1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

طلال حيدر

الموضوع في 'ادب، فن و ثقافة' بواسطة viola, بتاريخ ‏3 أيلول 2006.

  1. viola

    viola
    Expand Collapse
    New Member

    إنضم إلينا في:
    ‏17 آب 2006
    المشاركات:
    1,317
    الإعجابات المتلقاة:
    0
    مَ دام...

    مَ دام
    نوم ولادهن
    طير ورق بالسهل....
    مَ دام
    ماعاد بدهن يخلوا الصبي
    يدقدق جراس النحل...
    مَ دام إيديك البيوت الفاضية ...
    مَ دام
    ما بَقْ في حدا
    غير القفاص العالية
    و غير الصدى ...
    مَ دام
    إيديك السهول....
    مَ دام
    بس تلملمي دَيكي...
    بيتلملموا طراف الحقول
    مَ دام .... مهما قلت
    رح أسكت ع طول ..
    ما عاد بدي قول

    طلال حيدر ....

    1972
     
  2. viola

    viola
    Expand Collapse
    New Member

    إنضم إلينا في:
    ‏17 آب 2006
    المشاركات:
    1,317
    الإعجابات المتلقاة:
    0
    "هـ الكان عندن بيت..."



    هـ الكان عندن بيت
    و صورة عليها ناس
    معلقين بخيط
    وقعوا عن سطوح العمر
    و ستلقتن الحجار
    وقعوا متل ما بيوقع المشمش
    على ولاد الزغار...
    وين أهلي؟
    وين طاحونة حزن خيي الزغير؟
    وين طيارة ورق نومي
    على هزة سرير؟
    وين الإيدين؟
    الحطت بريق الشتي فوق الحصير
    وين شبابيك
    الفات منها الصوت
    متل الزمهرير
    وين رمان العمر
    مقطوف و معلق
    متل عمر الكبير
    لك.. عنّ يا قلبي
    متل هـ النحل
    جوات القفير
    وقع العمر
    ما بين إيد
    وبين هزات السرير...
     
  3. Enleel

    Enleel
    Expand Collapse
    New Member

    إنضم إلينا في:
    ‏8 نيسان 2007
    المشاركات:
    468
    الإعجابات المتلقاة:
    0

    يا ريت لو حدا يتصدق علينا بشعر ل طلال حيدر

    يا راعي القصب مبحوح جايي عبالي شروقي
    قللو للقصب ما يبوح بالسر اللي بعروقي
    و إن ضعنا سوى بهالليل خلي صوتك مسموعي


    يا رايح صوب مشرق شرق ما بو ربيعي
    راحوا يرعوا غنم و العشب فوق ضلوعي
    و ايام ال غابن ولفي لعدن عا صابيعي
    و عتم علينا يا ليل و ضيعي يا حلوة ضيعي


    قالولي إني عشقان و انا مش داري بحالي
    بين الصاحي و الغفيان لمحت خيالك قبالي

    كان الصبح شنو بان و اذان الصبح عالي
    و نازل من صوبن مرسال و من عيني نزلوا دموعي
     
  4. Nassim

    Nassim
    Expand Collapse
    بروحي تلك الأرض

    إنضم إلينا في:
    ‏21 آب 2006
    المشاركات:
    9,454
    الإعجابات المتلقاة:
    0
    جبت لطلال حيدر مجموعة بدي نزلها تباعا :)
     
  5. #5 Nassim, ‏9 أيار 2007
    آخر تعديل: ‏9 أيار 2007
    Nassim

    Nassim
    Expand Collapse
    بروحي تلك الأرض

    إنضم إلينا في:
    ‏21 آب 2006
    المشاركات:
    9,454
    الإعجابات المتلقاة:
    0
    بياع الزمان - طلال حيدر

    طلال حيدر
    بيّاع الزمان






    الإهدا
    الهن..







