1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

الثورة مستمرة في مصر .. و الفن شاهد

الموضوع في 'فيديو والفن السابع' بواسطة abuziad81, بتاريخ ‏14 كانون الثاني 2012.

  1. #1 abuziad81, ‏14 كانون الثاني 2012
    آخر تعديل بواسطة المشرف: ‏26 أيلول 2015
    abuziad81

    abuziad81
    Expand Collapse
    Active Member

    إنضم إلينا في:
    ‏16 تشرين الأول 2007
    المشاركات:
    4,150
    الإعجابات المتلقاة:
    14
    فكرة الموضوع هي متابعة ما ينتجه المصريون من أغاني و فن يتابع رسالة الثورة.

    البداية مع أغنية القلة المندسة كلمات وغناء و الحان ياسر المناوهلي:

    أنا رحت أنضم ف مرة
    رحت أنضم ف مرة .. لقلة مندسة
    بالتهميش و الظلم .. عمرها ما كانت حاسة

    أنا رحت أنضم في مرة
    رحت أنضم في مرة لقلة مندسة
    بالتهميش و الظلم عمرها ما كانت حاسة
    لقيت خلق كتيرة .. تقول مصر بناسها
    بتاع يجي مليون .. و بيزيدوا لسه
    يا عيني على القلة .. يا ليلي على المندسة

    فتشوني وأنا داخل
    فتشوني وأنا داخل .. بأيادي خارجية
    أيادي متلطخة .. بالفول و الطعمية
    قلت في نفسي أكيد .. دي عجينة دولية

    لمحت بنت بعيد
    لمحت بنت بعيد .. ماشية بيافطة في الميدان
    ياتري مكتوب بالفارسي .. ولا مترجمة في لبنان
    تلاقي كاتبة عليها .. الحلوة دي من طهران
    ولا هاشوف في إيديها .. ألوان علم إيران
    قربت لقيت مصرية .. و كاتبة إحنا ليه بنتهان

    شاب بيعزف عود
    شاب بيعزف عود .. بأصابع خارجية
    تلاقي كاتب النوتة .. في أجندة دولية
    قربت لقيته بيعزف .. أغاني الشيخ إمام
    و يردوا عليه الشعب يريد إسقاط النظام

    بقى هيا دي القلة .. آه يا عرة الإعلام
    آه يا بوق النظام .. يا بوق النظام
    يا ساقط إبتدائية ..
    فيه إختراع إسمه .. قنوات فضائية

    يعني ماسمعتوش .. عن حاجة إسمها دش
    ولا مازهقتوش .. من التضليل و الغش
    و بعد ده كله .. لسه المذيع له وش
    إيه يا عم الإعلامي
    يا عمي الإعلامي .. يا بو الكلام شفاف
    طلتك على الشاشة .. توحي بالإسفاف
    بطل بعقولنا .. كدب و إستخفاف

    أنا رحت أندس ف مرة
    رحت اندس ف مرة في قلة مندسة
    بالتهميش والظلم عمرها ما كانت حاسة
    المنظومة فاسدة من ساسها لراسها

    الدم كان بسيل .. و ده جايب صورة النيل
    خلى تلفزيونا .. فضيحته بشخاليل
    عايش بالأوهام .. يخيبك إعلام
    ده الشعب يريد .. تطهير الإعلام

     
  2. #2 abuziad81, ‏14 كانون الثاني 2012
    آخر تعديل بواسطة المشرف: ‏26 أيلول 2015
    abuziad81

    abuziad81
    Expand Collapse
    Active Member

    إنضم إلينا في:
    ‏16 تشرين الأول 2007
    المشاركات:
    4,150
    الإعجابات المتلقاة:
    14
    قصيدة مكملين للشاعر هشام الجخ:

