المساعد الشخصي الرقمي

مشاهدة النسخة كاملة في الموقع الأساسي مع الصور : فرقة أغاني العاشقين - مجموعة *



ArabicRevolution
07-02-2007, 04:40 PM
أغنية فلتسمع كل الدنيا
لفرقة العاشقين

free-iron
07-02-2007, 08:48 PM
مرحبا.
فرقة العاشقين الفلسطينية ما جاءت الى لتزعزع معالم المجتمع البائد.ستبقى دائما في قلب من يعشقون الوطن و الشهادة.
و انها لثورة حتى النصر

ArabicRevolution
08-02-2007, 01:35 PM
بدر الدين يشرفني ردك على أول موضوع أضعه في هذا المنتدى الأكثر من رائع

:thumbsuppp: وإنها لثورة حتى النصر

Safir
09-02-2007, 11:17 PM
لغة العاشقين لغة العاشقين

هذي الجراح من فلسطين

من فلسطين أرسلتها الرياح

هبة النار والندى حملتها

والعتابا والميجنا والسماح

والكلام المباح ليس مباحاً ونغنيه

والأغاني سلاح

سرنا راية على رأس رمح

فأذيعي أسرارنا يا رماح

Safir
09-02-2007, 11:17 PM
نجوم الليل مسودة وجرح الفارس الأسمر هجم عالعتمة ضوا الريح والوديان والمعبر وزرعنا بالصخر وردة ودفينا برد كانون ومتل ما عكا صمدت للبحر و جيوش نابليون صمدنا للردى وجيوشه والعدة ومتل ما الشعب علمنا تعلمنا بإنه الصامد المنسوب للتاريخ مش رح تغلبوا الشدة

Safir
09-02-2007, 11:18 PM
هذا زمان الشد فاشتدي

ما بين قابلة و جلاد

وترقبي لحدي ما بين معتد ومرتد

فإذا بدا فعليك ميلادي

والآن يبتدأ الصراخ دمي يغطيني

والأرض تلبسني

يا قبر يا زمني

يا قبر يا زمني

إن كان حدك جارحاً

فأنا فلسطيني

Safir
09-02-2007, 11:19 PM
فلسطيني

فلسطيني على أحزانه تتجمع الدنيا فتورق زهرة الرؤيا على كل الميادين

فلسطيني

وكان الليل رشحه ليوم يصنع التابوت وفي بيروت ترشحه الحياة لفجرها الآتي وتشهد أنه قاوم فيا بيروت لك الوعد الفلسطيني ويا بيروت فليشهد لك العالم