     
  6. #6 Nassim, ‏9 أيار 2007
    آخر تعديل: ‏9 أيار 2007
    Nassim

    Nassim
    Expand Collapse
    بروحي تلك الأرض

    إنضم إلينا في:
    ‏21 آب 2006
    المشاركات:
    9,454
    الإعجابات المتلقاة:
    0
    فخّار


    نيال فخارا لها الجرا

    فرحان عندو عيد

    بيشرب ع طوع نبيد

    سكران ما عمرو صحي مرّا

    ومدري خدودو ليش محمرّا

    تخمين بوّس شي مرا سمرا

    تما غفي ع تم هالجرا

    ،،،،

    شو كنت يا فخار قبل بهالدني؟

    كمشة تراب وعشت ما صرلك سني

    لمّن جبلتك خابيي حمرا

    تا عتّق نبيداتنا للعيد...

    ،،،،

    متلك انا

    كنت بزماني طين يا فخّار

    صدفه مرق الله جبلني بدمعتو ... بالنار

    وشوش بادني وطار

    وقللّي انت فخار

    يوجرّا

    وشو نفع هالجرّا

    لو نشفت الخمرا؟.

    ،،،،

    هيدي الدني اسرار

    بكرا نصرت ختيار

    وعنّت ع بالك شي بنت سمرا

    يا صاحبي تذكر انت فخّار
     
  7. Ranya

    Ranya
    Expand Collapse
    New Member

    إنضم إلينا في:
    ‏3 أيلول 2006
    المشاركات:
    436
    الإعجابات المتلقاة:
    1
    ليش هيك صرتي كتار
    وبعدك ما حدا
    وحلوه

    مرة متل هالصيف حفيانة
    ومرة متل غمض
    وقبل ما تفتح انساني

    ...

    Enleel
    انا ممكن اكتبلك شوية قصايد من شعر طلال،
    بس عندك استعداد تترجملي اياهن؟:p
     
  8. Nassim

    Nassim
    Expand Collapse
    بروحي تلك الأرض

    إنضم إلينا في:
    ‏21 آب 2006
    المشاركات:
    9,454
    الإعجابات المتلقاة:
    0
    كمشة ريح

    بيتي ع كتف الريح

    والليل ما خلاَّ ع شباكي حلم يرتاح

    الحيطان عمتحكي مع الحيطان

    والارض عمتسمع بكي وتنويح

    مدري بأي بلاد رح تخلص الريح

    متلك انا يا دار كمشة ريح


    يا دار لو تمشي معي يا دار

    بكرا بقولو الناس مات العندليب

    وردّو ع صدرو حجار

    يا ليل ما تطوّل ع خشبات الصليب

    ولا نهار رح تبكي الدني ولا نهار
     
  9. HUCe

    HUCe
    Expand Collapse
    عَنقود عِنب

    إنضم إلينا في:
    ‏19 آب 2006
    المشاركات:
    4,597
    الإعجابات المتلقاة:
    0
    حب

    خدني معك يا حب، شي مشوار
    وع السكت وشوشني، سرار سرار
    محّي لأيامي بايديك الزغار
    مدري شو صابو، هالعمر
    فتّح وصار قمار

    يا ريت هالعمر الهرب
    يرجع ونحنا صغار
    لا بعود اقرا بها الكتب
    ولا بعود عمّر الدار
    بقشقش حواليي حطب
    وبشعّل فيها النار
     
  10. Ranya

    Ranya
    Expand Collapse
    New Member

    إنضم إلينا في:
    ‏3 أيلول 2006
    المشاركات:
    436
    الإعجابات المتلقاة:
    1
    فــوق

    كان في غصن بردان

    ع مرجة هلي

    سألتن لمين الطقس

    قالولي إلي...

    وطلعت اتفقد إذا ردوا البواب

    وبقيت فوق

    وما حدا قللي نزلي


    .
     
  11. ScarLet

    ScarLet
    Expand Collapse
    انا بنت زينب العقيلة ..

