1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

توبة جنبلاط

الموضوع في 'سياسة وإقتصاد' بواسطة Nassim, بتاريخ ‏15 آذار 2010.

  1. Nassim

    Nassim
    Expand Collapse
    بروحي تلك الأرض

    إنضم إلينا في:
    ‏21 آب 2006
    المشاركات:
    9,454
    الإعجابات المتلقاة:
    0
    كيف هلق بدون وليد بيك؟

    tayyar.org
    السيد نصرالله يبلغ النائب جنبلاط ان الرئيس الاسد سيستقبله في دمشق قريباً جداً


    بيان صادر عن العلاقات الاعلامية في حزب الله:

    في سياق الوساطة التي قام بها الامين العام لحزب الله سماحة السيد حسن نصرالله لدى القيادة السورية, والتي جاءت بناء على طلب النائب الاستاذ وليد جنبلاط رئيس الحزب التقدمي الاشتراكي, وبعد المواقف الواضحة والمراجعة الجريئة التي قام بها فيما يعني مجريات وتطورات المرحلة السابقة وتأكيده على الثوابت السياسية الاساسية وخصوصا فيما يعني الموقف من سوريا والمقاومة وفلسطين بالدرجة الاولى, فقد اُبلغ السيد نصرالله مساء اليوم الاستاذ وليد جنبلاط بان القيادة السورية ونظرا لحرصها على احسن العلاقات مع جميع اللبنانيين, وجميع القوى السياسية في لبنان, ومع الاخذ بعين الاعتبار كل المواقف والمراجعات والتطورات التي حصلت مؤخرا, فانها ستتجاوز عما حصل في المرحلة السابقة, وستفتح صفحة جديدة تأمل ان تعود بالخير على الجميع, وان السيد الرئيس بشار الاسد سيستقبله في دمشق اثناء زيارته لها في موعد سيتم الاعلان عنه خلال الايام القليلة المقبلة ان شاء الله.
     
  2. Fazlook

    Fazlook
    Expand Collapse
    Moderator
    طاقم الإدارة

    إنضم إلينا في:
    ‏18 أيلول 2006
    المشاركات:
    20,725
    الإعجابات المتلقاة:
    1,260
    آخر مسمار في نعش ثورة الأرز (هيك كان اسمها ماهيك؟)..
    مؤتمر البريستول غاب عنه كلا من: الحريري، الجميّل، جنبلاط.. يعني ما بقي إلا جعجع لوحدو، و هذا هو الصح..
     
  3. أفلاطون

    أفلاطون
    Expand Collapse
    Well-Known Member

    إنضم إلينا في:
    ‏3 أيار 2007
    المشاركات:
    22,543
    الإعجابات المتلقاة:
    889
    و ما بصحّ إلا الصحيح :ي:
     
  4. Fazlook

    Fazlook
    Expand Collapse
    Moderator
    طاقم الإدارة

    إنضم إلينا في:
    ‏18 أيلول 2006
    المشاركات:
    20,725
    الإعجابات المتلقاة:
    1,260
    أنا عطول كل ضلني قول: جعجع هو 14 آذار.. كلّن حاولوا يكونوا متل جعجع، فشلوا..
     
  5. jaki

    jaki
    Expand Collapse
    مـلـح

    إنضم إلينا في:
    ‏31 أيار 2007
    المشاركات:
    12,345
    الإعجابات المتلقاة:
    335
    السؤال الذي يضيف نفسه إلى قائمة الأسئلة المصيرية، مع إن كتير منتفزلك ونحكي بالتغيير وتجديد الدماء .. كيف هلق بدون وليد بيك؟ :ي:
    وكيف بدون موالاة ومعارضة (اللي حتى بعد ما كل واحد شاف طريقه ضلّت معارضة، وبعد ما راح اللي راح على دمشق .. ورايح اللي رايح في المستقبل إلى دمشق .. بعدها 14 آذار عم بتقول إنها 14 آذار)، مع كل هالطعجات والضربات والالتفافات والتكويعات، عم بتذوب التنظيمات والأحزاب الهامشيّة وتختفي من الصورة بعد ما تم تضخيمها كل السنتين الثلاث الماضيات كل طرف لصالح ضفته .. بيبقى حزب الله .. مستقبل .. وطني حر .. أمل .. تقدمي اشتراكي (ما حدا يمتعض كرمال ما إجت سيرة الشيوعي/القومي/القوات لأن عم نضحك بما فيه الكفاية الليلة :ي:).. مناح وظريفين وما عندن هالمشاكل التي تذكر "وكله قابل للحل والمناقشة خلال اللقاءات"، معقول كل هالرواق؟