Safir
09-02-2007, 11:21 PM
إشهد يا عالم علينا و ع بيروت إشهد للحرب الشعبية

واللي ما شاف بالغربال يا بيروت أعمى بعيون أمريكية

بالطيارات أول غارة يا بيروت غارة برية وبحرية

برج الشمالي وبالبحر يا بيروت صور الحرة والرشيدية

قلعة الشقيف اللي بتشهد يا بيروت عاللي داسوا راس الحية

الشجر قاتل والحجر يا بيروت والواحد جابه دورية

جبل المحامل شعبنا يا بيروت بعين الحلوة والنبطية

واحنا ردينا الآلية يا بيروت بحجارة صيدا والجية

تراب الدامور اللي بيشهد يا بيروت عالخساره الصهيونية

وبخلدة خلدنا الوحدة يا بيروت لبنانية فلسطينية

سدوا المنافذ علينا يا بيروت حرقوا المعونة الطبية

سور الأشبال مع زهرات يا بيروت منه ما مرت آلية

الطيارات غطوا السما يا بيروت والبحر جبهة حربية

كانت غربان المنية يا بيروت واحنا تحدينا المنية

واشهد يا عالم علينا وع بيروت ع صبرا والمية ومية

شاتيلا وبرج البراجنة يا بيروت بالمتحف شافوا البلية

تمانين يوم ما سمعناش يا بيروت غير الهمة الإذاعية

بالصوت كانوا معانا يا بيروت والصورة دابت بالمية

ولما طلعنا ودعناك يا بيروت وسلاحنا شارب حرية

لا راية بيضا رفعنا يا بيروت ولا طلعنا بهامة محنية

الدرب صعبة وطويلة يا بيروت عليها عقدنا النية

واللي ما يشوف بالغربال يا بيروت أعمى بعيون أمريكية

Safir
09-02-2007, 11:21 PM
ويا بيروت

يا بوابة العصر الفدائي

يا نار المواجع إسمك الحركي على الأيام حرية

معاك إحنا رغم الموت

رغم السيل

فلسطينية دعيسة منايا وليل

فلسطينية كبروا ع التلج والسيل

فلسطينية يعني شعبنا العربي

ما فيش بيناتنا متعصب وعصبي

فلسطينية حرية

هويتنا النضالية لكل اللي يتحدوا الويل وشافوا المرة والمرة

واللي بينتسب إلنا

معانا بيمشي ع الجمرة

Safir
09-02-2007, 11:28 PM
يمشي على الجمر شبل
طفل ولكن يقاتل
وحين يتعب يعلو
حب الفدا سيواصل
ولدت في أي مخبا
يا أيها الطفل قل لي
تربة جدي بحيفا
والقدس تسكن أصلي
جاء العدو يحارب
من كل صوب وحدب
ما ضاع حق المطالب
ما دامت النار دربي
بوارج في البحار
والقصف عبر الفضاء
والموت عبر القرار
فما يقول الفدائي
لكنني لست وحدي
فالشعب ناري وداري
تجمع الكون عندي
وقوتي في قراري

Safir
09-02-2007, 11:29 PM
قراري سمعته الدنيا طوال سنين

على درب الفدائيين مشينا العام بعد العام

مشينا والدرب ألغام

مشينا ع الحفا ع الشوك والسكين

وما مننكرش إنه الشوك أذانا

والسكين دمانا

وما مننكرش إنه بنبكي ع الشهدا

وما تردش ع البعدا

هدول ال بيدّعوا وبيزايدوا ع الدم والإيام

لإنه الموت مش غية

لكن دربنا الدرب الفدائية

تودي ع النصر من طلعة الآلام

وعن هالطلعة ما في رجعة

هدا دربنا جرح وفدا وفدا

وهدا دربنا شوفو الشوارع في مخيمنا ملانة بصورة الشهدا

Safir
09-02-2007, 11:33 PM
شوارع المخيم
تغص بالصور
شهيدنا تكلم
فأنطق الحجر
في كل بيت عرس
ودمعتان
ميعادنا في القدس
مهما نعاني
لا تلبس السواد
أم المكارم
فموته ميلاد
والفجر قادم
لا نقبل العزاء
ولا نزايد
إبن الشهيد جاء
يا شعب عاهد
الوطن البعيد
نحن فداه
من يكرم الشهيد
يتبع خطاه

Safir
09-02-2007, 11:34 PM
على خطواتهم نمشي فتزهر ساحة الشهداء

على خطواتهم نمشي فنغسل بالدماء الماء
وبعد الريح والأحلام والظلمة وبعد الشوك والصبار
وبعد تساقط النوار
وبعد تراجع البسمة
لمحنا في المدى أبطالنا الجرحى
جبينا عالياً سمحا
وساماً من دم والكبرياء تفتحت عنده
فيا جرح الفدا مرحى فلست الجرح
إنك في امتداد حقولنا وردة