    إنضم إلينا في:
    ‏3 أيلول 2006
    المشاركات:
    2,741
    الإعجابات المتلقاة:
    2
    طلال حيدر .. احلى شعر عامّي قريته!
     
  12. Ranya

    Ranya
    Expand Collapse
    New Member

    إنضم إلينا في:
    ‏3 أيلول 2006
    المشاركات:
    436
    الإعجابات المتلقاة:
    1
    كل ما اشتقت للبنان ولأهلي بلاقي حالي عم بركض لعنده..
    كلماته بترجعني على مطارح وحدي انا اللي بعرفا..
    بتشلحني بحضن الدفا..
    وبترسملي ضحكات بقلبي من غير ما اتربح جميلة شحادتها بالإيام الصعبة!
     
  13. HUCe

    HUCe
    Expand Collapse
    عَنقود عِنب

    إنضم إلينا في:
    ‏19 آب 2006
    المشاركات:
    4,597
    الإعجابات المتلقاة:
    0

    وعم برسمك يل هونيك ناطرة
    يا خيوط شمس من السما نازلة
    بإسمك بتختزلي المطارح
    بصوتك بتوقف كل المطاحن
    ومن عيوني
    إنتِ هل حبات الضو الطالعة


    يل شفافك مغمضة عيونا ع العمر
    يل عيونك عم يدّشرو البحر
    ع خدودك بلون الجوري والرمل

    ولما شمّ هزات شفافك وتضحكي
    يا عمري لو تعرفي قديش بتصير الدني

    لما تبلّش رقصة شفافك ع وجّك الأمل والمسرح
    بركض بهّب متل الريح بلم شفة وبالتانية بتعبّط

    وشعرك الاشقر الداشر ع كتافك
    سنابل قمح
    بيتعمشق عليهم الهوا
    وعصافير صغار عم يترغلو
    إجا حزيران

    ... وجايي
     
  14. RITA

    RITA
    Expand Collapse
    shokran,jeddan,jazilan

    إنضم إلينا في:
    ‏24 تموز 2007
    المشاركات:
    580
    الإعجابات المتلقاة:
    4
    طــــــــــــــــــــــــــلال حيدر

    هذه باقة من قصائد رائعة للشاعر اللبناني طلال حيدر




    بعضها قد طالما سمعناه من خلال صوت مارسيل الساحر كما انشدت جارة القمر قصيدتان له هما:زهر البيلسان ويا راعي القصب...
    رح حاول نزل الاغاني كمان
    (سجر البن,بيتي,ركوة عرب,قومي طلعي عالبال)
    هيدي القصايد
    ....
    يا رايح

    يا راعي القصب مبحوح جايي عبالي شروقي
    قللو للقصب ما يبوح بالسر اللي بعروقي
    و إن ضعنا سوى بهالليل خلي صوتك مسموعي
    يا رايح صوب مشرق شرق ما بو ربيعي
    راحوا يرعوا غنمهن و العشب فوق ضلوعي
    و ايام الغابن ولفي لعدن عا صابيعي
    و عتم علينا يا ليل و ضيعي يا حلوة ضيعي
    قالولي إني عشقان و أني مش داري بحالي
    بين الصاحي و الغفيان لمحت خيالك قبالي
    كان الصبح شنو بان و ادان الصبح عالي
    و نازل من صوبن مرسال و من عيني نزلوا دموعي
    ركوة عرب
    .. طلال حيدر
    أحلى من الركوه
    على منقل عرب
    أحلى من الفنجان
    حلوه
    متل عُبي القصب
    خيط القصب تعبان
    جيبوا حدا من دمر
    يدقدق وشم
    جيبوا من الهامة
    والوشم
    بن محمّص وهب الهوا شامي
    غمازة لعالخد
    ماإلها إسم؟
    والخد قدامي
    ومكحلي ...
    والكحل راسمها رسم
    مين لبرا قلامي
    ومشنشلي متل الفرس
    والسرج خيّالي
    بإيدا أساور من دهب
    بتخش
    بتخش؟
    بيدور الطرب ليوم القيامة...