    للي مش فاهمين .. نزولنا
    للي مش فاهمين .. نزولنا
    للي ما عاشوش ظلمنا .. و لا قهرنا و حسّوش .. نزولنا
    للي ما داقوش .. مرّ جوعنا
    اللي ما ناموش في الشوارع كالدّبايح
    كملوا في الليل عشاهم من الصّفايح
    للي مش فاهمين مهانة الرّجال .. قهر الرّجال
    للي بقولوا علينا إنّنا حبّة عيال .. أحنا مش حبّة عيال

    أحنا شفنا النيل بينشف في البيوت
    وأما يجري .. يتفرش حمام سباحة في قصر باشا
    مستكترين فيا الغضب .. ما أنا كنت غرقان في البشاشة
    كنت راضي ببق ميا و قول دي هانت
    كنت ببكي في القصايد .. كنت بشتم في القصايد
    تتقطع إيدي أما قلت حبيبتي ماتت

    للي مش فاهمين نزولنا في الشوارع
    أحنا بندور على الحلم اللي ضايع
    احنا جرينا النفس في عروق عيالنا
    يكبروا وفاهمين حاجات مافهمنهاش
    اقبل إني أعيش عشان حلم و قضية
    بس ماقبلش إني عمري يضيع بلاش
    ما أحنا سبنالكو البلد ما نصفتوهاش

    ماتلوموش علّي اتعجن في المعجنة واللي اتظلم
    لإذا كنت فاكرينا غنم .. على حظكم أنا جَدْي فاق
    أنا جدي فاق
    فاكرين زمان حذرتكم .. مستني إيه من طفل ربوه بالزعاق
    لاذا كنتوا فاكرينا غنم .. على رزقكم أنا جدي فاق
    أرزاق

    للي مش فاهمين نزولنا بالشوارع
    الحكومة عودتنا على الشوراع
    بيتتنا في الشوارع
    نيمتنا في الشوارع
    الحكومة قفلت على نفسها كل البيبان
    خوفتنا من البيبان
    فاترمينا كلنا في حضن الشوارع
    أكتر مكان لقيناه أمان
    للي خايفين عالبلد لاحسن تموت
    ماتخافوش .. الموت سكوت
    وإحنا مش في الخطة أصلا .. إن بكرا يكون سكوت

    أحنا شايلين حملنا .. و مكملين
    بكرا بشاور علينا .. واحنا مش مستعجلين
    ما احنا لينا كم سنة متجندلين
    صابحين في طين .. نايمين في طين
    احنا بنأسس بلد .. تمسع شكاوي المظلومين
    نشتغل .. نلقى عرقنا قصاد عينينا
    مش في جيب النصابين
    نشتكي .. نلقى اللي يسمع شكوة الناس الغلابة الطيبين
    أحنا بنشكل بلد لا هي خايفة من صوت الأدان
    ولا خايفة من إن الكنايس تتبني
    أحنا بنشكل وطن عفيان غني
    مش وطن يخدم خمستعشر نفر و يبات جيعان
    أحنا مش عايزين وطن مذلول مهان
    المصري مش لايقة عليه كلمة مهان

    ويقلك إحنا عملنا فوضى .. أحنا برضو عملنا فوضى !
    أحنا كنا بنتجلد .. و نعيش و نرضى
    وأحنا كنا بنتسرق .. و نعيش و نرضى
    كانت الأسعار بتغلى .. و كنت برضى
    والشرطة بتفتشني عادي
    في أي وقت في أي حتة بدون مناسبة .. و كنت برضى
    والانتخاب من سن كام لسن كام ماعرفش ليه .. و كنت برضى
    جاي النهارده تقلي أحنا عملنا فوضى

    ماسورة الغاز بتقفلها لصعيد بلدك .. وتل أبيب بتفتحها
    ماسورة الغاز بتقفلها على ولادك .. وللأعداء بتفتحها
    وناس شقيانة طول الليل عشان لقمة
    و غالي ياخدها عالجاهز .. إلهي يا رب يطفحها
    و ناس تسكن قصور بتدور .. وناس الجوع بيدبحها
    و ناس بتموت في الميادين فدا الثورة
    و ناس خايفة على مشاعره لنجرحها