Safir
09-02-2007, 11:35 PM
وردة لجريح الثورة

وردة للجرح الساطع

لجريح الثورة وردة

للجرح الساطع وردة

يا شجرة بوردة حمرا



زغروتة للبطل الغالي

ماشي بكرامة وتحدي

بوسام الحرية العالي

وردة



ماشي والجبهة مرفوعة

وتارك رجله في الميدان

قطعها لغم الطغيان

يا صحاب الضحكة المسموعة

يا غفلة وما بدها توعى

يا نسيان ويا غفيان

سبقتكو الرجل المقطوعة

Safir
09-02-2007, 11:35 PM
برجل قطعتها آلة الطغيان بعين ترقب الفجر الذي من جرحنا يأتي بصمت ظل أبلغ من ضجيج الوهم في الصوت بروح عايشت لبنان وقاومت الطواغيت العتاة فأزهر الميدان سنرجع يا بلادي سنرجع لن يطول زماننا الجاحد ونار الشعب نار القلب تمحو ليله المارد

Safir
09-02-2007, 11:37 PM
الليل مارد والقمر هربان

والجو بارد والولد مرعوب

امه تلمه وتقفل البيبان

والعين ع الجمرة اللي عم بتدوب

يا بني بسيطة الصبر م الإيمان

واللي صبر بيحقق المطلوب

لا بد نرجع يا بني ع الوطان

ورح ينعدل حجر محل مقلوب

حط يا بني وصيتي بكتاب

واقفل عليها بالشمع والطوب

إياك بل اياك والنسيان

بالنار نرجع حقنا المغصوب

كبر الولد وتجمعوا الخلان

وصوت الوصية بالعقل محفور

فدائية طلوا وشهدت الأكوان

إنه الفدائي للوطن منسوب

بالجو صوت تردده الوديان

وتتناقله كل الشعب والدروب

ما نتوب عن تحرير هالاوطان

أكبر ذنوب المرء إنه يتوب

Safir
09-02-2007, 11:38 PM
وكيف يتوب عن وعد الهوى المحبوب وكيف تتوب نار وهي إن تابت فسوف تذوب ومهما ضاقت الساحات فإن جراحنا أكبر ومنها نعبر الشدات ومنها يعبر النسر الذي هاجر وإن سرقته باخرة المنافي منك يا لبنان فإن جراحه نيشان ستلمع دائما في فجرنا لن تعرف النسيان وفي الآفاق عودة نسرنا النسر الذي سافر

Safir
09-02-2007, 11:39 PM
يا شوفاتٍ للنسر بيسافر بعيدِ

بإيده إشارة نصر والعودة أكيدة

يا شوفاتٍ شفتها طلعت من لبنانِ

مسحت دمع أختها ولولا الزمانِ

زرعت وراها شجر تاخده فلسطينِ

متل لمحة البصر نور بالمدينة

منديلها هاد م الصبح بيلوح للغالي

بترش الرز والملح بوداع الأبطالِ

يا راكبين البحر والبحر غدارِ

صاح الحجر والشجر عودوا لهالدارِ

يا شوفاتٍ للنسر

Safir
09-02-2007, 11:40 PM
لهالدار ارجعوا هالدار بتنادي وريح الليل عم تصفر على الوادي من الإجرين والإيدين من الدم اللي غطى الباب والشارع من الموت اللي هز الأرض في يومين من جروحي لكل الناس من الإحساس ما في حجة للأطرش ولا السامع وما في حجة للي ما طلعله صوت لأنه المجزرة بتهز حتى الموت وشاتيلا وصبرا فتّحوا في عصرنا جرحين وشاتيلا وصبرا فتّحوا في عصرنا جرحين

Safir
09-02-2007, 11:41 PM
أنقاض شاتيلا مرت بنا فجرا


والريح في صبرا تطفي القناديلا


يا طارقين الباب لن نفتح الآنا


قد سافر الأحباب وكان ما كانا


أنقاض شاتيلا





ليل وسفاح والكوكب اهتزا


هم صادروا الزيتون وأحرقوا الأرزا


أنقاض شاتيلا





لن نترك الميدان ولتشهد الدنيا


الموت للطغيان وشعبنا يحيا

Safir
09-02-2007, 11:41 PM
يموت البغي والطغيان ويحيا شعبنا لكن هذا كله قد لا يتم الآن فرحلتنا مطولة وغربتنا مسربلة بنار الخصم والسجان ولكن النهار يضيء ومهما أحكموا إغلاقه في سجن أنصار فسوف يجيء مددنا بيننا جسرا من الأشواق في المنفى إلى الأحباب في أنصار وإذ يتجمع الأحباب سنذكر كل هذا الشوق نرسمه مع الشمس التي وقفت على الأهداب

