عرض النتائج 1 إلى 6 من 6
  1. #1
    مارون الراس
    تاريخ التسجيل
    Aug 2006
    الدولة
    Beirut, Lebanon, Lebanon
    علم الدولة
    علم الدولة Lebanon
    الجنس
    الجنس: Male

    رسوم التسجيل في «اللبنانية» رمزية ولكن!

    رسوم التسجيل في «اللبنانية» رمزية ولكن!



    ليال حداد

    مئتان وخمسون ألف ليرة لبنانية هو رسم التسجيل في الجامعة اللبنانية. قد يبدو المبلغ ضئيلاً مقارنةً مع أقساط الجامعات الخاصة، إلاّ أنّه ليس كذلك بالنسبة إلى عدد من طلاب الجامعة. مرام وإيلي... وطلاب آخرون قرّروا التعبير عن مشاكلهم الاقتصادية التي قد تكلّفهم عامهم الدراسي.
    «أنا شابة في الثامنة عشرة من عمري، لا يتجاوز راتب والدي خمسمئة دولار، أمي لا تعمل ولي أخ صغير»، بهذه الكلمات تعرّف مرام بنفسها وتشرح سبب عدم قدرتها على دفع رسوم التسجيل في كلية الآداب والعلوم الإنسانية ـــــ الفرع الثاني. تبدو مرام متفائلة بإمكان إيجاد فرصة عمل تنقذ الموقف.
    من جهته، يتحدث مدير الفرع الدكتور جورج روفايل عن تفاقم المشاكل المعيشية لدى عدد من الطلاب: «بدأتُ هذا العام أسمع عن طلاب لا يستطيعون دفع الرسوم، وحتى هؤلاء الذين يتمكنون من التسديد يطلبون مساعدات من الإدارة لتوفير النقليات مجاناً». لا ينكر روفايل استحالة مساعدة الطلاب العاجزين اقتصادياً، فـ«موازنة الجامعة اللبنانية لا تسمح». ويستنتج روفايل مما يواجهه يومياً في الكلية أن البلد أصبح مقسوماً إلى طبقتين أساسيتين: «هناك طبقة غنية تستولي على المال، وهناك الطبقة التي تأتي للتعلم في الجامعة اللبنانية ولا تجد إمكانية لدفع رسم تسجيل رمزي». تستمر مدة التسجيل في الكلية حتى آخر الشهر الجاري «ولكن إذا طلب منّا أحد الطلاب تمديد المهلة لوضع استثنائي فسنوافق، لأننا ندرك صعوبة الأوضاع المعيشية».
    لا يخجل إيلي جرجي من الحديث عن هاجسه الأساسي: «أريد أن أتسجّل في كلية العلوم في اختصاص علوم الأحياء، لأنني أطمح إلى دخول كلية الطب». غير أن طموح جرجي يصطدم بمشكلة دفع رسوم التسجيل: «لا أعرف كيف سأدفع الرسم، الله يدبّر، ولكن لم أتخيّل أنه سينتهي بي المطاف إلى البحث عن وسيلة لدفع رسم جامعة رسمية». أما الطالبة ريتا الحاج فتشرح الطريقة التي استطاعت بها تدبّر مال التسجيل: «استدنت المال من صديقتي لأني لم أكن أملكه، ولولا الاستدانة لما استطعت تسديد المبلغ».
    أما مدير معهد العلوم الاجتماعية ــــ الفرع الثاني الدكتور جورج سوتيري فيشير إلى تأجيل معظم الطلاب دفع رسوم التسجيل حتى آخر الشهر في انتظار الانتخابات الرئاسية. «لا أحد يخاطر بدفع ماله قبل الوقت خوفاً من أن يحصل تطوّر ما في البلد». وتأكيداً لكلام سوتيري، تقول رئيسة الهيئة الطالبية في الكلية ليال فتوح إنّ هذا العام هو الأسوأ لجهة الأوضاع الاقتصادية: «عدد الطلاب الذين يطلبون منّا المساعدة كبير ونحن نفعل ما بوسعنا، فاستطعنا تمديد مهلة التسجيل للسنوات كافة حتى آخر الشهر الجاري». وتتحدّث فتوح عن نسبة الحضور القليلة مقارنة مع السنوات السابقة: «الأوضاع السياسية والأمنية والاقتصادية مترابطة، وعلينا الانتظار حتى انتهاء انتخابات رئاسة الجمهورية».