    قومي اطلعي ع البال
    .. طلال حيدر
    قومي اطلعي عالبال
    بِغيبتِك نزِل الشتي
    قومي طلعي ع البال
    في فوق سجادة صلا
    والعم بيصّلوا قلال
    صوتن متل مصر المرا
    وبعلبك الرّجال
    ع كتر ما طلع العشب بيناتنا
    بيرعى الغزال
    وَدّيت مع راعي حماه
    يشفلي الطقس شمال
    قللي السني جايي هوا
    بيوَقّع الخَيّال
    ياريت
    ما سرجت الفرس
    ولا بْعَتْ هـ المرسال


    لبسو الكفافي ومشوا
    .. طلال حيدر

    وما عرفت مين هن..
    ماعاد رح يرجعوا
    ياقلب حاج تعن
    لاحصان جايب حدا
    ولا سرج عم بيرن
    لك ضحاك
    سنك دهب
    خليه يبان السن
    خليك متل القصب
    كل ما عتق بيحن
    يابن اسمك حلو
    سميت حالي بن
    رد العباية القصب
    ع الكتف
    محبوبي
    والعين قوس القدح
    وسيوف مسحوبة
    راحو
    لبسوا العتم !
    قامات مهيوبة
    ناديت
    بالله رجعوا
    ماتلتفتو صوبي


    يا من حلب
    .. طلال حيدر
    يا من حلب
    يا من الشام
    هالحنة شمالية .....
    حنيت ايديك
    يا بو خطوط محنية
    بيلبقلك التوب
    والشملة الشامية
    لك سحاب سيفك وغني
    بتلبقلك الغنية
    مكتوب ع السيف
    والكلمات كوفية
    مكتوب حبيت
    الباقي حروف ممحية .........



    .. طلال حيدر


    حب

    خدني معك يا حب شي مشوار
    وع السكت وشوشني سرار
    محي لأيامي بأيديك لصغار
    مدري شو صابو هالعمر
    فتح وصار قمار
    ياريت هالعمر الهرب
    يرجع ونحنا صغار
    لاعود بقرا بهالكتب
    لابعود عمَر دار
    بقشقش حواليي حطب
    وبشعل بهالنار

    فخار

    نيال فخارا لها لهجرة
    فرحان عندو عيد
    بيشرب عطول نبيد
    سكران عمرو ما صحي مرة
    ومدري خدودو ليش محمرة
    تخمين بوس شي مرة سمرا
    تما غفي ع تم هالجرة..



    سجر البن

    بيني وبينك سجر البن
    وحب الهال
    وزهر النوم
    بيني وبينك تسع جبال
    وعرب وصحرا
    وغيبة يوم
    بيني وبينك ضربة رمح
    وفرس وسيف
    وهجم الصبح


    بيني وبينك طيرة طير
    نادو ا كلن عالفراق
    وقطفني متل الصبير
    صوت الغنو بالعراق
    لو نقدك كان بمدينة
    وبالشام العرس
    لاركب عالفرس
    وجبلك مفتاح القدس
    رايح اسرقلك غابة
    اسرقلك جان
    وعلق ع سجر البن
    عقود المرجان
    .............................................................................................
     
  15. YarBaaM

    YarBaaM
    Expand Collapse
    Tov Al Hlev

    إنضم إلينا في:
    ‏20 آب 2006
    المشاركات:
    2,761
    الإعجابات المتلقاة:
    1
    الله يخليكي ريتا اذا بتقدري تلاقيلي
    صوتك مرق علمسافي و سلم عليها
    ما صدقت انو مرء تشافت الحني عايديها
    مشكورة
     

مشاركة هذه الصفحة