Safir
09-02-2007, 11:43 PM
غريب الليل عن شمسي والاغرب إنه النسر يبقى بسجن الاغراب

يا شعبي وديرتي ثوروا ع الاغراب ليرجع هالنسر زين الفضا

بنص الليل نجم سهيل أدرى يبلغ كل بيت وكل أسرة

بانه بعد في أبطال أسرى ولازم ينكسر قيد العدا



جمع الأسرى جمع في معسكر أنصار

والشمس لما بتطلع بتواعد الثوار



حبستوا جسم البطل ما حبستوش الروح

روحه بحجم الجبل تحمل عنا الجروح



إلليلي هبت نسمة يا نسمة ويا حنين

قولوا عني لأمي على العهود أمين



شمس الحرية فينا مين يحبس الشموس

والفجر بينادينا شو رح تعمل النفوس



سجن العدو ما يقدر يحجب عنا الاوطان

إحنا لفلسطين معبر حنا فدا لبنان

Safir
10-02-2007, 12:20 AM
فدا الوعد الفلسطيني فدا لبنان يهون السجن والسجان وتختمر الحجارة بالبراكين بهذا علمتنا الأمهات وهكذا يختار نسر الشعب دنياه سنحتمل الخناجر والأذى لكن جور النذل نأباه

Safir
10-02-2007, 12:22 AM
يما مويل الهوا يما مويليا

ضرب الخناجر ولا حكم النذل فيا



ومشيت تحت الشتا والشتا رواني

والصيف لما أتى ولع من نيراني

بيضل عمري انفدى ندر للحرية

يما مويل



يا ليل صاح الندى يشهد على جراحي

وانسل جيش العدا من كل النواحي

والليل شاف الردى عم يتعلم بيا

يما مويل الهوا



بارودة الجبل أعلى من العالي

مفتح درب الأمل والأمل برجالي

يا شعبنا يا بطل أفديك بعينيا

يما مويل الهوا

Safir
10-02-2007, 12:24 AM
ويا بارودة تعلو على الجبلِ فديتك فارسمي أملي وحين تلونت صور الجريحة بالشظايا السود وخيمت الغيوم على المدينة بالردى والرعب والبارود نهضنا من خلال الموت والأشلاء نفخنا يا قيامة شعبنا في الصور مقر الحاكم المحتل صار شهادة في صور تهاوى رأسه عقبا ففتح في الصخور الماء و زهر الشمس نور في مدينة صور