    عدد الأربعاء ١٤ تشرين الثاني
    رسالة الى كل عربي: ثوروا فلن تخسروا سوى القيد والخيمة "الحكيم جورج حبش"

    نداء خاص: حملة انضمام ال 10 الاف على صفحة صوتك



  2. abouhmeid، شكراً من: Esther (14-11-2007)


  3. #2
    أنا توب عن حبك أنا ...
    تاريخ التسجيل
    Dec 2006
    علم الدولة
    علم الدولة United Nations
    الجنس
    الجنس: Male
    لربما يتسائل البعض ما هو السبب وراء دعم الجامعة الامريكية كل سنة من قبل بعض السياسيين اللبنانيين و اهمالهم للدعم المالي للجامعة اللبنانية .فلقد ارادوا لبنان بلد خال من الطبقة الفقيرة او المتوسطة , و دالك يكون عبر سحق الطبقة الفقيرة و جعلها غير قادرة على دفع المبلغ المدكور , فليس من حق البعض الالتحاق بالجامعات , فالجامعات مخصصة لابناء السياسيين و الطبقة الغنية فقط لا غير .
    يريدونني ان اموت لكي يمدحوني !



  4. Esther، شكراً من: القديس (14-11-2007)


  5. #3
    يتسكّع في الأرجاء
    تاريخ التسجيل
    Aug 2006
    الدولة
    مشرقي مديتراني
    علم الدولة
    علم الدولة Palestine
    الجنس
    الجنس: Male
    مش رمزية ابداً للصراحة

  6. #4
    ...
    تاريخ التسجيل
    Feb 2007
    الدولة
    ضائعة بين قارتين
    علم الدولة
    علم الدولة France
    الجنس
    الجنس: Male
    التدوينات
    1
    سعيدة,

    صراحة كلامك كتير صحيح, يعني كل سنة بيقوموا السياسيين بدعم الجامعات الخاصة و على رأسها الجامعتين الأميركيتين و الجامعة اليسوعية, علما إنو اللي بيدخل هيدي الجامعات صحيح ما ضروري يكون غني و لكن الأقساط ليست بسهلة, و بالتالي هو ينتمي على الأقل للطبقة المتوسطة و الجامعات منها بحاجة, يعني لنهن عميعملوا أبحاث علمية و لا شي كل هالمصاري عمبتروح للإحتفالات و المظاهر.

    و المضحك هو القاعات اللي تقدم للجامعات الخاصة و تسمى بإسم المتبرع, طيب ليش ما بينعمل نفس الشي للجامعة اللبنانية,يعني كانوا بدهن يسموا المجمع الجامعي بالحدث كلوا بإسم رفيق الحريري, طيب ما بيطلعلهن؟؟؟

    الهدف من هيدا الشي بسيط, معظم الناس اللي بتطلع من الجامعة اللبنانية بيخوفوا السياسيين لأنهن كديحة وطالعين من طبقات الوسطى أو أقل يعني عايشين المعانات و بيعرفوا الشعب لنهم منو و في, هول الناس منهم غير محبوبين من السياسيين لأنهن متل ما بيقولوا بالعربي المشبرح ناس بتفهم, و هول الناس هني اللي بيشكلوا خطر على السياسيين.

    يعني هيدا الشي ما بيناسب السياسيين اللي بيهمهن يبقوا ماسكين الناس و الشعب بيد من حديد, و هيدا الشي بموضوعنا هو بعدم دعم الجامعة اللبنانية, يمكن بيعتبروا إنو بلا ما يتعلموا و يتثقفوا و يصيروا بيفكروا, نحن من فكر عنهن!!!!

    هلق بموضوع رسوم التسجيل, هي صح غالية على قسم ليس بصغير من الطلاب, و لكن كمان خلينا نفكر من جهة تانية إنو في موظفين و دكاترة عندها كمان عيل و أولاد و مصاريف.

    صراحة ما بعرف كيف بدي فسر تأعطي كل طرف حقوا, التلميذ اللي أحوالوا المادية منها منيحة و الموظف بالجامعة اللبنانية, اللي معاشوا كمان منو مغري يعني بتعرفوا معاشات الدولة كيف (طبعا هون عمبثتثني الضباط و القضاة)


    اقتباس المشاركة الأصلية كتبت بواسطة الحر العربي مشاهدة المشاركة
    لربما يتسائل البعض ما هو السبب وراء دعم الجامعة الامريكية كل سنة من قبل بعض السياسيين اللبنانيين و اهمالهم للدعم المالي للجامعة اللبنانية .فلقد ارادوا لبنان بلد خال من الطبقة الفقيرة او المتوسطة , و دالك يكون عبر سحق الطبقة الفقيرة و جعلها غير قادرة على دفع المبلغ المدكور , فليس من حق البعض الالتحاق بالجامعات , فالجامعات مخصصة لابناء السياسيين و الطبقة الغنية فقط لا غير .

