هو و عروستو

- إشكال في أحد المطارات العالمية يؤدي الى فتح حقيبة أحد المسافرين و تفتيشها

- أحد الكلاب الداشرة سيعملها على دولاب إحدى السيارات

- إنقطاع سلك صنارة أحد الصيادين بسبب تعلقها بالصخور على شواطئ بيروت

- إنفجار بالون في يد أحد الأطفال في كوبنهاغن يؤدي الى بكائه

- مواطن لبناني بيعلق بالأسانسور و بيحطولو كرسي و بيعربش عليها

- محطة تلفزيون لبنانية بتقطع بث برنامج تركي مدبلج تا تمرّق خلاله دعايات

- فنانة لبنانية بترتدي الأسود و بتضهر عالسهرة

- الجايزة الكبرى باللوتو اللبناني بتنصاب السنة أكتر من مرة

- تنشيز حاد بيصيب فنان لبناني خلال وصلتو و بيتشردق بنص الأووووف

- قصف عنيف بأحد مشاهد فيلم وثائقي عن الحرب العالمية التانية

- جون كندي ما بيكمّل ولايته

- اكتشاف مذهل بحقل الرياضيات بيحيّر العلما و هو انو نص الألف خمسمية

- إعصار عنيف بيضرب سواحل الولايات المتحدة و بيطيّر الشعر المستعار عن رأس إحدى السيدات

- إستعمال مفردات جديدة بمجلس النواب اللبناني من عيار "نضّف بوزك" و سكّر باجوقك" ه

- عم شوف وئام وهاب عم يشتم حدا من 14 آذار

- عم شوف مجلس الوزراء اللبناني بحالة اجتماع، و ستحدث خلافات

- عم شوف الجنرال لابس أورانج

- عم شوف طائرات ميغ 29 عم بتحلّق بسما لبنان بشكل متواصل لأن ما عم بتلاقي مطار تصف فيه

- عم شوف فوز كاسح لحزب الله و حركة أمل بالجنوب بالإنتخابات المقبلة