Safir
10-02-2007, 12:26 AM
زهر يا دوار الشمس ونور نور كانت القيامة تقوم


لما حسبوا إنا متنا وظنوها انكسرت شوكتنا


لما قطعوا الزهر السامي قالوا للشمس الحرة نامي


واحنا قيمنا القيامة ونفخنا في الصور


زهر


من دمع الأطفال الرضع من برد الليل ال ما بيهجع


من صبرا من شاتيلا من تل الزعتر من صور ال هزمت الاسكندر


من دم الوردة الحمرا من عرق الشاب الأسمر


ظهرنا العزم المنشود ونفخنا بالصور


زهر


يا شمس بلادي الشمالية يا جنوبية في لبنان


شعبي مرسال الحرية صوته بينادي الأكوان


صور اللي صارت غنية بالعالم ع شفة ولسان


بتقول الحرب الشعبية بترد الطاغي والعدوان


والحرية نبع المية بالصحرا والصحرا ميدان


يا هالأبطال النشبية المية بتنادي العطشان


إنه الزتونة مروية بدم الأحرار الشجعان


والأرزة الخضرا العربية لا ما بتهون ولا بتنهان

Safir
10-02-2007, 12:28 AM
وكيف تهون هاللي للبحر والنار ما هانت وكيف تكون هاللي لولا عزم الشعب ما كانت صحيح الليل خيم عالمدى والريح وأحكام المماليك الجواري مزعت البلاد بالتجزيء والتشريح صحيح الخوف ناصب خيمته عالصوت والنسمة وعم تتصادر الكلمة صحيح المعتدي المحتل عم بسرح على كيفه وبهين الأرض والأمة لكن هالشعب جرد لرد المعتدي سيفه رماد النار في تحته جمر والنار في همة رماد النار في تحته جمر والنار ملتمة

Safir
10-02-2007, 12:30 AM
من نار خرجت من رماد الحقب

قدسا ودما ووردة من لهب

يا ثورة شعبنا الفدائي العربي

تبقين ويفتديك جيل الغضب

تبقين وللغزاة أن يرتحلوا

مستقبلهم وراءهم والأزل

مهما غصبوا وأتلفوا وقتلوا

فالفجر لنا حقيقة من ذهب

الفجر يصب فجره في غدنا

مستقبلنا أمامنا في يدنا

والشمس تشدنا إلى موعدنا

والجرح علامة لشمس الغضب

الجرح كتابنا فيا من قرأ

بلغ زمن التراجعات النبأ

الثورة لا تموت والقول لها

والشعب يصد هجمة المغتصب

للشعب عيدنا غداً للمرح

للزهرة للندى لقوس القزح

للأرض جراحنا تقول انشرحي

والنار تقول للنهار احتجبي

من نار

Safir
10-02-2007, 12:31 AM
نهار العصر منتسب إلى غدنا نهار العصر يعرف أن عمق الجرح تأكيد لموعدنا نهار العصر ثوار وأحلام يزينها دم الزيتون والغار فيا أيام يا أحلام يا فقراء يد بيد كما كنا وما زلنا فتسطع غابة الأضواء وتلك علامة في الأفق أنبأنا بها في الفجر أحرار علامتنا قد انتشرت وباسم جموعنا قد هبت النار

Safir
10-02-2007, 12:33 AM
هبت النار والبارودِ غنى

أطلب شباب يا وطن وتمنى

وهبت النار من عكا للطيرة

كمشة صغار ربيوا عالحصيرة

وهاي صاروا كبار وما نسيوش الديرة

ومين اللي ينسى فلسطين الجنة

هبت النار



وهبت النار كرامة كرامة

الفلسطينية ومع كل النشامى

طلوا فدائية وويله اللي يتعامى

فجر الحرية بالدما يتحنى

هبت النار



وهبت النار بشاير بشاير

وهالشعب واحد مش عيل وعشاير

بدمه جاهد وتحمل خساير

وع الثورة عاهد تنحرر موطنا

هبت النار



وهبت النار يا أهل العروبة

الفدائي محاصر والأرض مسلوبة

كل اللي هاجر دربه من دروبي

والشعب جاهد وبالفدا يتغنى

هبت النار

Safir
11-02-2007, 09:42 PM
اغنية يا شعبي يا عود الندي
ايضا من البوم "بأم عيني" لفرقة العاشقين

free-iron
12-02-2007, 12:26 AM
بدر الدين يشرفني ردك على أول موضوع أضعه في هذا المنتدى الأكثر من رائع

:thumbsuppp: وإنها لثورة حتى النصر
يالله شد حيلك يا رفيق
منتدى رائع و يستاهل

sobhi62
12-02-2007, 04:12 PM
مرسي سفير كتير على الاغاني الحلوه ... و هاي اغنيه من عندي ما بعرف ازا انحطت بلمنتدى من قبل.

Ra2ed
09-04-2007, 05:07 AM
سفير

إزا عندك عنية كل شي فخمتو بيك
يا معود إلا التكتيك..

كمان بحفلة عدن هيدي

رزق الله

ابو فادي
09-04-2007, 05:30 AM
سفير

إزا عندك عنية كل شي فخمتو بيك
يا معود إلا التكتيك..