  7. #5
    اقتباس المشاركة الأصلية كتبت بواسطة zsaint مشاهدة المشاركة
    سعيدة,

    صراحة كلامك كتير صحيح, يعني كل سنة بيقوموا السياسيين بدعم الجامعات الخاصة و على رأسها الجامعتين الأميركيتين و الجامعة اليسوعية, علما إنو اللي بيدخل هيدي الجامعات صحيح ما ضروري يكون غني و لكن الأقساط ليست بسهلة, و بالتالي هو ينتمي على الأقل للطبقة المتوسطة و الجامعات منها بحاجة, يعني لنهن عميعملوا أبحاث علمية و لا شي كل هالمصاري عمبتروح للإحتفالات و المظاهر.

    و المضحك هو القاعات اللي تقدم للجامعات الخاصة و تسمى بإسم المتبرع, طيب ليش ما بينعمل نفس الشي للجامعة اللبنانية,يعني كانوا بدهن يسموا المجمع الجامعي بالحدث كلوا بإسم رفيق الحريري, طيب ما بيطلعلهن؟؟؟

    الهدف من هيدا الشي بسيط, معظم الناس اللي بتطلع من الجامعة اللبنانية بيخوفوا السياسيين لأنهن كديحة وطالعين من طبقات الوسطى أو أقل يعني عايشين المعانات و بيعرفوا الشعب لنهم منو و في, هول الناس منهم غير محبوبين من السياسيين لأنهن متل ما بيقولوا بالعربي المشبرح ناس بتفهم, و هول الناس هني اللي بيشكلوا خطر على السياسيين.

    يعني هيدا الشي ما بيناسب السياسيين اللي بيهمهن يبقوا ماسكين الناس و الشعب بيد من حديد, و هيدا الشي بموضوعنا هو بعدم دعم الجامعة اللبنانية, يمكن بيعتبروا إنو بلا ما يتعلموا و يتثقفوا و يصيروا بيفكروا, نحن من فكر عنهن!!!!

    هلق بموضوع رسوم التسجيل, هي صح غالية على قسم ليس بصغير من الطلاب, و لكن كمان خلينا نفكر من جهة تانية إنو في موظفين و دكاترة عندها كمان عيل و أولاد و مصاريف.

    صراحة ما بعرف كيف بدي فسر تأعطي كل طرف حقوا, التلميذ اللي أحوالوا المادية منها منيحة و الموظف بالجامعة اللبنانية, اللي معاشوا كمان منو مغري يعني بتعرفوا معاشات الدولة كيف (طبعا هون عمبثتثني الضباط و القضاة)
    صراحة اسمحلي عارضك بكم نقطة هون، سبب اهمال الجامعة اللبنانية من قبل السياسيين، هيي انو بالدرجة الاولى سياسيينا هني بكل بساطة انتهازيين و مستثمرين، اللي ممكن يهمّهن هو كل شي ممكن ازا دعموه يردّلهن فائدة على شعبيتن او على جيبتن، و طالما الجامعة اللبنانية، جامعة للكل، و القرارات فيها وحدة و ما ممكن تتجزأ الّا باللامركزية الادارية اللي عم يطالب فيها البعض، فما حدا رح يلتفت لهالجامعة.. و هالشي مش استهدافاً لفئة معينة من الناس.

    كمان ازا بتلاحظ كتار من السياسيين و الاحزاب فتحوا جامعات خاصة " دكاكين " و اي تحسين للجامعة اللبنانية بشيل من دربن طلاب " زبونات " ..

    اما بخصوص معاشات الدكاترة بالجامعة اللبنانية، فالمثبت بيوصل معاشه لل2000 $ مقابل معدل 6 حصص بالاسبوع.. بعضهن بيستاهل وبعضهن لأ.. بعضهن فايت من ورا المحسوبيات و بعضهن بشطارته..

    اما بخصوص الاحوال المعيشية للطلاب، فهالشي مش جديد، و مرتبط مباشرة بالوضع الاقتصادي العام بالبلد، يعني معروف من زمان بلبنان، انو الجامعة اللبنانية الرسمية هي جامعة الشعب بشكل عام و الفقراء بشكل خاص.

    و انا كانسان تعلّم بالجامعة اللبنانية، فيني اكدلك انو اكتر من نص الصف، كان يشكّل عنده القسط ازمة مالية، وكان الحل الها يجي يا اما من مساعدات و منح تعليمية رسمية او خاصة من الاحزاب او الجمعيات الاهلية و الدينية .. وكان يتكرر هالشي كذا مرة بالسنة، كلّ مرة يحتاج الطالب يشتري قرطاسية او كتاب معين او عدة هندسية يحسب الف حساب و تصير المطالبة بتمديد المهل لحين ما يجي اول الشهر و ياخد المبلغ من اهله قبل ما يطير لغير حاجات،

    فمش غريبة انو مع ازدياد سوء الحالة المعيشية للعالم و ازدياد الغلاء، انو يصعب تامين هالمبلغ للطبقة الفقيرة و مش غريب انو ما حدا يسأل

  8. anonymous، شكراً من: Gilgamesh (15-11-2007)


  9. #6
    ...
    تاريخ التسجيل
    Feb 2007
    الدولة
    ضائعة بين قارتين
    علم الدولة
    علم الدولة France
    الجنس
    الجنس: Male
    التدوينات
    1
    مساء الخير,

    صراحة بالأمور الذي ذكرتها, أنا معك فيها منها بموضوع الجامعات الدكاكين و بالتالي بلاقي من هيدا المنطلق جوابك مكمل لجوابي.