    حاسة بمصيبة :please:، من نوع تحالف القوات والحزب القومي السوري الاجتماعي :walakelmi::p
     
  6. طرفة ابن العبد

    طرفة ابن العبد
    Expand Collapse
    عضو القوى الكبرى الناشئة

    إنضم إلينا في:
    ‏19 شباط 2010
    المشاركات:
    699
    الإعجابات المتلقاة:
    0
    و هو ... بدو يكون قومي عربي ... مثل السنيورة ...:wacko:

    و لما يفشل ... بيرجع لل جعجعة ... SOLO ...:s:
     
  7. abouhmeid

    abouhmeid
    Expand Collapse
    مارون الراس
    طاقم الإدارة

    إنضم إلينا في:
    ‏13 آب 2006
    المشاركات:
    8,592
    الإعجابات المتلقاة:
    3
    عم يحمي راسو من الاتي..
    بميزان الطوايف، الموارنة والدروز (سياسيا) لا بقدمو ولا بأخرو. 7 ايار كف (زغير) مش زمان
    بدو يحيّد حالو
    يعني صحبي مع السعودية وهلق عم يظبطها مع سوريا (على يدية حزب الله) يعني ايران كمان.

    ابراهيم الامين كان موفق بمقاله اليوم، وعطاه لجنبلاط حجمو الطبيعي
     
  8. Wiseman

    Wiseman
    Expand Collapse
    سنكمل الحياة..رغم كل شيىء

    إنضم إلينا في:
    ‏26 أيلول 2006
    المشاركات:
    17,788
    الإعجابات المتلقاة:
    317
    معلومات عن تحديد الخميس المقبل موعداً لزيارة لزيارة جنبلاط الى دمشق

    lebanonfiles
     
  9. #9 anonymous, ‏16 آذار 2010
    آخر تعديل: ‏16 آذار 2010
    anonymous

    anonymous
    Expand Collapse
    New Member

    إنضم إلينا في:
    ‏11 أيلول 2006
    المشاركات:
    15,832
    الإعجابات المتلقاة:
    26
    اظن انو جنبلاط برهن اليوم لابراهيم الامين انو كل اللي كاتبه بمقاله لازم ينسأل ابراهيم الامين عنّه.. لم يُقل اكثر مما قاله وليد جنبلاط لسوريا.. تطرّف اكثر ممّا تطرّف الحريري و جعجع بكل خطاباتهم و تصريحاتهم و افعالهم.. و هلأ رجع تحالف مع سوريا باعتذار او بدون اعتذار.. وليد جنبلاط هيك، هلقد مصلحته ضمن الطائفة الدرزية.. بس تأثير جنبلاط و حجمه انطلاقاً من هالتمثيل، اكثر بكثير من الحجم اللي وضعه او يضعه له ابراهيم الامين و من وراء ابراهيم الامين..

    لو هلقد جنبلاط لا قيمة له.. ما كان حدا ردّ عليه..
    بكّير شوي بعد برأيي على تيمور..

    غير ما يبلّش يصرّح تيمور، ما تقولوا فلّ وليد
     
  10. X-Ray

    X-Ray
    Expand Collapse
    turn it on

    إنضم إلينا في:
    ‏10 شباط 2008
    المشاركات:
    7,070
    الإعجابات المتلقاة:
    18
    عسيرة البيك واليوم ذكرى اغتيال المعلم كمال
    شو صار ؟ طلع تيمور وفياض وحطوا الورد ؟
    شو في جديد؟
     