كمان بحفلة عدن هيدي

رزق الله
الله يرحمك يا عبدالله حداد ، بتعرفوا يا رائد

Ra2ed
09-04-2007, 05:35 AM
الله يرحمك يا عبدالله حداد ، بتعرفوا يا رائد

كتير منيح..

كنا نتعاون معو لنلم تبرعات لبيت أطفال الصمود

ابو فادي
09-04-2007, 05:52 AM
كتير منيح..

كنا نتعاون معو لنلم تبرعات لبيت أطفال الصمود
الغنية بالاصل مش الو هي لمطرب تونسي ، كان عندي شريطها بس انفقد وما عدت لاقيتو

Ra2ed
09-04-2007, 06:04 AM
الغنية بالاصل مش الو هي لمطرب تونسي ، كان عندي شريطها بس انفقد وما عدت لاقيتو

هل قصدك لطفي بوشناق؟

أنا اللي متأكد منو إنو الغنية لعبد الله .. وعملا على ضهر الباخرة .. بس غناها لطفي بوشناق وحذف منا بعض المقاطع..

ابو فادي
09-04-2007, 06:28 AM
هل قصدك لطفي بوشناق؟

أنا اللي متأكد منو إنو الغنية لعبد الله .. وعملا على ضهر الباخرة .. بس غناها لطفي بوشناق وحذف منا بعض المقاطع..
لا مش لطفي عبدالله خبرني انها لمغني تونسي غير معروف، لانه قبل ما غناها بعدن غناها عندي بالبيت وكنت مسجلها تسجيل خاص بس للاسف راحت

bolchevien8
21-04-2007, 07:28 PM
تحياتي الى الكل، كيف يمكن العثور على الاعمال الاخرى لفرقة العاشقين، أي الأعمال الاخرى غير الموجودة في المواقع.و شكرا

ياسمة
27-05-2007, 02:44 AM
شوارع المخيم



تغص بالصور
شهيدنا تكلم
فأنطق الحجر
في كل بيت عرس
ودمعتان
ميعادنا في القدس
مهما نعاني
لا تلبس السواد
أم المكارم
فموته ميلاد
والفجر قادم
لا نقبل العزاء
ولا نزايد
إبن الشهيد جاء
يا شعب عاهد
الوطن البعيد
نحن فداه
من يكرم الشهيد
يتبع خطاه



هي الاغنية بتنزف الجراح
نسيت اسم المغني الرائع انا بعندي اياه حفلة كاملة فيديو بس اجسيل قديم
وطبعا اتمنى اعرف انقله عاسي دي ومن ثم بنشوف كيف ممكن نحطه هون بالصوت الحر

وين هي الفرقة حد بعرف؟؟؟

Safir
27-05-2007, 03:18 AM
http://www.muenster.de/~kheite/al-asheqin-dateien/al-asheqin.htm

مقال للشاعر احمد دحبور عن العاشقين

KATYA
27-05-2007, 03:29 AM
يعطيك الف عافيه سفير

رهيبين الهم ذكريات عند اهلي كتيير هل اغاني

tanweer
12-10-2007, 07:52 PM
و الله بحث كتيرا عن اغاني المجموعة و الت احترمها كتيرا، و الحمد لله وجدتها هنا
شكرا لكم

Esther
22-01-2008, 04:21 AM
سرحان و الماسورة

هي قصيدة غنائية من تأليف الشاعر الفلسطيني توفيق زياد و من غناء فرقة اغاني العاشقين الفلسطينية .
سرحان , هو احد الاشخاص الفلسطينيين الذين فجروا احد انابيب البترول فى اثناء الاحتلال البريطاني .
المدة : حوالى 50 دقيقة .الغنائية فيها جزاين , جزء اول عو القصيدة و التانية متل اغاني شغبية بتمجد يلي قام بها سرحان