    , و لكن ما فيك تنكر فكرة إنو السياسيين بمساعدة وحدة من المساعدات اللي بيقدموها للجامعة الأميركية مثلا فيهن يفوتوا 150 طالب على الجامعة اللبنانيين, و الأسباب من الذي ذكرتها, لأنوا صراحة ما بلاقي سبب تاني, بالنهاية الحريري بيعطوا منح للجامعة الأميركية علما إنو في جامعة لإلهن, و حركة أمل بتقدم مصاري أو منح للدخول لشي جامعة علما إنو فيها تفوتهن على الجامعة الإسلامية, يعني الموضوع منو بس من أجل تنشيط الحركة بجامعاتهن.

    بموضوع الكتب الدراسية هيدا الموضوع هو شي متعلق بالدكتور و فقط, يعني أنا بعرف دكتور بالجامعة اللبنانية, طلب من المكتبة توزع الكتب على عدد من طلابو مجانا لأنو بيعرف إنو أحوالهن المادية صعبة, و هيدا الحكي منو تفنيص, بينما في دكاترة تانيين بيعملوا من الكتاب مكسب و تجارة و حتى بيغيروا الكتاب كل سنة علما إنو أكاديميا إصدار الكتاب منو سهل و من أجل هيدا السبب في شي موجود بالجامعة اللبنانية سنة سابعة يعني إجازة لسنة كاملة بعد 6 سنين من التعليم, و الهدف منها إنو كل دكتور يطلع كتاب كل ستة سنين كتاب أو مشروع ذات طابع علمي أو أكاديمي.

    بالرد الأخير يعني يصعب تأمين المبلغ, أنا أكيد مني ضد هيدا الطرح أي تخفيض التكاليف الجامعية, و إلا بكون شي واحد "واطي" و عذرا على الكلمة و لكني بعرف حال الناس قديش صعبة,و خصوصة بالوضع الحالي, بالنهاية أنا من هيدا الشعب.

    أما بموضوع معاش الدكاترة, المعاش الي بيوصل لل 2000$ هو على الأقل بعد 10 سنين من الخدمة, و مش أول ما يفوت, بالنهاية الدكتور بقي يدرس على اللأقل فوق ال8 سنين و بيستاهل إنو يكفىء, حسبها على حالك.

    اقتباس المشاركة الأصلية كتبت بواسطة Fl@nkeR مشاهدة المشاركة
    كمان ازا بتلاحظ كتار من السياسيين و الاحزاب فتحوا جامعات خاصة " دكاكين " و اي تحسين للجامعة اللبنانية بشيل من دربن طلاب " زبونات " ..

    اما بخصوص معاشات الدكاترة بالجامعة اللبنانية، فالمثبت بيوصل معاشه لل2000 $ مقابل معدل 6 حصص بالاسبوع.. بعضهن بيستاهل وبعضهن لأ.. بعضهن فايت من ورا المحسوبيات و بعضهن بشطارته..

    و انا كانسان تعلّم بالجامعة اللبنانية، فيني اكدلك انو اكتر من نص الصف، كان يشكّل عنده القسط ازمة مالية، وكان الحل الها يجي يا اما من مساعدات و منح تعليمية رسمية او خاصة من الاحزاب او الجمعيات الاهلية و الدينية .. وكان يتكرر هالشي كذا مرة بالسنة، كلّ مرة يحتاج الطالب يشتري قرطاسية او كتاب معين او عدة هندسية يحسب الف حساب و تصير المطالبة بتمديد المهل لحين ما يجي اول الشهر و ياخد المبلغ من اهله قبل ما يطير لغير حاجات،

    فمش غريبة انو مع ازدياد سوء الحالة المعيشية للعالم و ازدياد الغلاء، انو يصعب تامين هالمبلغ للطبقة الفقيرة و مش غريب انو ما حدا يسأل

معلومات الموضوع

Users Browsing this Thread

يتصفح الموضوع حالياً : 1. (الاعضاء: 0 والزوار: 1)

تعليمات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا يمكنك اضافة مرفقات
  • يمكنك تعديل مشاركاتك
  •