1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

ال شمص والثأر

الموضوع في 'شباب ومجتمع' بواسطة العقاب الحيدري, بتاريخ ‏27 نيسان 2007.

  1. العقاب الحيدري

    العقاب الحيدري
    Expand Collapse
    نصر الله والمتوسط قريب

    إنضم إلينا في:
    ‏16 آب 2006
    المشاركات:
    15,707
    الإعجابات المتلقاة:
    18
    كل ما كنت اسمعه منذ حادثة الشابان الميتيان اسم عائلة يتردد على كل لسان كل لبنان شمص هنا شمص هناك شمص اغتالو قتلوا طفل ...الخ .....

    هذا الامر دفعني الى الدخول الى منزل مختار يحشوش الحاج ابو علي شمص وهم جزء من الشمص منتقلين الى قضاء جبيل بعد ان كانوا في بعلبك المهم في الامر ..
    دار الحديث بيننا عن الوضع السائد في البلد وكلمته عن سبب دخولي الى منزله وهو فضول المعرفة فضول معرفة كيفية الاخذ بالطار لدى العشائر البقاعية فضول الكشف عن شيء من الادعاءات ...
    لن اطيل الكلام في المقدمات وسأدخل في الصلب مباشرة :
    الشهيد الحي : حاج عم يقولوا انو في ايد لال شمص بهل جريمة لي استهدفت الزيادين شو رأيك ؟؟
    الحاج: اولا يا ابني تركني جاوبك بكلمة لا ومية لا ......
    ثانيا: رح قلك ليش لا ...
    المعروف بعشائر اهل البقاع او بمفهوم العشائر بشكل عام ما بياخدوا الثار الا من صاحب الثار ..
    ثالثا : نحن بعمرنا ما اخدنا الثار من خلال ولد ولا عمرنا لمسنا ولد بثاراتنا ولو بدنا نعمل هيك كنا صفينا تلات رباع اهلي البقاع ...
    رابعا : الثار عنا هو كسب شرف ويلي بياخد بثاروا بيشهّر في مش بيستحي وبيكب المثأور منه بجدرا ..
    خامسا : ال شمص ما بحياتن بطولوا لياخدوا بالثار ولو بدن الثار من اول يوم بياخدوا ....

    وهنا كان السكون قد عمّ المكان ولم اعد اجد سؤالا لكي اطرحه بما انه اشبع فضولي ففضلت الانسحاب من الجلسة شاكرا له
    واعتقد ان هذا بنظري اكبر دليل على براءة العشائر من هذا الامر :)
     
  2. ranoosh

    ranoosh
    Expand Collapse
    EM HADI

    إنضم إلينا في:
    ‏13 كانون الثاني 2007
    المشاركات:
    3,975
    الإعجابات المتلقاة:
    0
    فعلا هذا دليل كافي ووافي ليبعد آل شمص من هيدي التهمة بس يالي ما فهمتوا ليه عيلة قبلان وغندور فيك توضحلي ليه يعني ؟؟؟؟؟؟؟ إنو من قبل عيلة زعيتر وهلأ الشبين وبعدين مين ؟؟ :walakelmi:
     
  3. Hanibaael

    Hanibaael
    Expand Collapse
    يتسكّع في الأرجاء

    إنضم إلينا في:
    ‏16 آب 2006
    المشاركات:
    3,207
    الإعجابات المتلقاة:
    0
    خلص فرطوها الشهيد الحي جاب اليقين:ي:
     
  4. العقاب الحيدري

    العقاب الحيدري
    Expand Collapse
    نصر الله والمتوسط قريب

    إنضم إلينا في:
    ‏16 آب 2006
    المشاركات:
    15,707
    الإعجابات المتلقاة:
    18

    مش مسخرة يا هاني
    بس في شي اسمه منطق ;)
    عيلة بيشرفها الثار مش رح تتخبى او تنكر انها قتلتهم ;)
    ولي عم احكيك عنو معروف بيحشوش بقصة الثارات فاقد 3 اخوة :thumbsuppp:

    يعني الواحد يفكر فيها شوي : زعير وشمص ويمكن يجي المصر حمية كلو ليلبسوها للشيعة مش اكتر والحكي لي سمعناه اليوم انو الدم ما رح يستغل بكرا بتمحي الرقابة :thumbsuppp:
     
  5. sawama

    sawama
    Expand Collapse
    New Member

    إنضم إلينا في:
    ‏16 آب 2006
    المشاركات:
    2,004
    الإعجابات المتلقاة:
    0
    مننطر التحقيق.. مع العشائر ما في مزح..