ولدت الاغنية التى ستكون اليوم بديلا لما يطرح الان لشبابنا
هذه حكاية ثائر فلسطيني , لوحة من تراث شعبنا , و ضع موسيقاها الفنان حسين نازك
بعض المقاطع :

يقظا مثل حمار الوحش كان ‏
وككلب الصيد ملفوفا خفيف
وشجاعا مثل موج البحر كان
ومخيفا مثلما النمر مخيف


كان يمشي نحو تل الحارثية ‏
حيث ماسورة بترول شقية ‏
تحمل الخير الذي يدفق ‏
من أرض الشعوب العربية
لبلاد أجنبية
كان يمشي نحو تل الحارثية ‏
وبجنبيه ديناميت ونار وفتيل
وعلى كتفه كانت.... بندقية

قبل ذالك لم يفهم سرحان معنى الوطن

عندما قالوا له :‏سرحان يا سرحان ..هل تقدر أن تفعل شيئا للوطن‏
هزّ كتفيه :أنا ؟!يا ناس خلّوني بعيدا عن حكايات الوطن

عندما قالوا له :‏سرحان يا سرحان ..هيا للجبال‏

هز كتفيه :أنا ؟ من أين إن جعت ستأتي لقمة الخبز الحلال ؟‏


عندما قالوا له :سرحان يا ابن الكلب ...انظر شعبك العبد الطعين‏

هز كتفيه :أنا ؟ ما دام جلدي سالما ...مالي وما للآخرين ؟‏
‏‏
لعنة الله على شكلك يا كتلة طين.‏

