1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

خرابيش باللهجة اللبنانية

الموضوع في 'ادب، فن و ثقافة' بواسطة fettuccine, بتاريخ ‏25 تشرين الأول 2016.

  1. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    جرحِك بقلبي عَلّم
    مش قادر اطلع مِنو

    حِنّي ع قلب تألم
    بنظرة او بسمة ولَنُّو

    حَسّ الحجر وتكلّم
    دخلِك تسمعي منو

    بيكفي يا حلوة جفا
    بوسة بتفرجلو همّو
     
    Ana Arabi ،Caroline ،kadmous و 3آخرون معجبون بهذا.
  2. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    نهر سنيني من عمري جَرَى
    فيكي ترَجّعي هالنهر يا ترى؟
    انا الي بحبك عمري فَنَيتو
    وعمِلت من دمّ قلبي مَحبَرَة

    مَحبَرَة ترسم طيفك كلّ يوم
    بدمّات متل مَيّ النِّدِي مْقَطّرة
    شريان قلبي ريشة تكتب عالورق
    دخلك تعودي صار قلبي مقبرة

    بواب القلب طَلّعِت حبي الك
    ومن يومها هاك الابواب مسَكّرَة
    وان كَنّو هالزعل ما لو نهاية
    بطلب من عيونك شفاعة ومغفرة


    بقلم المتألّم عبد الرحيم حاليا او fettuccineقريبا
     
    ilpostino ،أبو ليلى ،kadmous و 2آخرون معجبون بهذا.
  3. Ana Arabi

    Ana Arabi
    Expand Collapse
    TAKE MY ADVISE, I'M NOT USING IT

    إنضم إلينا في:
    ‏3 كانون الأول 2006
    المشاركات:
    1,244
    الإعجابات المتلقاة:
    1,234
    image.jpeg
     
    barkounish ،RAFFA_LB و أفلاطون معجبون بهذا.
  4. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    وصية أم....

    لك ضحاك هالقلب موجوع
    وحاجتك بكي وحزن يبني

    عيونَك نِشفو وخلصو الدموع
    البكي ما بعمرو رح يردّني

    انْ مِتّ صلي واذكرني بخشوع
    الله برحمتو بيحبك وبيحبني

    تسع شهور بهالقلب مزروع
    حسّ بدقات قلبك وتحسني

    عاسمك أنذر وضوي شموع
    وهز سريرك لما الوجع يهزني

    يمي بيتك كان بين الضلوع
    بعرف اديش بتحبني وبتعزني

    وان كنو بدك تردلي الجميل
    يَمّي بشرشفك كَفِّني ولفّني
     
    لارا ياسين ،kadmous و Ana Arabi معجبون بهذا.
  5. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    عصفور قبل طلوع الفجر
    ناطر كلمة منك يسمعا
    تسكب الفرحة ع مُرّ الهَجر
    وترقص جوانحو ع مَسمَعا

    مبارح حلف ما بقا يطير
    ولا يرفرف للشمس بمطلَعا
    ولا بقا بدو يِطعِم زرازير
    عشّو ولا بقا بدو يسمَعا

    كنو بقلبك بعدو هالحنين
    ندهيلو وقولي بصوتك تعا
    تجبري خاطرو وينسى الأنين
    نشفت دموعو ب مَدمَعا

    عبد الرحيم
     
    لارا ياسين ،kadmous و Ana Arabi معجبون بهذا.
  6. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    وحدي انا عم صَفصِف حروف
    طيور الشِّعر طارو وما حطّو

    انفض سنين مكدّسة ع رفوف
    وصور اشعار بأيديهم خَطّو

    من نهر شعري عبّو ألوف
    جرار المعاني وما تخطّوا

    بيبقو قبالي شلعة خواريف
    كل ما يشوفو الذيب...بينطّو

    :smoke111:
     
    ilpostino ،لارا ياسين ،kadmous و 2آخرون معجبون بهذا.
  7. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    تعي نقعد بعرزال مع فيّ وهَوا
    اتغزّل بجمال عذّب قلبي وكَوا
    قطّف من خدودك وردات وغِوا
    واغمر خصر مياس تمايَل وانطوا
    وتسرح نحلتي تفتّش عن رحيق
    شفافك رحيق الكون، علّة مع دوا

    عبد الرحيم المستشعراتي
     
  8. ilpostino

    ilpostino
    Expand Collapse
    sin your mum bear

    إنضم إلينا في:
    ‏8 كانون الأول 2011
    المشاركات:
    26,816
    الإعجابات المتلقاة:
    8,183
    عبد الرحيم....انت رائع يا زلمي
     
    أعجب بهذه المشاركة fettuccine
  9. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    شكرا يا البوستينو
    كلماتك الي شهادي
    عصدري رح علقها
    تصدح وحدا وتنادي
     
  10. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    المرجلة طريدة وانت اسدها
    سيفك البتار وزندك وَتَدها

    صولتك يوم الشدايد شاهدة
    تمحي الاعادي والغارة تردّها

    رجالك يوم الهزايز حاضرة
    ترمي السباع وبعزم تصدّها

    يوم الوغى ترمح خيولك
    تحصد جماجم ما تعدّها

    يا مين يتجرأ منهم يعود
    من عند اقدامك للشمس

    رقابهم نمدها
     
    Ana Arabi ،kadmous و لارا ياسين معجبون بهذا.
  11. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    قالو انتو قلال وما منكن نوا
    متل كمشة تراب بمهبّ الهوا
    مع كل عصفة ريح بتطيرو
    بتختفو بهالكون وما حوا

    قلت الدني منا دني من دونّا
    شمسا بتنطفي لو غفيت عيونّا
    دهب هالارض أندر من الحديد
    خلق الذهب بالكون لأجل جفونّا
     
    لارا ياسين و ilpostino معجبون بهذا.
  12. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    نوم العوافي نامي
    وخلي شعرك يتحرر

    بحرس نومك بشفافي
    كرامة هالخدّ الأسمر


    نامي ومنن لا تخافي
    انا سيفك والخنجر

    تغطي وغلّي بلحافي
    انا رصاصك والعسكر


    بنظرة هالعسكر بيموت ...ونظرة رصاصو بيتفَجَّر
     
    لارا ياسين ،Ana Arabi و barkounish معجبون بهذا.
  13. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    قلوب الأطفال بتحكي
    لا بتزعل ولابتشتكي
    شيلي كل تعب هالارض
    من قلبك لقلبي لو عرفتي

    خلي كلام العتب يزول
    ما بقا بهالعمر سنين
    كل ما يمرّ نهار بقول
    قولك بعدو هالحنين

    يا ريت منرجع زغار
    بوسك بخدك وتخجلي
    يا ريت ما كبرنا وصرتي
    من بوستي تتنكري
     
    لارا ياسين ،ilpostino ،Manal و 2آخرون معجبون بهذا.
  14. kadmous

    kadmous
    Expand Collapse
    Abo Lea

    إنضم إلينا في:
    ‏21 آب 2006
    المشاركات:
    2,157
    الإعجابات المتلقاة:
    1,342
    رائعة وحقيقية كتير ..
     
    أعجب بهذه المشاركة fettuccine
  15. fettuccine

    fettuccine
    Expand Collapse
    Well-Known Member

    إنضم إلينا في:
    ‏28 أيلول 2016
    المشاركات:
    454
    الإعجابات المتلقاة:
    572
    شهادة أعتز بها
     

مشاركة هذه الصفحة