    ومش كل أصابعك متل بعض..
     
  6. Safir

    Safir
    Expand Collapse
    حلمنا، كابوس لكم!

    إنضم إلينا في:
    ‏16 آب 2006
    المشاركات:
    12,216
    الإعجابات المتلقاة:
    38
    اليوم هو 27 نيسان 2007
    في هذه الاثناء
    داس الانسان بقدمه على سطح القمر
    وصل المسبار بايونير الى حدود النظام الشمسي
    وصلت مركبات فضائية الى المريخ
    اكتشفت تقنية انشطار الذرة
    وصلت نسبة محو الامية في بعض البلدان الى 100 بالمية
    تم فك شيفرة الجينوم البشري

    اهلا وسهلا في القرن الواحد والعشرين


     
  7. العقاب الحيدري

    العقاب الحيدري
    Expand Collapse
    نصر الله والمتوسط قريب

    إنضم إلينا في:
    ‏16 آب 2006
    المشاركات:
    15,707
    الإعجابات المتلقاة:
    18
    خارج عن الموضوع :p :ي:
    سفير بعرف هل شي عادات تخلفية بعض الشي
    بس انا حبيت وضح ماهية الثأر :thumbsuppp:
     
  8. Safir

    Safir
    Expand Collapse
    حلمنا، كابوس لكم!

    إنضم إلينا في:
    ‏16 آب 2006
    المشاركات:
    12,216
    الإعجابات المتلقاة:
    38
    شكرا هلق بمحيها
     
  9. sawama

    sawama
    Expand Collapse
    New Member

    إنضم إلينا في:
    ‏16 آب 2006
    المشاركات:
    2,004
    الإعجابات المتلقاة:
    0
    شرفوووونا حبابنا..

    هلا بسفير.. وعشيرتي وعشيرتك عم يرحبو فينا..
     
  10. sawama

    sawama
    Expand Collapse
    New Member

    إنضم إلينا في:
    ‏16 آب 2006
    المشاركات:
    2,004
    الإعجابات المتلقاة:
    0
    ما تمحيها.. بمحلها لمن يفهم..
     
  11. sawama

    sawama
    Expand Collapse
    New Member

    إنضم إلينا في:
    ‏16 آب 2006
    المشاركات:
    2,004
    الإعجابات المتلقاة:
    0
    لشو؟؟؟؟؟؟؟؟
     
  12. anonymous

    anonymous
    Expand Collapse
    New Member

    إنضم إلينا في:
    ‏11 أيلول 2006
    المشاركات:
    15,832
    الإعجابات المتلقاة:
    26
    الطار شي و جرايم الشرف شي...

    بعرف جريمة الشرف بكون الواحد فخور من بعدها.. و بروح عالحبس هوي و مبسوط.. :wacko:
    الطار انتقام مطلق... بمبدأ العين بالعين... ثأر...

    هلّق بمعزل عن ازا كانو قرايب المغدور الاول هني اللي عملوها.. ولّا حدا من العيلة بس بعيد... المسألة تخلّف صارت ... و ازا صحّ انو في في عالم من بيت شمص هربوا مع عيلهن فهيدا شي بقرّبهم من الادانة...

    بعدين انو عم تحطّ قانون لشي بربري.. ؟؟؟ حتى لو مزبوط .. بيطلع هيدا استثناء.. يا خيي افترض انو في تنين زعران من بيت شمص ركبت براسهن عوجا و اصرّوا ياخدوا بطار العيلة عا قدّ ما انحشا براسهن الجماعة... ما بتصير؟؟ بتصير و نص..