  11. #11 عقيل, ‏16 آذار 2010
    آخر تعديل بواسطة المشرف: ‏17 آذار 2010
    عقيل

    عقيل
    Expand Collapse
    New Member

    إنضم إلينا في:
    ‏16 آذار 2010
    المشاركات:
    2
    الإعجابات المتلقاة:
    0
    و أخيراً، ستعود المختارة بوابة دمشق، وستعود حليمة الى عادتها القديمة بعد قبول دمشق توبة البيك بشرط إن تكون الأخيرة وأن لا تكون حاله هذة المرة كحال الخمسة وعشرون سنة التي خلت وعليه سيبدأ البيك ومعاونوه النبش في زواية غرفه عن بقايا من الخطب
    والشعارات التي كان قد(سمّعا) على مسامعنا ومسامع اللواء رستم غزالي وغيره . وسيعود الوزير غازي العريضي ليتصدر الشاشات ولن يترك مناسبة (أو من دون مناسبة ) ليذكرنا بعروبة حزبه ودروهم في المقاومة وتحرير بيروت .والخبر السار أن وزير آخر لجنبلاط (مروان) إنتهت مدة خدمته وسيوضع على لائحة المنتظرين لتصريح (حتى قلبي تانية لجنبلاط).و من الان وصاعدا على رجال الامن العام أن يعتادوا على وجه جنبلاط داخل سيارة العابرة الى الشام وعلى الشعب اللبناني وخاصة جمهور الرابع عشر من آذار أن يمحو من ذاكرته كل التهم التي إنهالت على حاكم دمشق ، وسيعود حاكمها (أسداً) لا كما وصفه البيك في لحظة " التخلي " التي دامت لسنوات خمس.
    كما على جمهور الثامن من آذار أن ينسى مطولات النائب السابق ناصر قنديل ومعلقات ميشال سماحة وغيرهم عن خيانة وعمالة وليد جنبلاط وكيف أنه كان يجتمع مع عملاء السي أي أيه والموساد في غرفاً لا يعلمه إلا سماحة نفسه (ويمكن الله بيعرف!!)كما عليهم أن يدرّبوا أنفسهم بأن يروا الوجه المقاوم لجنبلاط وكيف أنه أسقط بلحمه الحي إتفاق السابع عشر من أيار و حمل لواء الكفاح المسلح منذ أن لبس عباية الزعامة .
    علينا جميعاً أن نوطن أنفسنا على هذة التغيير في السيناريو لضرورات وطنية وشطب كل ما يخالفه.
    سترفع صور جنبلاط في بعبدات وستنزع من معراب وعلى سمير جعجع أن يعد جواباً لسؤال وليد جنبلاط الشهير "الى أين".
     
  12. predator7

    predator7
    Expand Collapse
    New Member

    إنضم إلينا في:
    ‏19 شباط 2010
    المشاركات:
    28
    الإعجابات المتلقاة:
    0
    مراسم إحياء الذكرى الثالثة والثلاثين لاغتيال الزعيم الدرزي اللبناني كمال جنبلاط

    جاءت مراسم إحياء الذكرى الثالثة والثلاثين لاغتيال الزعيم الدرزي اللبناني كمال جنبلاط كما ارادها نجله رئيس الحزب التقدمي الاشتراكي وليد جنبلاط. يأتي ذلك مع اقتراب موعد الزيارة التي سيقوم بها الأخير الى دمشق.



     
  13. THUNDER

    THUNDER
    Expand Collapse
    http://sy-street.net

    إنضم إلينا في:
    ‏7 أيار 2007
    المشاركات:
    2,580
    الإعجابات المتلقاة:
    63
    قريبا
    جعجع في الاسواق:ي:\







    بس اللي مستغربو و اللي ما عم افهمو
    انو ليش اخدت معو كل ه الوقت؟
    طول فيها منيح؟
    :p
    ما عوايدو يطول بقلب مواقفو
     
  14. Karma

    Karma
    Expand Collapse
    لا تتخلى عنا..عينك عوطنا

    إنضم إلينا في:
    ‏16 آب 2006
    المشاركات:
    6,246
    الإعجابات المتلقاة:
    3
    بيعجبني رأي الشارع :ي:

    لما اخدت النيوتيفي الكاميرا و دارت عالمواطنين بالجبل يسألوهم رأيهم.. الاجماع كان انه اكيد هالزيارة شي منيح و مفيد و البيك بيكنا و ما منتخلى عنه
    اما الشارع الدمشقي فكمان يلي ردوا كانوا مرتاحين و انو هالشي اكيد شي منيح :ي:

    نيال يلي عنده مرقد زعامة بجبل لبنان.
     
  15. jouliadomena

    jouliadomena
    Expand Collapse
    فالج لاتعالج..

    إنضم إلينا في:
    ‏18 آب 2006
    المشاركات:
    2,732
    الإعجابات المتلقاة:
    0
    ماسألوني :lac:(يمكن لأني مو من الشارع الدمشقي :p )
    لو اجوا لعندي كنت عبرت عن عدم رضاي...انو شو رح يأثر علينا إذا ضل جنبلاط عدو؟
    مخلوق لايؤمن جانبه...لاأهلا ولا سهلا فيه...هاد رأيي :mad:
    وبالأخير...السياسة بنت كلب
     

مشاركة هذه الصفحة