Safir
26-07-2008, 02:11 AM
إشهد يا عالم علينا و ع بيروت إشهد للحرب الشعبية

واللي ما شاف بالغربال يا بيروت أعمى بعيون أمريكية

بالطيارات أول غارة يا بيروت غارة برية وبحرية

برج الشمالي وبالبحر يا بيروت صور الحرة والرشيدية

قلعة الشقيف اللي بتشهد يا بيروت عاللي داسوا راس الحية

الشجر قاتل والحجر يا بيروت والواحد جابه دورية

جبل المحامل شعبنا يا بيروت بعين الحلوة والنبطية

واحنا ردينا الآلية يا بيروت بحجارة صيدا والجية

تراب الدامور اللي بيشهد يا بيروت عالخساره الصهيونية

وبخلدة خلدنا الوحدة يا بيروت لبنانية فلسطينية

سدوا المنافذ علينا يا بيروت حرقوا المعونة الطبية

سور الأشبال مع زهرات يا بيروت منه ما مرت آلية

الطيارات غطوا السما يا بيروت والبحر جبهة حربية

كانت غربان المنية يا بيروت واحنا تحدينا المنية

واشهد يا عالم علينا وع بيروت ع صبرا والمية ومية

شاتيلا وبرج البراجنة يا بيروت بالمتحف شافوا البلية

تمانين يوم ما سمعناش يا بيروت غير الهمة الإذاعية

بالصوت كانوا معانا يا بيروت والصورة دابت بالمية

ولما طلعنا ودعناك يا بيروت وسلاحنا شارب حرية

لا راية بيضا رفعنا يا بيروت ولا طلعنا بهامة محنية

الدرب صعبة وطويلة يا بيروت عليها عقدنا النية

واللي ما يشوف بالغربال يا بيروت أعمى بعيون أمريكية



http://www.youtube.com/watch?v=LwtoQHlbsyo

Safir
26-07-2008, 02:26 AM
يما مويل الهوا يما مويليا

ضرب الخناجر ولا حكم النذل فيا

ومشيت تحت الشتا والشتا رواني

والصيف لما أتى ولع من نيراني

بيضل عمري انفدى ندر للحرية

يما مويل

يا ليل صاح الندى يشهد على جراحي

وانسل جيش العدا من كل النواحي

والليل شاف الردى عم يتعلم بيا

يما مويل الهوا

بارودة الجبل أعلى من العالي

مفتح درب الأمل والأمل برجالي

يا شعبنا يا بطل أفديك بعينيا

يما مويل الهوا



http://www.youtube.com/watch?v=yQprfb4uZe4

ليل الجليـل
08-11-2008, 04:44 AM
هي ياولاد فلسطين المشرد واللي فيها
خلصنا من دمع الحنين وجينا الأرض نفديها
كبروا بالغربة الولاد
ومانسيوا ريحة البلاد
رغم المنفى والإبعاد
فلسطين لأهاليهـا
هي ياولاد فلسطين المشرد واللي فيها
خلصنا من دمع الحنين وجينا الأرض نفديها
ياأرضي زيدي زيدي
الحجارة انخلقت لإيدي
الإنتفاضة المجيدة
درب الثورة تضويها
هي ياولاد فلسطين المشرد واللي فيها
خلصنا من دمع الحنين وجينا الأرض نفديها
شعلة ومارح يطفوها
بالحملات المشبوهه
البيوت الـ هدّموها
الإنتفاضة بتبنيها
هي ياولاد فلسطين المشرد واللي فيها
خلصنا من دمع الحنين وجينا الأرض نفديها
ياشهيد ويامجروح
دمك هدر مابروح
فلسطين بترد الروح
بتحييها وتحيّيها

هي ياولاد فلسطين المشرد واللي فيها
خلصنا من دمع الحنين وجينا الأرض نفديها

ليل الجليـل
08-11-2008, 05:06 AM
التكتيك العربي لطفي بوشناق \ عبدالله حداد :)

Marcos
09-11-2008, 12:07 AM
يتبع...

ليل الجليـل
09-11-2008, 07:00 PM
Pflp67

ألف ألف شكر لك من قلب القلب
ودائماً نريد المزيد :)

ali_batha
10-11-2008, 02:25 AM
وحياة الثورة انك قائد تسلم يمينك على هالاغاني
و يسارك كمان يا رفيق

titto32
10-11-2008, 03:16 PM
الله ينور عليكى من فترة طويلة ماسمعت اى اغانى للعاشقين

baitawwa
06-06-2009, 10:18 PM
اغنية فلسطين مزيونة - فرقة العاشقين
فلسطين مزيونة ... يا محلى عروستنا

baitawwa
06-06-2009, 10:37 PM
اغنية دوس مانتا دايس عالزناد
نفدي القدس ونابلــس والبــلاد

guevara_61200
06-06-2009, 10:59 PM
اغنية فلسطين مزيونة - فرقة العاشقين
فلسطين مزيونة ... يا محلى عروستنا
شكرا على الاغنية..بس بتصور انو اللي غنّى الاغنية فرقة اسمها فرقة الجذور مو العاشقين
تحياتي0

baitawwa
06-06-2009, 11:48 PM
شكرا على الاغنية..بس بتصور انو اللي غنّى الاغنية فرقة اسمها فرقة الجذور مو العاشقين
تحياتي0

لا يا عم جيفارا ..
إذا سمعت الأغنية منيح راح تشوف صوت ( حسين المنذر - ابو علي )
يصدح بقوة , وأبو علي قائد فرقة العاشقين منذ نشأتها
وعلى فكرة هو بلدياتي
تحياتي إلك جيفارا .. وشكراً عالمرور

baitawwa
08-06-2009, 06:08 PM
فرقة العاشقين

للقدس إشرح يا علمنا العالي

Mtiraoui
10-06-2009, 03:02 PM
شكرا على المجموعة الرائعة لفرقة العاشقين الفلسطينية و الحقيقة ثمة اغنية رائعة جدا اسمها فوق التل و سانزلها قريبا هدية لكل الاحبة و كلها لاجل عيونك يا فلسطين

cracking20
14-11-2010, 03:35 PM
,thanks but the links not worked for me

الهمشرى
30-05-2011, 06:04 PM
منتدى رائع و يستاهل

الهمشرى
30-05-2011, 06:12 PM
كل الشكر والاحترام لكل من بذل جهد حتى يسمعنا هالاغانى