    فا ما تزعل مني يا علي.. في تحقيق ماشي.. و عم بتقوم في مخابرات الجيش.. اللي على حد علمي بتوثقوا فيه... فبلا التحليلات و المواعظ الله يرضى عليك، و ازا طلع طار على القليلة بكون مش شي سياسي، ما زال ما حدا عم بحاول يستفيد من القصة...

    و ملاحظة زغيرة... اهل بعلبك اصلهن من جبيل مش العكس... ;)
     
  13. lord hayd

    lord hayd
    Expand Collapse
    جبلاً الى جبلٍ مشوا ..

    إنضم إلينا في:
    ‏7 أيلول 2006
    المشاركات:
    21,734
    الإعجابات المتلقاة:
    445
    شكراً خيي علي عالموضوع :thumbsuppp:
    كان معي شبّ بالمدرسة من بيت شمص .. عالم أوادم عشائريين حازمين .. عندن الشرف و الكرامة خطّ أحمر .. :)
    و مجرّد ما تخدمهن خدمة بي صيروا بدّن يردّولك ياها بأحلى منها ..
    متلن متل هالعائلات البقاعيّة العريقة متل بيت زعيتر و المقداد ..

    و كرمال قصّة التار .. التار بيحصل لإسترجاع الشرف .. و ما في إسترجاع شرف بقتل طفل ;) ..

    على كلّ حال آل شمص أعلنوا تبّرءهم من أيّ شخص من عائلة شمص (إذا كان هناك فعلاً شخص متّهم ) شارك أو نفّذ هكذا عمل قذر ..

    ان شا الله بتظهر هالحقيقة ..

    .
     
  14. #14 adham, ‏27 نيسان 2007
    آخر تعديل: ‏27 نيسان 2007
    adham

    adham
    Expand Collapse
    Senior Member

    إنضم إلينا في:
    ‏28 أيلول 2006
    المشاركات:
    1,620
    الإعجابات المتلقاة:
    0
    خيي الشيهد الحي

    بعيدا عن اتهام آل شمص بارتكاب هذه الجريمة ...بس حابب إحكيك ورد على حضرة المختار عن الأخذ بالثأر في منطقتنا

    المباديء التي تكلم عنها المختار صحيحة كمباديء شرف للأخذ بالثأر
    لكن ليس كل ما تسمعه صحيحا...ولا تطبق هذه المباديء إلا نادرا

    على أرض الواقع تجري فظائع بإسم الأخذ بالثأر....وإذا حابب تسمع شي بسردلك كذا قصة عن الإجرام والتنكيل والعشوائية
    يعني عملية الأخذ بالثأر ليست مثالية كما يدعي جناب المختار (الذي تكلم عن مباديء بحتة)

    وكمان شغلة(ليس للتشهير بآل شمص) بس صارت مرة شغلة مش منيحة بحق بيت شمص عندما قتلوا شخص من آل طبيخ كان قد قتل شخص من آل شمص عن طريق الخطأ....وقد قاموا بقتله في يوم الصلح وبوجود وجوه العشائر في البقاع....
    طبعا قرار القتل وقتها اتخذه أهل القتيل دون العودة إلى قرار العائلة...لكنه بقي مذمة على آل شمص حتى الآن تقريبا.....

    هذا يدلك على أن عملية الأخذ بالثأر ليست عملية أخلاقية ميكانيكية كما حاول المختار تصويرها لك

    تحياتي
     
  15. adham

    adham
    Expand Collapse
    Senior Member

    إنضم إلينا في:
    ‏28 أيلول 2006
    المشاركات:
    1,620
    الإعجابات المتلقاة:
    0
    كمان بالموضوع

    في نكتة تروى عندنا عن الطبيعة القاسية في العقول

    قال لما الله بلش يركب عقول على رؤوس البشر وصل لبعلبك ...وبذات الوقت خلصوا عندو العقول ...قام بلش يجيب صخر ويركب على الرؤوس.

    جزء من هذه النكتة صحيح إلى حد ما للأسف .
     

مشاركة هذه الصفحة