    أحنا حنكمل .. وحنزق البيبان
    يا رب .. أنت المستعان
    واللي بقولوا عنا مغيبين و مسطحين و مجوفين و بوابين
    ومعفنين و مندنين و بلطجية و مأجورين .. قولوا براحتكم
    أحنا برضو مؤدبين و مسالمين
    بس أحنا برضو .. مكملين


     
  3. #3 abuziad81, ‏14 كانون الثاني 2012
    آخر تعديل بواسطة المشرف: ‏26 أيلول 2015
    abuziad81

    abuziad81
    Expand Collapse
    Active Member

    إنضم إلينا في:
    ‏16 تشرين الأول 2007
    المشاركات:
    4,150
    الإعجابات المتلقاة:
    14
    عيش حرية .. عدالة اجتماعية .. رامي عصام بمشاركة عدد من الفنانين:

    عيش بالمصرى يعنى حياة عاشها المصرى حضارة سنين
    والنيل لو يعطش مجراه يرويه عرق المصريين
    عيش بالمصرى يعنى حياة .. عاشها المصرى حضارة سنين
    والنيل لو يعطش مجراه .. بكره يفيض ويوفي الدين
    عيش حرية عدالة اجتماعية

    لقمة عيش الناس الأمرا .. الفلاح والعامل يابا
    لقمة عيش مش لقمة سخرة .. يجى بعديها اى حقوق
    لقمة عيش الناس الأمرا .. الفلاح والعامل يابا
    لقمة عيش مش لقمة سخرة .. هنخدها لو مش بالذوق
    عيش حرية عدالة اجتماعية

    لما تقول كلمة حرية لازم ترفع ايدك فوق .. الحرية لقمة هنية يجى بعديها اى حقوق
    لما تقول كلمة حرية لازم ترفع ايدك فوق .. الحرية لقمة هنية هنخدها لو مش بالذوق
    عيش حرية عدالة اجتماعية


     
  4. #4 abuziad81, ‏15 كانون الثاني 2012
    آخر تعديل بواسطة المشرف: ‏26 أيلول 2015
    abuziad81

    abuziad81
    Expand Collapse
    Active Member

    إنضم إلينا في:
    ‏16 تشرين الأول 2007
    المشاركات:
    4,150
    الإعجابات المتلقاة:
    14
    خالد الصاوي و جيهان فاضل خلال حلقة من برنامج العاشرة مساء .. و نقاش لفكرة المعترضين على استمرار الاحتجاجات والساكتين بدون أي موقف مما حصل و يحصل:

     
  5. #5 abuziad81, ‏15 كانون الثاني 2012
    آخر تعديل بواسطة المشرف: ‏26 أيلول 2015
    abuziad81

    abuziad81
    Expand Collapse
    Active Member

    إنضم إلينا في:
    ‏16 تشرين الأول 2007
    المشاركات:
    4,150
    الإعجابات المتلقاة:
    14
    محمد النحاس - تاني التحرير

     
  6. #6 abuziad81, ‏15 كانون الثاني 2012
    آخر تعديل بواسطة المشرف: ‏26 أيلول 2015
    abuziad81

    abuziad81
    Expand Collapse
    Active Member

    إنضم إلينا في:
    ‏16 تشرين الأول 2007
    المشاركات:
    4,150
    الإعجابات المتلقاة:
    14
    الشاعر عبد الرحمن يوسف .. و قصة عن التكنولوجيا:

     
  7. #7 Che-Amr, ‏19 كانون الثاني 2012
    آخر تعديل بواسطة المشرف: ‏26 أيلول 2015
    Che-Amr

    Che-Amr
    Expand Collapse
    ع م ر و

    إنضم إلينا في:
    ‏7 كانون الأول 2006
    المشاركات:
    4,056
    الإعجابات المتلقاة:
    245




    ملعون أبوها حمامة السلام ...


    عبد الرحمن الأبنودي كمان و كمان ..
     

مشاركة هذه الصفحة